Jan n diani U Tienu Laabaaliŋamo maama 8:47 - U TIENU MAAMA TILI 2013

⁴⁷ Yaa nilo n tie U Tienu yua kuli, cengi wani U Tienu maama. Yin kaa cengi yeni, li tie ke yii tie U Tienu yaa yaabe.»

Gourmanchéma Bible

⁴⁷ Yaa nilo n tie U Tienu yua kuli cengi wani U Tienu maama, yin kaa cengi yeni, li tie kelima yii tie U Tienu yaa yaabe.»

Jan n diani U Tienu Laabaaliŋamo maama 8:47 ပူးပေါင်းရင်းမြစ်များ

Danieli 12:10

Bi niba boncianla baa ŋuudi ki pendi paipai, ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima. Bi siiga nni oba kuli kan gbadi liba, ama yaaba n pia mi yanfuoma baa gaa.

Jan n diani U Tienu Laabaaliŋamo maama 12:48

Yua n yie nni kaa gaa n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jan n diani U Tienu Laabaaliŋamo maama 18:37

Laa maama po, Pilati den yedi o: «Lanwani, a tie bado yo?» Jesu den guani ki yedi: «Fini n yedi la, n tie bado. Min den cua ŋanduna nni ke bi mali nni, li den tie ke min yaa tiendi siedi i moamoani po. Yua n tie i moamoani yua kuli baa cengi min yedi yaala.»

Jan n diani U Tienu Laabaaliŋamo maama 5:25

N yedi yi i moamoani, u yogunu kpendi ki pundi ba moala, ke yaaba n kpe baa gbadi U Tienu Bijua nialu. Yaaba n baa gbadi u mo kuli baa yaa fo.

Jan n diani U Tienu Laabaaliŋamo maama 6:65

O go den yedi: «Li tie lani yaa po ke n yedi yi, ke oba kuli kan cua n kani, li yàá tie ke Baa puni o wan cua.»

Jan n diani U Tienu Laabaaliŋamo maama 8:37

N bani ke yi tie Abalahama puoliŋuani, ama ba yeni, yi lingi ki bua ki kpa nni, kelima min maadi yaa maama, naa baa kaanu yi pala nni.

Jan n diani U Tienu Laabaaliŋamo maama 8:43

Be yaa po ke yii gbadi min maadi yaa maama? Li tie ke yii fidi ki gaa min yedi yaale.

Jan n diani U Tienu Laabaaliŋamo maama 8:45

Mini wani, n maadi i moamoani, ama yii dugi n maama po.

1 Jan 3:10

Line n doagidi U Tienu bila leni Sutaani yaa bila n paadi leni biyaba maama: Yua n kaa tiendi yaala n tiegi kuli, bi kaa bua o kpiilo kuli, waa tie U Tienu biga.

1 Jan 5:1

Yua n daani ke Jesu tie U Tienu n Gandi Yua, tie U Tienu biga. Yua n bua ki biga baa kuli baa bua o biga mo.

2 Jan 1:9

Yua n suagi liiga ki naa ye Kilisiti yaa bangima nni kuli, waa pia U Tienu. Ama yua n se mi bangima yeni niinni, wani n pia Baa leni Bijua.

3 Jan 1:11

N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu.