Jan n diani U Tienu Laabaaliŋamo maama 20:19 - U TIENU MAAMA TILI 2013

¹⁹ Landaali yaa ñiagu, danalele cilima daali yeni, bi ŋoadikaaba den ye li dieli nni, ke li buliñoana lo, kelima bi jie Jufinba. Jesu den cua ki sedi bi siiga ki yedi: «Mi yanduanma n yaa ye leni yi!»

Gourmanchéma Bible

¹⁹ Landaali yaa ñiagu, dana lele cilima daali yeni, bi ŋoadikaaba den ye li dieli nni ke li buliñoana lo kelima bi jie Jufinba. Jesu den cua ki sedi bi siiga ki yedi: «Mi yanduanma n yaa ye leni yi.»

Jan n diani U Tienu Laabaaliŋamo maama 20:19 ပူးပေါင်းရင်းမြစ်များ

Pisomi 122:8

N kpiiba leni n danlinba po, N baa yedi mi yanduanma n yaa ye a niinni.

Matie 10:13

Yi yaa sua ke ku diegu yaaba gaa yi cangu, yin gaali ba yaa yanduanma n yaa ye leni ba. Ama bi yàá gaa yi cangu mo, yi gaali n guani yi kani.

Matie 18:20

Nibilie bi nibitaa yaa taani n yeli nni, n ye bi siiga.»

Marki 16:14

Li yaa puoli, Jesu go den doagidi o yuli bi piiga n niyendiba po, ban di yaa yogunu. O den jaligi ba bi dandanluoma leni bi pajuaga kuli po, kelima baa daani yaaba n laa o, ki waani ke o fii bi tinkpiba siiga maama.

Jan n diani U Tienu Laabaaliŋamo maama 14:27

N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 20:21

Jesu go den yedi ba: «Mi yanduanma n yaa ye leni yi! Nani Baa n den soani nni maama, mini moko, n soani yi yene.»

Jan n diani U Tienu Laabaaliŋamo maama 20:26

Li daniili daali, Jesu ŋoadikaaba go den ye li dieli nni, ke Toma moko ye leni ba. Ba ke bi den luoni a buliñoana, Jesu den cua ki sedi bi siiga, ki yedi: «Mi yanduanma n yaa ye leni yi!»

Jan n diani U Tienu Laabaaliŋamo maama 21:1

Lani n pendi, Jesu go den doagidi o yuli o ŋoadikaaba po ke bi ye Tiberiadi ñincianma jaali po. Line n tie wan den doagidi o yuli bi po maama:

Jan n diani U Tienu Laabaaliŋamo maama 21:14

Lani n den tie mi taataama, hali Jesu n den fii bi tinkpiba siiga ki doagidi o yuli o ŋoadikaaba po.

Jan n diani U Tienu Laabaaliŋamo maama 7:13

Ama oba ki den maadi o maama ke bi niba gba, kelima bi den jie Jufinba.

Jesu Tondiba Tuona 1:3

O fala puoli, o den doagidi o yuli bi po, ki waani ba yaa bonla n yabi ki tie siedi ke laa pia niama ke o go fo. Hali dana piinaa, o den doagidi o yuli bi po ke bi laa o, ke o yen maadi leni ba U Tienu diema maama.

LOMA YAABA 15:33

Mi yanduanma Tienu n yaa ye leni yikuli. Amina!

1 Korenti 15:5

O den doagidi o yuli Pieli po, ki go doagidi bi piiga n niliediba po.

Efesa 2:14

Kilisiti n tie ti yanduanma, o taani nibuolilie, Jufinba leni bi nilanba ke bi tua nibuoliyendu. O den puni o gbanandi, ki mudi yaa goanli n den paadi ti leni tiyaba, lani n tie ti yibalindi.

Efesa 6:23

U Tienu yua n tie Baa leni o Diedo Jesu Kilisiti, n pa ti kpiiba mi yanduanma, mi buama leni li dandanli.

Filipi 1:2

Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

2 Tesaloniki 3:16

Mi yanduanma Diedo, wani o ba n yaa puuni yi mi yanduanma u yogunu kuli yi yema buoli kuli nni. Wani o Diedo n yaa ye leni yikuli.

Hebilunba 7:2

Abalahama n den baa yaa fagidi kuli, o den ñani li diim, ki puni Melikisedeki. A yaa soagini o yeli, Melikisedeki yeni tie mi “teginma bado,” ki go tie Salem bado, lani n bundi “mi yanduanma bado.”

3 Jan 1:14

N sugini ki le ŋa ke li daa waagi, tin boe.

Mi Doagidima 1:4

Mini Jan n diani li naa tili Kilisiti Nitaanleleeda ya n ye Asi diema nni po. U Tienu yua n den kpa ye, ki ye moala, ki go baa ti cua leni o fuoleleedima yaama n ye li bali kalikaanu kani,