Jan n diani U Tienu Laabaaliŋamo maama 4:22 - U TIENU MAAMA TILI 2013

²² Yinba Samari yaaba, yii bani yin kpiagidi yaala, ama tinba Jufinba wani, ti kpiagidi tin bani yaala, kelima mi tindima baa ña Jufinba kane.

Gourmanchéma Bible

²² Yinba Samali yaaba, yii bani yin kpiagidi yaala, ama tinba Jufinba wani, ti kpiagidi tin bani yaala, kelima mi *tindima baa ña Jufinba kani.

Jan n diani U Tienu Laabaaliŋamo maama 4:22 ပူးပေါင်းရင်းမြစ်များ

Mi cilima 49:10

Li bali gbiamu kan foagidi Juda kani, O badiciamo gbiamu kan fuadi o taana nni. Hali yua n die o n baa cua, Bi niba kuli n baa tuo yua.

Esidirasi 4:2

Bi den cua Sorobabeli leni bi diedanba kani ki yedi: «Ti baa taani leni yi ki maa U Tienu diegu, kelima tinba leni yinba kuli jaani Tienyendu. Ti padi a pada o po hali Asiiri bado Asaradoni yogunu, wani yua n cuo ki cuani ti ne.»

Pisomi 147:19

O doagidi o maama Jakob po, O mabilikaama leni o ñoamabona Isidayeli po.

Pisomi 68:20

O Diedo yeli n baa ti kpiagidi daali kuli. U Tienu yua n kubi ti, tie ti faabima.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 12:6

Kpaani ki doagidi a pamanli, Fini yua n ye Siyon nni, Kelima Isidayeli Tienu wani Yua n Gagidi ki ŋani yeni yabi boncianla. O ye o niba siiga mo.

Esayi 2:3

I nibuoli boncianla baa yaa caa likani Ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Li tie Siyon po yo Ke li bali maama baa ña, O Diedo maama mo n ña Jerusalemi.

Esayi 46:13

N teni ke n teginma nagini. Maa go ye foagima. Li kan go waagi ke n faabima baa cua. N baa kuani ma Siyon nni, Ki pa Isidayeli yaaba n jigidi.

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Luki 24:47

Bi baa cili Jerusalemi na ki yadi ki gedi i nibuoli kuli po, ki ban yaa wangi ke bi niba n lebidi bi pala, ki baa sugili bi tuonbiadi po.

Jesu Tondiba Tuona 17:23

Min goadi u naa dogu nni, n laa yin pia yaa buli kuli, ki padi a pada ki kpiagidi yi. N go laa ba padibinbinyenli po, yaa diani n tie ne: ‹Line n tie tin kaa bani yaa Tienu po.› To, yin kpiagi yua n kaa bani o yeni, n wangi yi o yaa maame.

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

Jesu Tondiba Tuona 3:26

U Tienu den cuani o naacemo Jesu ki kpa soani o yinba yaa kane, ke wan seligi yi, ki teni yuakuli n lebidi ki ŋaa o tuonbiadi.»

LOMA YAABA 11:18

da kpiagi a yuli, ki fali ban den jia ki ñani yaa beni. A yaa kpiagidi a yuli, ŋan kpaagi line, a tie benu bebe, fini ka tugi u jiinu, u jiinu n tugi a.

Hebilunba 7:14

Nilo kuli bani cain ke ti Diedo tie Juda buolu yua, ama Musa n den maadi Juda buolu po, waa den maadi bi kopadicianba maama.