Jan n diani U Tienu Laabaaliŋamo maama 6:62 - U TIENU MAAMA TILI 2013

⁶² Yi yaa ti laa ke o Joa Bijua guani ki do, ki caa wan den kpa ye naani mo te?

Gourmanchéma Bible

⁶² Yi yaa ti laa ke o Ja Bijua goa ki do ki caa wan den kpa ye naani mo te?

Jan n diani U Tienu Laabaaliŋamo maama 6:62 ပူးပေါင်းရင်းမြစ်များ

Matie 8:20

Jesu den guani ki yedi o: «I coli pia i fali, ti bonyugiditi mo pia a tiana, ama o Joa Bijua wani naa pia wan baa yaa dua naani.»

Marki 16:19

O Diedo Jesu n den maadi leni o ŋoadikaaba yeni, o den doni tanpoli, ki ban kali U Tienu jienu.

Luki 24:51

Wan den gaaliti ba yaa yogunu, o den paadi leni ba ki doni tanpoli po.

Jan n diani U Tienu Laabaaliŋamo maama 16:28

N den ñani Baa kani ki cua ŋanduna nni. Moala n go baa ña ŋanduna nni, ki guani Baa po.»

Jan n diani U Tienu Laabaaliŋamo maama 17:11

N kan go yaa ye ŋanduna nni. Ama bani wani baa yaa ye ŋanduna nni. Mini, n caa a yaa kane. Baa U Tienu yua n gagidi ki ŋani, kubi ba kelima a yeli nni, ŋan den puni nni yaa yeli yeni. Teni ban yaa tie yendo, nani tinba n tie yendo maama.

Jan n diani U Tienu Laabaaliŋamo maama 3:13

Oba kuli daa doni tanpoli, kali yua n ñani tanpoli po ki jiidi. Lani n tie o Joa Bijua.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»

Jan n diani U Tienu Laabaaliŋamo maama 6:42

Bi den tua: «Wani ka tie Jesu, Josefi bijua, tin bani yua yaa naa leni o baa kuli yeni? Li nan gaa lede ke o yedi moala ke o ñani tanpoli po, ki jiidi?»

Jan n diani U Tienu Laabaaliŋamo maama 6:53

Jesu den yedi ba: «N yedi yi i moamoani, yi yàá ŋmani o Joa Bijua gbanandi ki go ñuni o soama, yi kan yaa pia li miali yi niinni.

Jesu Tondiba Tuona 1:9

Jesu n den yedi yeni, o den doni ban se ki nua o yaa yogunu. Ku tawaligu den doagini o bi nuni po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.