Jan n diani U Tienu Laabaaliŋamo maama 7:37 - U TIENU MAAMA TILI 2013

³⁷ Laa jaanma juodidaali, lani n tie mi jaanma dacianli, Jesu den se ki kpaani: «U ñuñuunu n pia yua kuli, wan cua n kani ki ño.

Gourmanchéma Bible

³⁷ Laa jaanma juodidaali, lani n tie mi jaanma dacianli, Jesu den se ki kpaani: «U ñunñuunu n pia yua kuli, wan cua n kani ki ño.

Jan n diani U Tienu Laabaaliŋamo maama 7:37 ပူးပေါင်းရင်းမြစ်များ

Nehemi 8:18

Bi den cogi bi po U Tienu bali maama tili daali kuli, ki cili mi jaanma cilidaali, ki ban pundi hali mi juodima daali. Bi den jaani laa jaanma danalele, ki taani taancianli li daniili daali nani lan den bili maama.

Pisomi 143:6

N yugidi n nii ki teli a po ki miadi a, N pali mo bua ŋa nani yaa tinga n kuodi N bua mi ñima maama yeni. Joma

Pisomi 42:2

Nani ki boaliga n fuo Ki dogi mi ñima po maama, Mini moko fuo ki dogi a po yene, N Tienu.

Pisomi 63:1

Bi yanyinba yudaano yani siiga yanbu. Davidi yanbu. Li maadi Davidi n den sani ki ban kali Juda fanpienma nni yaa yogunu yaa maame.

Mi Kpanjama 1:20

Mi yanfuoma kpaani i sani nni, Ki kpedi u nialu mu daamu nni.

Mi Kpanjama 8:1

Yii gba ke mi yanfuoma kpaani ki yi? Yii gba ke mi kpedi mi nialu?

Mi Kpanjama 8:17

Mini wani, n bua yaaba n bua nni, Yaaba n lingi nni mo baa le nni.

Mi Kpanjama 8:3

Mi se bi niba n tagi naani ki kua u dogu nni, Leni a buliñoana kani Ki kpaani ki tua:

Mi Kpanjama 9:3

Mi soani mi puotuada Ban ban sedi yaa juana n yiini u dogu po, Ki kpaani ki yedi:

I Yani 5:1

N naataanpuoga, n buado, N kua n salidingo nni, Ki ñani mili leni yaa muadi Yaa tibidi n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani, Ki teni mi buama n gaadi yi, Nani mi daama yeni!»

Esayi 12:3

Yi baa yaa kabidi mi ñima leni Li pamanli mi faabima ñinbuna kani.

Esayi 40:2

Maadi mani leni Jerusalemi yaaba Ki waani ba ke bi janjanma gbeni, Ke bi baa sugili bi tagili po, Kelima bi baa U Tienu kani Bi tuonbiadi panpaani taalimilie.»

Esayi 40:6

U nialu yedi: «Kpaani!» Ke nmo guani ki buali: «N baa kpaani ki yedi be?» U nialu yeni guani ki yedi: «Gbanandi kuli tie nani ti muadi yeni, Ti ŋamu mo nani i kuani nni puuma yeni.

Esayi 44:3

N baa wuli mi ñima ki tinkuonga po, Ki tieni i fuani yaa tinga n kuodi nni. N baa yadi n Fuoma yi puoliŋuani po, Ki go maani n seli yi madi kuli po.

Esayi 55:1

U ñuñuunu n pia yinba yaaba yeni kuli, Cua mani mi ñima kani. Ba yua n ki pia ligi, Cua mani ki daa ki je. Cua mani ki daa mi daama leni mi naaŋanma Ke laa tie ligi, ki naa pia panpaani mo.

Esayi 55:3

Diadi mani yi tuba ki cua n kani, Cengi mani, lani yi baa yaa ye. N baa kuani leni yi yaa ŋantaado n kan fidi, Li ŋanbimoanli ŋantaado, Davidi po.

Esayi 58:1

Yaadi ki kpaani boncianla ki da ŋmini. Kpedi a nialu nani li naatuntunli yeni, Ki waani n niba bi biadima, Ki waani bani Jakob buolu yeni bi tuonbiadi.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Esekieli 47:9

I bonfuodi buoli kuli baa yaa fo ki ye u kpenu yeni n kua naani kuli. Yeni, i jami baa yabidi ki kandi, kelima mi ñima yeni baa pundi likani, ke mi ñincianma kuli n ŋanbi. Lani, u kpenu yeni baa cuani li miali wun baa kua naankani kuli.

Levi 23:36

Hali danalele banlu, yi baa padi o Diedo po a padijuukaana. Li daniili, yi baa tieni taangagidikaali, ki padi o Diedo po a padijuukaana. Li baa yaa tie u badu juodima daali, yi kan soani tuonpaaliba kuli landaali.

Levi 23:39

Cilele yeni piiga n damuuli, yi yaa taani ki gbeni yi kpaandi, yi baa jaani o Diedo po laa jaanma, hali danalele banlu. Li dakpiali baa yaa tie fuodima daali, li dajuodikaali moko n yaa tie fuodima daali.

Mise 6:9

O Diedo maadi leni u dogu niba, ki yedi: Juda yaaba leni u dogu nitaanli cengi mani, O Diedo baa faabi yaaba n fangi o yeli.

Sakari 9:15

Li Miali Diedo U Paalu Kuli Daano baa kubi o niba, Ki ŋaa o tatana n bolini bi yibalinba, Ki teni bi soama n puubi nani duven yeni, Yaa ka nani yaa soama n gbie bi kopadicianba N yen kubi yaa tadimu ki miini Li padibinbinli yina po yeni.

Mi Coadima 29:35

Mi jaanma daniili, yin taani ki tieni li taanjuodikaali. Yi kan soani tuonpaaliba kuli.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Matie 3:3

Jan n tie o saawalipualo Esayi n den maadi yua yaa maama ki yedi: «O nilo kpaani mi fanpienma nni ki tua: ‹Yin bogini o Diedo sanu, Ki naadi mani o sani.› »

Matie 5:6

Li pamanli ye leni mi teginma koma leni mi ñuñuunu n pia yaaba, kelima bi baa guo.

Jan n diani U Tienu Laabaaliŋamo maama 1:23

O den yedi ke o tie: «Yua n kpaani mi fanpienma nni ki tua: ‹Naadi mani o Diedo sanu,› » Nani Esayi den yedi maama.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 4:10

Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

Jan n diani U Tienu Laabaaliŋamo maama 4:11

O pua yeni den yedi o: «Canbaa, ŋaa pia loangu, ke li caali mo nan ñua. A baa baa yaa ñima n pia li miali le?

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñuñuunu kan go cuo o abada. Min baa pa o yaa ñima baa tua ñinbunli o niinni, ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 5:40

Ba yeni, yii bua ki cua n kani ki baa li miali.

Jan n diani U Tienu Laabaaliŋamo maama 6:35

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada.

Jan n diani U Tienu Laabaaliŋamo maama 6:37

Baa U Tienu n puni nni yaaba kuli baa cua n kani. N kan deli yua n cua n kani kuli.

Jan n diani U Tienu Laabaaliŋamo maama 6:55

N gbanandi tie jemoanma, n soama mo tie bonñokamoanla.

Jan n diani U Tienu Laabaaliŋamo maama 7:28

Lani yaa po, Jesu n den bangi ba U Tienu diegu nni, o den kpaani: «Yi bani nni, ki go bani min ñani naani. Mii cua n yuceli cuama ka. Yua n soani nni tie o moamoandaano. Yii bani o.

1 Korenti 10:21

Yi kan fidi ki ño o Diedo tadiñokaaga, ki go ño mu cicibiadimu yaa tadiñokaaga. Yi kan taani ki je o Diedo jiema, ki go taani ki je mu cicibiadimu mo yaa jiema.

1 Korenti 10:4

ki go ñu bonñokayenla, yaala n ña u Tienu kani, kelima bi den ñu yaa tangu yaa ñima n ñani U Tienu kani, yaagu n den yegi leni ba. Laa tangu den tie Kilisiti.

1 Korenti 11:25

Ban den dini ki gbeni yaa yogunu, o den taa ki tadiñokaaga ki yedi: «Yaa tadiñokaaga n tie ne tie o Ŋantaadipaano yua n kua kelima n soama po. Yaa tiendi mani yeni ki tiadi n po, yin baa ño yaa yogunu kuli.»

1 Korenti 12:13

Bi den batisi tikuli mi Fuoyenma yeni yaa niinni, ke tin tua gbananyendi. Tin tie Jufinba, nilanba, yonbi, bi yaaba n die bi yula, U Tienu puni tikuli ke ti baa ki ñuni Fuoyenma yaa kani.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua.

Mi Doagidima 21:6

O go den yedi nni: «Li gbeni! N tie Alifa leni Omega, mi cilima leni mi juodima. U ñuñuunu n pia yua kuli, n baa pa o wan ño li miali ñinbunli kani, ki kan pa liba kuli.

Mi Doagidima 22:1

Lani, maleki yeni den waani nni li miali kpenciamu yuu n tie yengiyengi nani mi tanpenpelinma yeni, ke u ña U Tienu leni ki Pebiga bali kalikaanu kani.

Mi Doagidima 22:17

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.