Jan n diani U Tienu Laabaaliŋamo maama 7:28 - U TIENU MAAMA TILI 2013

²⁸ Lani yaa po, Jesu n den bangi ba U Tienu diegu nni, o den kpaani: «Yi bani nni, ki go bani min ñani naani. Mii cua n yuceli cuama ka. Yua n soani nni tie o moamoandaano. Yii bani o.

Gourmanchéma Bible

²⁸ Lani yaa po Jesu n den bangi ba U Tienu diegu nni, o den kpaani: «Yi bani nni, ki bani min ñani naani. Mii cua n yuceli cuama ka. Yua n soani nni tie o moamoandaano. Yii bani o.

Jan n diani U Tienu Laabaaliŋamo maama 7:28 ပူးပေါင်းရင်းမြစ်များ

Pisomi 9:10

O Diedo n tua kaanpaalu Ban mabindi yua po, Ki tua kaanpaalu li paboanli daali.

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 9:6

Lani n teni ke Li Miali Diedo U Paaciamu Kuli Daano yedi: «N baa teni ban nandi ba u mu nni, Min biigi ba. N baa tieni n niba lede?

Ose Tili 4:1

Cengi mani U Tienu maama, Isidayeli yaaba! U Tienu pia ti buudi leni mi diema yaaba, Kelima i moamoani ki ye, Buama ki ye, U Tienu bandima moko ki ye mi diema nni.

Ose Tili 5:4

Bi tuona kan tuo ban lebidi Ki guani bi Tienu kani, Mi conconma yantiali diedi ba, Ke baa go bani o Diedo.

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 2:23

O den gedi ki ban kali Nasareti dogu nni. Li den gaa yene ke bi saawalipuaba n den yedi yaala tieni: «Bi baa yini o Nasareti yua.»

Matie 26:55

Lanyogunu Jesu den yedi ku niligu: «Yi cua ki kubi mu jugisiemu leni i gbiami, nani yi lingi o sanjialo yeni, ki baa cuo nni. N den kaa U Tienu diegu nni daali kuli, ki bangi U Tienu maama, ama yii den cuo nni.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Luki 2:11

Dinla, Davidi dogu nni, bi mali yi po o Candaano, yua n tie Kilisiti, o Diedo.

Luki 2:39

Josefi leni Mariyama n den tieni o Diedo bali maama n bili yaala kuli ki gbeni, bi den lebidi ki kuni bi dogu Nasareti po, Galile diema nni.

Luki 2:4

Josefi moko den fii Nasareti dogu yuu n ye Galile diema nni, ki gedi Jude diema Davidi maadogu Betelemi nni, kelima o den tie Davidi puoliŋuanu leni o diegu nni yua.

Luki 2:51

O den yegi leni ba ki kuni Nasareti, ki tuo ki ŋua bi maama. O naa den kubi laa bonla kuli o pali nni.

Jan n diani U Tienu Laabaaliŋamo maama 1:46

Natanayeli den buali o: «Naani yaala n ŋani baa fidi ki ña Nasareti dogu nni?» Filipi den yedi o: «Cua na, ki ban le!»

Jan n diani U Tienu Laabaaliŋamo maama 10:36

Li gaa lede ke yi yedi ke n sugi U Tienu, kelima n yedi ke n tie U Tienu Bijua, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 12:49

Mii maadi n yuli bali po ka, Baa U Tienu yua n soani nni, wani n bili n po min baa yedi yaa maama leni min baa maadi ma maama.

Jan n diani U Tienu Laabaaliŋamo maama 14:10

Ŋaa daani ke n ye Baa niinni, ke Baa moko ye n niinni yo? Min maadi yi yaa maama yeni, maa ñani n yaa kani ka. Li tie Baa yua n ye n niinni n tuuni o tuona.

Jan n diani U Tienu Laabaaliŋamo maama 14:31

Ama li tie tiladi ke ŋanduna kuli n bandi ke n bua Baa, ki tiendi wan puogi nni yaala. Fii mani tin fuadi nekanba!

Jan n diani U Tienu Laabaaliŋamo maama 16:3

Bi baa yaa tiendi yi laa bonla, kelima baa bani Baa, baa bani mini moko.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 3:2

O den cua Jesu kani ku ñiagu ki yedi o: «Canbaa, ti bani ke a tie U Tienu n soani yaa bando, kelima oba kuli kan fidi ki tieni ŋan tiendi yaa bancianma na, kali U Tienu n ye leni yua.»

Jan n diani U Tienu Laabaaliŋamo maama 3:33

Die yua n dugi o siedi po, saa i moamoani, ke U Tienu tie moamoandaano.

Jan n diani U Tienu Laabaaliŋamo maama 5:32

Toa ye, yua n tiendi n po siedi. N bani ke wani n tiendi n po yaa siedi tie moamoani.

Jan n diani U Tienu Laabaaliŋamo maama 5:43

N cua ki tie n Baa tondo, ama yii tuo nni. Ama nitoa yaa cua o yuceli cuama, yi baa tuo o.

Jan n diani U Tienu Laabaaliŋamo maama 6:42

Bi den tua: «Wani ka tie Jesu, Josefi bijua, tin bani yua yaa naa leni o baa kuli yeni? Li nan gaa lede ke o yedi moala ke o ñani tanpoli po, ki jiidi?»

Jan n diani U Tienu Laabaaliŋamo maama 7:14

Mi jaanma dana yeni siiga, Jesu den kua U Tienu diegu nni ki bangi bi niba.

Jan n diani U Tienu Laabaaliŋamo maama 8:14

Jesu den guani ki yedi ba: «Ba ke n tieni n yuli po siedi, n siedi tie moamoani, kelima n bani min ñani naani, ki go bani min caa naani. Ama yinba, yii bani min ñani naani ki cua, yii go bani min caa naani mo.

Jan n diani U Tienu Laabaaliŋamo maama 8:16

Ba n yaa baa jia ti buudi, n bujiali baa yaa tiegi, kelima mii ye nbebe. Baa U Tienu yua n soani nni, ye leni nni.

Jan n diani U Tienu Laabaaliŋamo maama 8:19

Lanwani, bi den buali o: «A Baa ye le?» Jesu den guani ki yedi ba: «Yii bani nni, yii bani n Baa mo. Yi yaa bi bani nni, yi bi baa bandi n Baa moko.»

Jan n diani U Tienu Laabaaliŋamo maama 8:26

N pia li bonla boncianla ki baa maadi leni yi, ki go jia yi buudi li po. Ama yua n soani nni tie moamoandaano, min maadi yaa maama moala ŋanduna nni tie min den gbadi o kani yaama.»

Jan n diani U Tienu Laabaaliŋamo maama 8:42

Jesu den yedi ba: «U Tienu n yaa bi tie yi Baa, yi bi baa yaa bua nni, kelima n ñani U Tienu kani ki cua. Mii cua n yuceli po ka, wani n soani nni.

Jan n diani U Tienu Laabaaliŋamo maama 9:29

Ti bani ke U Tienu den maadi leni Musa, ama one, tii bani ba wan ñani naani.»

Jesu Tondiba Tuona 17:23

Min goadi u naa dogu nni, n laa yin pia yaa buli kuli, ki padi a pada ki kpiagidi yi. N go laa ba padibinbinyenli po, yaa diani n tie ne: ‹Line n tie tin kaa bani yaa Tienu po.› To, yin kpiagi yua n kaa bani o yeni, n wangi yi o yaa maame.

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋaa ba ke bi yantiabiada paadi ba, ke ban yaa tiendi yaala n ki pundi.

LOMA YAABA 3:4

Lani ki ye. Tiladi, U Tienu tie moamoandaano, ba nilo kuli yaa tie tuofaadaano, nani i Diani n yedi maama: «Li tie tiladi ban bandi Ke a tiegi a maama nni, A yaa buni leni bi niba mo, A baa paadi.»

2 Korenti 1:18

U Tienu tie n siedi, ke tin den waani yaa maama naa den tie: «Mm,» leni: «Aa-a.»

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

1 Jan 5:10

Yua n daani U Tienu Bijua pia laa siedi o niinni. Ama yua n naa daani U Tienu, o yedi ke U Tienu pua faama, kelima waa daani U Tienu n tieni yaa siedi o Bijua po.

1 Samueli 2:12

Eli bijaba den tie fanma, baa den bani o Diedo.