Jobi 1:21 - U TIENU MAAMA TILI 2013

²¹ ki yedi: «N ñani n naa tugu nni mubime. N go baa guani min ñani naani mubime. O Diedo n bi puni nni, O Diedo n go gaa. O Diedo yeli n baa ti pagidi.»

Gourmanchéma Bible

²¹ ki yedi: «N ñani n naa tugu nni mubile. N go baa guani mubile. Li Miali Diedo n puni nni, Li Miali Diedo n goa ga. Li Miali Diedo yeli n baa ti kpiagidi.»

Jobi 1:21 ပူးပေါင်းရင်းမြစ်များ

Mi cilima 3:19

A baa soani li tuonli ki mande, ki nan baa li bonjekaala, Hali ŋan baa guani ki tinga nni, Ŋan den ñani naankani, Kelima a tie mi tama, ki go baa guani mi tama nni.»

Mi cilima 30:2

Jakob pali den beni Raseli po, ke o yedi: «Naani n tie U Tiene, ki teni ke ŋaa mali?»

Mi cilima 45:5

Moala yin da go yagi yi yama, ki da biidi yi pala yi yula po ke yi den kuadi nni ke bi cuani nni nekanba, kelima U Tienu n den soani nni yi liiga, ke min faabi yi miana.

2 Samueli 16:12

Li fidi ke o Diedo baa le n po n fala ki lebidi ban solini nni yaa solindi dinla ne, lan tua n po seli.»

1 Bi Badiba 12:15

Yeni o bado ki den cengi Isidayeli yaaba maama, kelima o Diedo n den teni ke li tua yeni, ke wan den soani Silo yua Ahiya ke o soagini Nebati bijua Jeroboami yaa maama n tieni.

2 Bi Badiba 20:19

Esekiasi den guani ki yedi Esayi: «Ŋan waani nni o Diedo maama yaama na tie mamanma.» O den yedi o yama nni ke mi yanduanma wani baa yaa ye, ke yanbani mo ki ye o po o miali dana nni.

Nehemi 9:5

Lane Levi buolu yaaba Josue, Kadimieli, Bani, Hasabinia, Selebia, Hodiya, Sebania leni Petaya den yedi: «Fii mani! Pagi mani o Diedo yi Tienu yaa yogu n tuu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

Jobi 1:11

Ama tandi a nuu ki fie wan pia yaala kuli, n bani cain ke o li baa teli ki sugi a a nunbu nne.»

Jobi 2:10

Ama Jobi den guani ki yedi o: «A maadi nani yaa pua n ki pia yama yene! Be yaa po yo ke ti baa yaa gaani U Tienu kani yaala n ŋani, Ki nan kan gaa yaala n bia wani?» Ba laa bonla kuli yaa niinni, Jobi naa den tieni ti tuonbiadi o maama nni.

Jobi 9:12

Ŋme n baa teni wan ŋaa wan fie Yaala leni u paalu? Ŋme n baa tuo ki buali o: ‹A tiendi be mo n yeni?›

Pisomi 34:1

Davidi yanbu. Li tie wan den tieni Abimeleki kani yaa yogunu nani ke o gaadi yeni, ke Abimeleki deli o ke o sani ki maadi yaa maama.

Pisomi 34:2

N baa yaa pagi o Diedo yogunu kuli, O pagidi mo baa yaa ye n ñoabu nni.

Pisomi 39:9

Faabi nni leni n tuonbiadi kuli. Da tuo o yanluodaano n yaa fiagidi nni.

Pisomi 49:17

Ŋan da yagini a yama o nilo Yaa baadi ŋalimani ki pugidi, Ke o diegu baali mo pugidi,

O Yanfuodaano 12:7

Lanyogunu o nisaalo gbanandi baa guani ti tandi nni, tin ñani naani. O naano mo baa guani U Tienu po, wani yua n den puni o ti.

O Yanfuodaano 5:14

Wan ñani o naa tugu nni maama, o baa kua ki tinga nni yene, mubima, kaa kubi liba. O kan fidi ki taa o tuonli nni liba kuli, ki baa gedini.

O Yanfuodaano 5:15

Lani moko tie falaciamo, wan ñani o naa tugu nni maama, wan guani yeni. O ŋmani be lienni? O soani mi fawaama po yo.

O Yanfuodaano 5:19

O kan tiadi o miali dana n wa maama, kelima U Tienu n puni o yaa pamanli po.

Esayi 24:15

Kpiagi mani o Diedo diema Yinba yaaba n ye puoli. Pagi mani Li Miali Diedo Isidayeli Tienu, Yinba yaaba n ye mi ñincianma dega po.

Esayi 42:24

Ŋme n den taa Jakob puoliŋuani Ki teni yaaba n kpabidi ba? Ŋme n den taa bani Isidayeli yaaba Ki teni yaaba n fagi ba? Naani laa tie o Diedo, Tin tieni yua yaa po ti tuonbiadi yeni ka? Baa den bua ki cuoni o sani nni, Baa den cengi o bali maama.

Esayi 45:7

N tagi mi yenma ki go tagi li biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Jeremi Bubula 3:38

Naani tanpoli Badiciamo ka teni Ke yaala n ŋani leni yaala n bia kuli tiendi?

Amosi 3:6

Naani bi baa pua li toagangaali u dogu nni, Ke bi niba kan jie? Naani fala baa baa dogu, Ke laa tie o Diedo n cuani la?

Matie 20:15

Mii pia sanu ki tieni min die yaala min bua maama bi? Li nunponli cuo ŋa, kelima min ŋani yeni po yo?› »

Jesu Tondiba Tuona 4:28

Ban den taani yeni, bi den tieni ŋan den tuodi ki bili yaala a paalu leni a yanjagili po.

Efesa 5:20

Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.

1 Tesaloniki 5:18

Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.

1 Timote 6:7

Tii den cua leni liba kuli ŋanduna nni, ti yaa ña lienni mo, ti kan fidi ki taa liba kuli.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 5:11

Diidi mani, ti tua ke li pamancianli ye leni yaaba n laa fala ki go juuni lienni. Yi gbadi Jobi n den pia yaa juunli leni o Diedo n den yuandi ki puni o yaala o juodima yogunu, kelima o Diedo pia mi ninñingbadima, ki go pia li ŋanbili boncianla.

Ruti 1:21

N den ñani ne leni u nukubidu, Ke o Diedo guani nni leni u nukuomu. U Paaciamu Daano buli nni o nunga, Ki teni ke mi yebiadima ŋmaa nni, Lanwani yi baa gaa lede ki nan go yaa yi nni Noemi?»

1 Samueli 2:7

O Diedo yen teni bi nitianba n luo, Ki teni bine n yaa pia. O jiindi bi nitianba, Ki fiindi bi nitianba mo.

1 Samueli 2:8

O fiindi o ninñinnilo, ki ñandi o ku tangbangu nni. Ki fiindi o luodo, ki ñandi o ti baadi nni, Ki tendi ke bi taagi ki kaa leni a nikpiaga ti kpiagidi kaanu. O Diedo n die ki tinga benjieli kuli, Ki teni ke ki maa yi yaa po.

1 Samueli 3:18

Lanwani, Samueli den togidi o li kuli kaa wuoni liba. Eli den yedi: «O tie o Diedo, wan tieni yaala n dagidi o po.»