Jan n diani U Tienu Laabaaliŋamo maama 5:44 - U TIENU MAAMA TILI 2013

⁴⁴ Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

Gourmanchéma Bible

⁴⁴ Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n kaa pia lielo kani. Yin tiendi maama yeni, yi baa ga lede ki dugi npo?

Jan n diani U Tienu Laabaaliŋamo maama 5:44 ပူးပေါင်းရင်းမြစ်များ

2 Bi Badiba Jama 6:8

Ama o Diedo den yedi n baa Davidi: ‹Ŋan jagi a yama nni ke a baa maa n po ku diegu yeni, a ŋanbi.

Jeremi 13:23

Naani Etiopi yua baa fidi ki lebidi o boanu? Naani ki gbiiga wani baa fidi Ki lebidi ki gbanu lega? Naani yinba wani n maani ki tieni Yaala n gundi yeni, Yi go baa fidi ki tieni yaala n ŋani?

Matie 23:5

Bi tiendi bi bontienkaala kuli ke bi niba n le. Yeni yaa po yo ke bi yabindi bi bonyilikaala, ki go foagidi bi liadicuadi.

Luki 19:17

O bado yeni den yedi o: ‹Li ŋani, n naacenŋamo, a teni ke n fidi dugi a po li bonwaala nni, lanwani, n dini a li bali ŋan yaa die dociami piiga.›

Jan n diani U Tienu Laabaaliŋamo maama 12:43

Bi den tieni yeni, kelima bi den bua bi niba pagidi ki cie U Tienu yaadi.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 3:20

Yua n tiendi yaala n bia kuli, nani mi yenma. O kan cua mi yenma kani, kelima waa bua mi yenma n doagidi wan tiendi yaa tuonbiada.

Jan n diani U Tienu Laabaaliŋamo maama 5:41

Mii lingi bi nisaaliba ka n kpiagi nni.

Jan n diani U Tienu Laabaaliŋamo maama 8:43

Be yaa po ke yii gbadi min maadi yaa maama? Li tie ke yii fidi ki gaa min yedi yaale.

LOMA YAABA 2:10

Ama yua n tiendi yaala n ŋani, ki cili Jufinba, ki ŋoadi bi nilanba, U Tienu baa pa ba ti kpiagidi, ti jigidi leni mi yanduanma.

LOMA YAABA 2:29

Yua n tie Jufi moamoani, tie yua n tie yeni hali o pali tugu nne. Ku koanciagu moko ŋua U Tienu Fuoma n tieni yaala o nilo pali nni, ke laa ŋua li bali maama. Yua n tie Jufi moamoani naa baadi ti pagidi bi niba kani ka, ama U Tienu kani.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

2 Korenti 10:18

Laa tie yaa nilo n tieni o yuli siedi ka, baa baa o Diedo n saa o po i moamoani. Ama o Diedo n tieni yua yaa po siedi n baa baa wan saa o po i moamoani.

Filipi 2:3

Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi.

1 Tesaloniki 2:6

Tii den lingi kpiagidiba bi nisaaliba kani mo, li yaa tie yinba yaa kani leni nitoaba kani kuli, ki sua ke ti den pia li bali ki tieni yeni kelima ti tie Kilisiti tondiba.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu, n yaa baadi ti jigidi leni ti kpiagidi yaa yogu n tuu yaa yogu. Amina!

Hebilunba 3:12

N kpiiba, fangi mani yi yula ke yi siiga niloba, n da pia yaa pali n bia, ki luo li dandanli, hali yaala ke o baa lebidi ki ŋaa U Tienu yua n fo.

Jaki 2:1

N kpiiba, yinba yaaba n daani ti Diedo Jesu Kilisiti yua n pia ti kpiagidi yeni, laa ŋani yin yaa tiendi mi gagidima bi niba siiga.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

Jude 1:25

Wani U Tienu bebe yua n tie ti Candaano, kelima Jesu Kilisiti ti Diedo po, n yaa baadi ti kpiagidi, ti jigidi, u paalu leni li bali, yaa yogunu n pendi, moala leni yaa yogunu kuli! Amina!

1 Samueli 15:30

Sayuli go den yedi: «N tudi, ama ŋan miini nni n niba nikpela nintuali leni Isidayeli yaaba kuli nintuali. Lebidi ki yegi leni nni min ban gbaani o Diedo a Tienu nintuali ki kpiagi o.»

1 Samueli 2:30

Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.