Jan n diani U Tienu Laabaaliŋamo maama 4:10 - U TIENU MAAMA TILI 2013

¹⁰ Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

Gourmanchéma Bible

¹⁰ Jesu den goa ki yedi o: «A yaa bi bani U Tienu paabu n tie yaala, leni mini yua n yedi a: ‹Pa nni min ño› yeni n tie yua, fini n bi baa mia o. Lani o bi baa pa ŋa yaa ñima n pia li miali.»

Jan n diani U Tienu Laabaaliŋamo maama 4:10 ပူးပေါင်းရင်းမြစ်များ

Pisomi 10:17

O Diedo gba bi yumiindanba miabu, Ki cengi ba bonŋanla, ki paagi bi pala,

Pisomi 46:4

Ba a ñingola yaa fu ki tiendi ti punpudi, Ki go fiidi hali ki digini a juana. Joma

Mi Ñama 17:6

N baa yaa se a nintuali Horebi tanciangu kani. A baa pua ku tanciangu, mi ñima n ña ku niinni, bi niba n ño.» Musa den tieni yeni Isidayeli nikpela nintuali.

I Yani 4:15

Salidinga yeni pia li ñinbunli. Li tie yaa ñinbunli n kan ñuudi, Ki tagidi ki puubi Liban juana po.

Esayi 12:3

Yi baa yaa kabidi mi ñima leni Li pamanli mi faabima ñinbuna kani.

Esayi 35:6

O diamo baa yugi ki cii nani o kabilo yeni, O muulo mo yaa lanbu baa kpaani leni li pamanli, Kelima a ñinbuna baa pudi mi fanpienma nni, I fuani baa puubi yaa diema n kuodi yeni niinni.

Esayi 42:6

«Mini Li Miali Diedo, n yini a mi teginma po, N baa muubi a nuu, ki kubi a, Ki puogi a ŋan kuani o ŋantaado Mini leni n niba siiga, Ki go teni ŋan tua i nilanbuoli yenma.

Esayi 43:20

Ti fuayandi, i tanboe leni ti tataadi kuli, Baa yaa kpiagidi nni, Kelima n baa teni mi ñima n pudi Mi fanpienma nni, I kpenciami mo n pudi ki tinkuonga nni, Ki yaa ñundi n niba, min gandi yaaba.

Esayi 44:3

N baa wuli mi ñima ki tinkuonga po, Ki tieni i fuani yaa tinga n kuodi nni. N baa yadi n Fuoma yi puoliŋuani po, Ki go maani n seli yi madi kuli po.

Esayi 49:10

Koma kan go cuo ba, Ñuñuunu moko kan go cuo ba. U faalu leni u yienu kan go duoli ba, Kelima yua n gba bi po mi ninñima N baa gobidi ba. O baa yaa cangi ba a ñinbuna kani.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Jeremi 2:13

N niba tudi taalimilie, Bi ŋaa mini yua n tie Li Miali ñinbunli yeni, Ki gbini bi yula po, Yaa ñinbuodi n lugidi lugidi, Ki kan fidi ki kubi ñima.

Esekieli 16:35

Lanwani, fini li puoconconli yeni, cengi o Diedo maama!

Sakari 13:1

Li Miali Diedo U Paaciamu Kuli Daano yedi: «Landaali, li ñinbunli baa pudi, ki yaa ŋuudi ki ñandi Davidi puoliŋuani leni Jerusalemi yaaba Tuonbiadi leni bi joagindi.

Sakari 14:8

Landaali li miali ñinbunli baa pudi Jerusalemi, Mi ñima yeni boagidima baa yaa puubi, Ki ban koa yaa ñincianma n ye puoli, Yaa boagidima n sieni mo, Yaa ñincianma n ye nintuali. Li baa yaa tie yene ku siagu leni li fali kuli.

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Jan n diani U Tienu Laabaaliŋamo maama 16:3

Bi baa yaa tiendi yi laa bonla, kelima baa bani Baa, baa bani mini moko.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla, hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñuñuunu kan go cuo o abada. Min baa pa o yaa ñima baa tua ñinbunli o niinni, ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 6:35

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñuñuunu kan go cuo o abada.

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Jesu Tondiba Tuona 9:11

O Diedo den yedi o: «Fii ki gedi yaa sanu n yi u Sansiedu, ki pundi Judasi deni, ki lingi yaa nilo n yi Soli, Tarsi dogu yua, kelima o ye likani ki jaandi.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 10:4

ki go ñu bonñokayenla, yaala n ña u Tienu kani, kelima bi den ñu yaa tangu yaa ñima n ñani U Tienu kani, yaagu n den yegi leni ba. Laa tangu den tie Kilisiti.

2 Korenti 9:15

U Tienu n baa i tuondi o paabu yaabu n ki pia maama yeni po.

Efesa 2:8

Li tie li ŋanbili-paabu yaa po, ke yi faabi. Yi baa la kelima li dandanli yaa po yo. Laa ñani yi yaa kani, li tie U Tienu paabu yo.

Hebilunba 6:4

Yaaba n den baa ke U Tienu yendi ba yenma, ke bi leni yaa paabu n ñani tanpoli po, ki taani leni yaaba n baa U Tienu Fuoma Yua,

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 21:6

O go den yedi nni: «Li gbeni! N tie Alifa leni Omega, mi cilima leni mi juodima. U ñuñuunu n pia yua kuli, n baa pa o wan ño li miali ñinbunli kani, ki kan pa liba kuli.

Mi Doagidima 22:17

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.

Mi Doagidima 7:17

kelima ki Pebiga, yua n ye li bali kalikaanu siiga baa yaa tie bi yankpaalo, ki gobidi ki caani ba li miali ñinbuna kani. U Tienu mo baa duuni ki ñani bi nunsiidi kuli bi nuni nni.»