Jobi 13:11 - U TIENU MAAMA TILI 2013

¹¹ Naani U Tienu bali ki jiendi yi? Naani o fangili jeje kan cuo yi?

Gourmanchéma Bible

¹¹ Naani wani U Tienu bali jigidi kan jieni yi? Naani o fangili jeje kan cuo yi?

Jobi 13:11 ပူးပေါင်းရင်းမြစ်များ

Jobi 13:12

Yi kpanjama kuli ki pia fuoma Nani mi fantanpienma yeni. Yi mabanma mo tie nani ti tandi bilini yeni.

Jobi 13:21

Yindi n po a nuu yuu n coagini nni, Ki da go jiendi nni mo.

Jobi 31:23

N den jie U Tienu cuonu, Ki kan den fidi ki tieni liba kuli, O bali kpiagidi kani.

Pisomi 119:120

Min fangi a maama teni Ke n gbanu jeli. N jie a buudi mo.

Mi Ñama 15:16

I jeje leni ti jawaandi baa cuo ba. A buagu paalu baa teni ban tua muula nani li tanli yeni. Bi kan fidi ki tieni liba kuli hali a niba, Ŋan faabi yaaba yeni n baa pendi.

Esayi 8:13

Li Miali Diedo U Paaciamu Kuli Daano Tie yin baa yaa nua yua, O gagidi ki ŋani, Yi baa jie wani bebe yo, Yi baa yaa fangi wani bebe yo.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Jeremi 5:22

Mini o Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima N tie mi ñincianma banlu, Yaa banlu ke mi kan fidi ki kandi abada. Mi ñingola lengidi, ama ŋaa pia paalu. Mi duni, ama mi kan fidi ki kandi.

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku fantanbuogu nni.