Jan n diani U Tienu Laabaaliŋamo maama 4:23 - U TIENU MAAMA TILI 2013

²³ Ama u yogunu kpendi, u pundi ba moala, ke yaa niba n kpiagidi Baa U Tienu moamoani, baa yaa kpiagidi o bi pala nni leni i moamoani. Baa U Tienu lingi yaaba n baa yaa kpiagidi o yene.

Gourmanchéma Bible

²³ Ama, u yogunu kpendi, u pundi baa moala ke yaa niba n kpiagidi Baa moamoani, baa kpiagidi o bi pala nni leni i moamoani. Kelima Baa lingi yaaba n baa kpiagidi o yene.

Jan n diani U Tienu Laabaaliŋamo maama 4:23 ပူးပေါင်းရင်းမြစ်များ

1 Bi Badiba Jama 29:17

N Tienu, n bani ke a biigidi O nisaalo pali ki bua mi teginma. N puni a yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

Pisomi 147:11

Wani o Diedo mangidi o pali Yaaba n fangi o po, Leni yaaba n dugi o ŋanbili po.

Pisomi 17:1

Davidi jaandi. O Diedo, cengi yaala n tiegi, Cengi n miabu bonŋanla. Diadi a tubili ki cengi min jaandi Yaa jaandi leni li payenli.

Pisomi 32:2

Li pamanli ye leni o Diedo, N ki go coadi yua yaa tagili, Ke o yantiali mo ki pia boandiba!

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Mi Kpanjama 15:8

O Diedo nani bi nibiadiba pada, Ama o pali mani bi niteginkaaba jaandi po.

I Yani 2:14

Fini n kpaajebuadiga, A wuo ti tanlondi nni, Ki go wuo mi joajiidima yaa mabinma nni. Cedi min le a nunga, Ki gbadi a nialu, Kelima a nialu mani, A nunga mo ŋani!»

Esayi 10:20

Landaali Isidayeli yaaba, yaaba n sieni Leni Jakob diegu nni yaaba n cia Kan go yaa dugi yua n den pua ba po. Bi baa yaa dugi o Diedo po bonŋanla, Isidayeli Tienu yua n Gagidi Ki ŋani yeni yaa po.

Esayi 29:13

O Diedo yedi: «A laa u naa nibuolu yen cua n kani, Ki yaa kpiagidi nni leni u ñoacuuna, Ama u pali foagi leni nni. Wun pia n po yaa fangili mo tie maasuagu bebe.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 58:2

Daali kuli bi lingi nni, Ki bua ki bandi n sani. Bi miadi nni yaa buudi n tiegi, Ki bua ki nagini U Tienu kani Nani yaa nibuolu n ŋua mi teginma yeni. Ama bi nan ŋaa U Tienu n bili bi po yaa bujiateginkaali.

Jeremi 3:10

Ba leni lani kuli, o naataanpuoga Juda i janbi daano naa guani n kani leni o pali kuli, se faama bebe. O Diedo n yedi yeni.»

Jeremi 4:2

A yaa poli hali Li Miali Diedo yua n fo po, Ke li tie moamoani, papienli leni teginma nni, Lanwani, i nilanbuoli baa yaa gaaliti biyaba o yaa yeli nni, Ki go diidi wane ki jigini bi yula.»

Esekieli 22:30

N lingi bi siiga yaa niba n baa maa u bilinu ki gaa ba, yua n baa fii ki sedi n nintuali u bilinu n padi naankani, ki jaandi mi diema po, ke man da bodi. Ama mii laa oba kuli.

Jan n diani U Tienu Laabaaliŋamo maama 1:17

Musa den cuani li bali maama, ama li ŋanbili leni i moamoani cua kelima Jesu Kilisiti yaa po.

Jan n diani U Tienu Laabaaliŋamo maama 12:23

Jesu den guani ki yedi ba: «O Joa Bijua n baa baa ti kpiagidi yaa yogunu pundi.

Jan n diani U Tienu Laabaaliŋamo maama 16:2

Bi baa ñani yi li bali maama bangima diena nni. U yogunu kpendi ke yua n baa kpa yi, baa yaa nua ke o kpiagidi U Tienu.

Jan n diani U Tienu Laabaaliŋamo maama 16:32

U yogunu kpendi, u pundi moko, ke yi baa yadi ki gedi yuakuli o denpo, ki ŋaa nni nbebe. Ama mii ye nbebe, kelima Baa ye leni nni.

Jan n diani U Tienu Laabaaliŋamo maama 4:21

Jesu den yedi o: «Pua, daani n maama. U yogunu kpendi ke yi kan go yaa kpiagidi Baa U Tienu li naa juali po, bi Jerusalemi po.

Jan n diani U Tienu Laabaaliŋamo maama 5:25

N yedi yi i moamoani, u yogunu kpendi ki pundi ba moala, ke yaaba n kpe baa gbadi U Tienu Bijua nialu. Yaaba n baa gbadi u mo kuli baa yaa fo.

Jan n diani U Tienu Laabaaliŋamo maama 5:28

Lan da paki yi. U yogunu kpendi ke yaaba n ye a takula nni kuli baa gbadi o nialu

LOMA YAABA 1:9

U Tienu, min ŋua yua leni payenli, ki wangi o Bijua Laabaaliŋamo, tie n siedo, ke n tiadi ki taagi yikuli yela yogunu kuli

LOMA YAABA 8:15

U Tienu naa puni yi yaa Fuoma n teni ke yi tie yonbi, ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali, ke ti kpaani ki tua U Tienu: «Ti Baa, ti Baa!»

LOMA YAABA 8:26

Li tie yeni, mi Fuoma moko todi ti ti tadingu nni, kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu ti po, ki duni yaa dunli n ki pia maama.

Galati 4:6

Lani yaa po, yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa!»

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Josue 24:14

Lanwani, Josue go den yedi ba: «Moala yin fangi o Diedo, ki yaa ŋua o leni payenli leni yaa yantiali n ki pia janbi. Yin ñani yi siiga yi yaajanba n den ŋua yaa tieni Efrati kpenciamu duoli po leni Ejipiti po, ki yaa ŋua Li Miali Diedo.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Samueli 12:24

Bonyenla bebe n ye, lani n tie yin fangi o Diedo ki yaa ŋua o moamoani nni leni yi pali kuli. Yin go yaa tiani wan den tieni yi po yaa bancianma po.