Jobi 2:12 - U TIENU MAAMA TILI 2013

¹² Ban den ye foagima ki yaadi ki noanli o, baa den bandi o. Ban den nagine ke bi den bandi o. Bi den mua ki figindi hali boncianla. Bi den cuo bi liadiciama ki padi, ki wuliti bi yula po mi tama.

Gourmanchéma Bible

¹² Ban den ye foagima ki yaadi ki noanli o, baa den bandi o. Lanwani ban den nagini ki bandi o, bi den mua ki figindi hali boncianla. Bi den cuo bi liadiciama ki padi padi, ki wuliti bi yula po mi tama.

Jobi 2:12 ပူးပေါင်းရင်းမြစ်များ

Mi cilima 27:34

Esayu n den gbadi o baa maama yeni, o den yaadi ki kpaani ki buudi boncianla, ki ye leni li pabiidicianli. O den yedi o baa: «Go gaali nmoko n baa.»

2 Samueli 13:36

Wani Jonadabi n maadi ki jiini yaa yogunu, o bado bijaba den nagini ki pundi. Bi den buudi. O bado leni o badibaanba kuli moko den buudi hali boncianla.

Esidirasi 9:3

Min den gbadi lani, n pali den boandi ke n padi n tiayiekaadi leni n kpaligolikaabu kuli, ki ŋabi n yudi leni n langbiadi, ke n gbanu wudi ke n kali.

Nehemi 9:1

Cilele yeni piilie n danaali, Isidayeli yaaba den taani ki baa loli bu ñoabu. Bi den yie li paboanli tiadi, ki wuli bi ba po mi tama.

Esiteri 4:1

Mardoke n den gbadi yaala n tieni kuli, o den padi o tiadi ki lani li paboanli tiadi, ki wuli oba po mi fantanpienma, ki doagidi o paboanli, ki kua u dogu siiga ki buudi ki kpaani.

Jobi 1:20

Lani, Jobi den fii ki sedi ki padi o liadicianli, ki kuo o yuli. Li yaa puoli, o den labini ki pugi U Tienu,

Jobi 19:14

N bankaaba sani ki ŋaa nni, N buakaaba sundi n po.

Jeremi Bubula 2:10

Siyon nikpela kaa tiipo ki ŋmini. Bi wuli mi tama bi yula po, Ki lani li paboanli tiadi. Jerusalemi jafanba, Tibini bi yula ki diidi tiipo.

Esekieli 27:30

Bi baa buudi ki kuudi a po hali boncianla. Bi baa pugi bi yula po mi tama, Ki yaa bilini mi fantanpienma nni.

Josue 7:6

Li paboanli po, Josue leni Isidayeli yaaba nikpela den padi bi tiadi, ki wuli bi yula po mi tama. Bi den laabi o Diedo ŋantaadikpaku nintuali, ki yaa caa hali ku yenjuagu.

Mi Doagidima 18:19

Bi den taa mi tama ki wuli bi yula po, ki mua i kumoe, ki tangi: ‹Fala, fala baa u dociamu, yuu yaa piacianma po n den teni ke yaaba n pia ti ñinbiaciandi mi ñincianma nni kuli tua piada. U bodi yenma yoginjenjenga nni nilo ki go ye u niinni.›

Bi Bujiaba 2:4

O Diedo maleki n den maadi Isidayeli yaaba laa maama, bikuli den tiani ki buudi.

1 Samueli 11:4

A tonda den gedi ki ban pundi Sayuli dogu Gibeya, ki togidi laa maama bi niba kuli kani, ke bi niba kuli den buudi boncianla.

1 Samueli 30:4

Lanwani, Davidi leni yaa niba n den ye leni o kuli den buudi buudi hali ke bi fidu kuli den gbeni, ke baa go fidi ki buudi.

1 Samueli 4:12

Landaali Benjamen buolu jayendo den ñani bu toabu po ki sani ki pundi hali Silo. O pabiidili po, o den padi o tiadi ki wuli o yuli po mi tama.