Jan n diani U Tienu Laabaaliŋamo maama 6:35 - U TIENU MAAMA TILI 2013

³⁵ Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada.

Gourmanchéma Bible

³⁵ Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñunñuunu kan go cuo o hali abada.

Jan n diani U Tienu Laabaaliŋamo maama 6:35 ပူးပေါင်းရင်းမြစ်များ

Esayi 49:10

Koma kan go cuo ba, Ñuñuunu moko kan go cuo ba. U faalu leni u yienu kan go duoli ba, Kelima yua n gba bi po mi ninñima N baa gobidi ba. O baa yaa cangi ba a ñinbuna kani.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Luki 6:25

Fala baa yaa ye leni yinba yaaba n pia ke li kandi moala ne, kelima mi koma baa ti gbadi yi. Fala baa yaa ye leni yinba yaaba n laa ti laadi moala ne, kelima yi pala baa ti boandi, yin yaa mua ti nunsiidi.

Jan n diani U Tienu Laabaaliŋamo maama 4:15

O pua yeni den yedi o: «Canbaa, pa nni laa ñima, ke u ñuñuunu n da go cuo nni, ke min da go cua ne ki luuni.»

Jan n diani U Tienu Laabaaliŋamo maama 5:40

Ba yeni, yii bua ki cua n kani ki baa li miali.

Jan n diani U Tienu Laabaaliŋamo maama 6:37

Baa U Tienu n puni nni yaaba kuli baa cua n kani. N kan deli yua n cua n kani kuli.

Jan n diani U Tienu Laabaaliŋamo maama 6:41

Lani yaa po, Jufinba den yenbidi Jesu po, kelima o den yedi: «Mini n tie yaa jiema n ñani tanpoli.»

Jan n diani U Tienu Laabaaliŋamo maama 6:65

O go den yedi: «Li tie lani yaa po ke n yedi yi, ke oba kuli kan cua n kani, li yàá tie ke Baa puni o wan cua.»

Mi Doagidima 22:17

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.

Mi Doagidima 7:16

Mi koma leni u ñuñuunu kan go cuo ba abada, u yienu kan go pua ba, ku tontongu mo kan go gbadi ba,