Jan n diani U Tienu Laabaaliŋamo maama 8:58 - U TIENU MAAMA TILI 2013

⁵⁸ Jesu den yedi ba: «N yedi yi i moamoani, hali ke Abalahama daa den ye, “N Ye.”»

Gourmanchéma Bible

⁵⁸ Jesu den yedi ba: «N yedi yi i moamoani, hali ke Abalahama daa den ye, “N Ye”.»

Jan n diani U Tienu Laabaaliŋamo maama 8:58 ပူးပေါင်းရင်းမြစ်များ

Mi Ñama 3:14

U Tienu den yedi Musa: «N TIE MIN TIE YUA.» O go den yedi: «Ŋan maadi Isidayeli yaaba yaa maama n tie ne: ‹“N YE,” n soani nni yi kani.› »

Esayi 43:13

N li bi tie wane hali ke puu kuli daa cili, Oba mo kan fidi ki gaa min muubi Yaala n nuu nni. N yaa tieni, ŋme n baa fidi ki yie n po?»

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 44:8

Da jie mani, da digibi mani, Mii den teni ke yi gbadi Ke n go waani yi la hali yogu te? Yinba n tie n siedinba: Naani toa go ye ke laa tie mini? Tanciantoagu kuli ki ye Min ki bani yaagu yaa po.»

Esayi 46:9

Tiadi mani hali yogu yaala n den kpa tieni, Kelima mini n tie U Tienu. Tientoa ki ye, n tie U Tienu! Liba mo ki naani leni nni.

Esayi 48:12

Cengi mani nni yinba Jakob puoliŋuani! Min yini yinba yaaba Isidayeli yaaba! Mini lige, mini n tie o nikpialo, Mini n go tie o nijuodika.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Jan n diani U Tienu Laabaaliŋamo maama 10:25

Jesu den guani ki yedi ba: «N den waani yi, ama yii daani n maama. Min tuuni yaa tuona n Baa yeli nni tiendi n po siedi.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 17:5

Moala, fini Baa, ŋan kpiagi nni a kani leni min den kpa pia yaa kpiagidi a kani ke ŋanduna daa ye.

Jan n diani U Tienu Laabaaliŋamo maama 8:24

Lani yaa po yo, ke n waani yi ke yi baa kpe yi tuonbiadi nni, kelima yi yàá daani ke “N Ye,” yi baa kpe yi tuonbiadi nni.»

Jan n diani U Tienu Laabaaliŋamo maama 8:28

Lani yaa po, Jesu den yedi ba: «Yi yaa yugidi o Joa Bijua yaa yogunu, yi baa bandi ke “N Ye.” Lanyogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe.

Jan n diani U Tienu Laabaaliŋamo maama 8:34

Jesu den guani ki yedi ba: «N waani yi i moamoani, yua n tiendi ti tuonbiadi kuli tie ti tuonbiadi yonbo.

Jan n diani U Tienu Laabaaliŋamo maama 8:51

N yedi yi i moamoani, yua n kubi n maama, o kan kpe abada.»

Kolosi 1:17

O ye hali ke bonliba kuli daa ye. Wani n kubi li bonla kuli ke li tuugi ki se bonŋanla.

Hebilunba 13:8

Jesu Kilisiti tie yenma wonli, dinla leni yaa yogunu kuli.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»

Mi Doagidima 1:8

Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega. Lani n tie mi cilima leni mi juodima.»

Mi Doagidima 2:8

Ŋan diani Kilisiti Nitaanli yaali n ye Simirini yaa maleki po ki yedi o: «Yua n tie o kpialo leni o juodika, wani yua n den kpe ki go ye ki fo yedi yaala n tie ne: