Jan n diani U Tienu Laabaaliŋamo maama 5:19 - U TIENU MAAMA TILI 2013

¹⁹ Lanwani, Jesu den yedi ba: «N yedi yi i moamoani, Bijua kan fidi ki tieni liba kelima o yuceli paalu po. O tiendi wan laa ke Baa tiendi yaala bebe. Wani Baa n tiendi yaala kuli, Bijua moko baa yaa tiendi lane.

Gourmanchéma Bible

¹⁹ Lanwani Jesu den yedi ba: «N yedi yi i moamoani, *Bijua kan fidi ki tieni liba kelima o yuceli paalu po. O tiendi wan laa ke Baa tiendi yaala bebe. Wani Baa n tiendi yaala kuli, Bijua moko baa tiendi lane.

Jan n diani U Tienu Laabaaliŋamo maama 5:19 ပူးပေါင်းရင်းမြစ်များ

Mi cilima 1:1

Hali mi cilima, U Tienu den tagi tanpoli leni ki tinga.

Mi cilima 1:26

Lanwani, U Tienu den yedi: «Tin tagi o nisaalo ti yaa nannanli nni, nani tin tie maama, ke wan diedi mi ñincianma jami, tanpoli bonyugiditi, ki tinga nni yandi leni yaa bonbalinkaala n balini ki tinga po kuli.»

Pisomi 138:3

Lani n tie ban bandi Mi tinfanma kuli nni a sanu, Leni i nibuoli kuli siiga a faabima.

Pisomi 27:14

Dugi o Diedo po! Paagi aba, ki paagi a pali! Dugi o Diedo po!

Pisomi 50:6

Tanpoli baa kpaani o teginma Kelima U Tienu n tie o bujialo. Joma

Mi Ñama 4:11

O Diedo den yedi: «Ŋme n tagi o nisaalo ñoabu. Ŋme n teni ke o nisaalo tie womo, muulo, juamo bi yua n nua? Naani laa tie mini Li Miali Diedo ka?

Mi Kpanjama 2:6

O Diedo n puuni mi yanfuoma, Mi banma leni li kpaagili ña o yaa kane.

Esayi 44:24

O Diedo yua n daa ki faabi yi, Wani yua n den tagi yi hali ke Yi da ye yi naa tugu nni, Yedi yaa maama n tie ne: «Mini Li Miali Diedo n tagi yaala n ye kuli, Mini bebe n dadi ki tandi ti tawadi, Mini n ba n tagi ki tinga.

Esayi 45:24

Lanbu mo kuli baa yedi: «Mi teginma leni u fidu ye mini O Diedo bebe yaa kane.» Yaaba n den bieni bi pala o po kuli, Bi baa cua o kani ki yaa ye leni i fe.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Matie 26:39

Lani, o den suagi liiga waamu ki baa ki labini ki jaandi ki tua: «N Baa, li yaa baa tuo, ŋan cedi yaa tadiñokaaga n gbie leni fala na n lagidi ki ŋaa nni. Die lan da tua mini n bua maama, kali fini n bua maama.»

Luki 21:15

Mini n ba n baa ti pa yin baa maadi leni yaa yanfuoma ke yi koanginkaaba siiga, ba yendo kan fidi ki nia ki yie ma.

Jan n diani U Tienu Laabaaliŋamo maama 10:18

Oba kuli kan fie nni li, n puni li n yama po yo. N pia li bali ki pa li, ki go pia li bali ki gaa li. Lani n tie n Baa n den teni nni yaa ñoamabonli.»

Jan n diani U Tienu Laabaaliŋamo maama 12:49

Mii maadi n yuli bali po ka, Baa U Tienu yua n soani nni, wani n bili n po min baa yedi yaa maama leni min baa maadi ma maama.

Jan n diani U Tienu Laabaaliŋamo maama 12:50

N bani ke o mabilikaama yeni tie yaa miali n kan gbeni. Lani yaa po, min maadi yaa maama kuli tie Baa U Tienu n waani nni min maadi yaame.»

Jan n diani U Tienu Laabaaliŋamo maama 14:10

Ŋaa daani ke n ye Baa niinni, ke Baa moko ye n niinni yo? Min maadi yi yaa maama yeni, maa ñani n yaa kani ka. Li tie Baa yua n ye n niinni n tuuni o tuona.

Jan n diani U Tienu Laabaaliŋamo maama 2:19

Jesu den guani ki yedi ba: «Bolini mani U Tienu diegu na, n go baa maa gu danataa siiga.»

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

Jan n diani U Tienu Laabaaliŋamo maama 5:21

Nani Baa n yen fiini bi tinkpiba ki teni ban guani ki yaa fo maama, yeni moko Bijua puuni li miali wan bua yuakuli.

Jan n diani U Tienu Laabaaliŋamo maama 6:38

Mii ñani tanpoli po ki jiidi ki baa yaa tiendi n yanbuama ka, kali yua n soani nni yaa yanbuama.

Jan n diani U Tienu Laabaaliŋamo maama 8:28

Lani yaa po, Jesu den yedi ba: «Yi yaa yugidi o Joa Bijua yaa yogunu, yi baa bandi ke “N Ye.” Lanyogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe.

Jan n diani U Tienu Laabaaliŋamo maama 9:4

Hali ke u yienu da ye, li tie tiladi tin yaa tuuni yua n den soani nni yaa tuona. Ku ñiagu baa bii, ke oba kuli kan go fidi ki soani tuonli.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o,

LOMA YAABA 6:4

Lanwani, tin den batisi yeni, bi den taani ki piini ti leni o o kuuma nni. Nani ti Baa U Tienu kpiagidi paalu n den teni ke Kilisiti fii bi tinkpiba siiga maama, o baa teni timoko n yaa ye leni li miapanli yene.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

1 Korenti 15:12

Lanwani, li yaa tie ke ti wangi ke Kilisiti fii bi tinkpiba siiga, li gaa lede ke yi siiga tianba nia ke bi tinkpiba fiima ki ye?

2 Korenti 4:14

Ti bani ke wani yua n den fiini o Diedo Jesu bi tinkpiba siiga, baa fiini timo leni Jesu, ki teni ke tinba leni yinba kuli n taani ki sedi o nintuali.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Efesa 2:5

Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

Efesa 3:16

N miadi wani U Tienu, wan pa yi nani o kpiagidi ŋalimano n yabi maama, ke o Fuoma n yaa tuuni yi niinni leni u paalu, ki teni yin yaa pa hali yi pala tugu nni,

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

Filipi 4:13

N fidi likuli, kelima wani yua n puuni nni li paalu po.

Kolosi 1:11

Ti go miadi o ke wan pa yi u paalu li bonla kuli po, kelima o paalu yuu n pia ti kpiagidi yaa po, ke yin yaa pia li toli leni li juunli yogunu kuli.

Kolosi 1:16

Li bonla kuli den tagi o yaa niinni, Yaala n ye tanpoli leni ki tinga nni kuli, Tin nua yaala leni tin kaa nua yaala. Lani n tie yaaba n kaa i bali-kalikaani po, Bi diediba, bi yudanba leni li bali danba kuli. Li bonla kuli tie o yaa tagima ki go tagi o yaa po.

1 Tesaloniki 4:14

Li yaa tie ke ti daani ke Jesu den kpe ki go fii bi tinkpiba siiga, ti go daani ke U Tienu baa fiini yaaba n daani o ki kpe kuli, kelima Jesu po. O baa teni ban taani leni o.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.