Jan n diani U Tienu Laabaaliŋamo maama 20:17 - U TIENU MAAMA TILI 2013

¹⁷ Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

Gourmanchéma Bible

¹⁷ Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po ki ban waani ba ke n baa do n Baa yua n tie yi moko Baa po, wani yua n tie mini leni yinba kuli Tienu yeni po.»

Jan n diani U Tienu Laabaaliŋamo maama 20:17 ပူးပေါင်းရင်းမြစ်များ

2 Bi Badiba 4:29

Elise den yedi Gehasi: «Ñagini a ciaga, taa n gbiamu ki fii ki gedi. A yaa tuogi nilo, ŋan da sedi ke a baa fuondi o. Nilo yaa fuondi a mo, ŋan da sedi ke a baa gaa. Ŋan ban maani n gbiamu ki biga nunga po.»

2 Bi Badiba 7:9

Li yaa puoli, bi den yedi biyaba: «Tin tiendi yaala ne ki ŋani. Dinla tie yaa laabaalo n ŋani yaa daali. Ti yaa ŋmini ki guu hali lan faa, U Tienu baa cuo ti u cuonbiadu. Cua mani tin gedi ki ban waani o bado denpo.»

Pisomi 22:22

Faabi nni i yangbanli ñoana nni Leni o moanua yina. A guani n po,

Pisomi 43:4

N baa gedi U Tienu padibinbinli po, Wani U Tienu yua n tie n pamanli kani. Fini yua n tie n Tienu, N baa pagi a leni n gogidigu!

Pisomi 48:14

Diidi mani u bilinciami bonŋanla, Ki coadi u kaanpaali kuli. Lani n tie yin baa ki togidi Yaa nifiima n baa fii,

Pisomi 68:18

O Diedo toateliti kuli coali tie tuda tuda yo. O Diedo mo ye ti siiga. Sinayi ye o kaangagidiŋamu nni.

Pisomi 89:26

N baa teni wan diedi, ki cili mi ñincianma, Ki yaa caa hali i kpenciami.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Jeremi 32:38

Bi baa yaa tie n niba, nmo baa yaa tie bi Tienu.

Esekieli 36:28

Yi baa yaa ye min den puni yi yaajanba yaa diema nni. Yi baa yaa tie n niba, nmo baa yaa tie yi Tienu.

Esekieli 37:27

N baa yaa ye bi siiga ki yaa tie bi Tienu, ke bimo n yaa tie n niba.

Matie 12:50

Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

Matie 28:7

ki gedi mani tontoni ki ban waani o ŋoadikaaba, ke o fii bi tinkpiba siiga. O gaa yi liiga ki caa Galile. Yi baa le o lanpo. Lani n tie min waani yi yaala.»

Marki 12:26

Yaala n tie bi tinkpiba fiima po, naani yii cogi Musa n den diani yaa tili nni, U Tienu n den yedi yaala, yaa fatuugu n co kani: N tie Abalahama, Isaaka leni Jakob Tienu.

Marki 16:19

O Diedo Jesu n den maadi leni o ŋoadikaaba yeni, o den doni tanpoli, ki ban kali U Tienu jienu.

Luki 10:4

Yin da taa mani ligiboagili, ba sancenboagili, ba cacaadi, ki da sedi u sanu nni ki fuondi oba.

Jan n diani U Tienu Laabaaliŋamo maama 13:1

Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 14:2

N Baa diegu nni pia i yekaani boncianla. Li yàá bi tie yeni, n bi baa waani yi. N caa ki baa n ŋanbi yi po u kaanu.

Jan n diani U Tienu Laabaaliŋamo maama 14:28

Yi den gbadi ke n yedi yi ke n baa gedi ki ŋaa yi, ki go baa guani yi kani. Yi yaa bi bua nni moamoani, yi bi baa yaa mangidi yi pala ke n caa Baa po, kelima wani n cie nni.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 16:28

N den ñani Baa kani ki cua ŋanduna nni. Moala n go baa ña ŋanduna nni, ki guani Baa po.»

Jan n diani U Tienu Laabaaliŋamo maama 17:11

N kan go yaa ye ŋanduna nni. Ama bani wani baa yaa ye ŋanduna nni. Mini, n caa a yaa kane. Baa U Tienu yua n gagidi ki ŋani, kubi ba kelima a yeli nni, ŋan den puni nni yaa yeli yeni. Teni ban yaa tie yendo, nani tinba n tie yendo maama.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:5

Moala, fini Baa, ŋan kpiagi nni a kani leni min den kpa pia yaa kpiagidi a kani ke ŋanduna daa ye.

Jan n diani U Tienu Laabaaliŋamo maama 20:27

Lani, o den yedi Toma: «Tandi a nubili, ki diidi n nii. Tandi a nuu, ki tuuni n logili nni, ki da luo li dandanli, ama ŋan daani.»

Jan n diani U Tienu Laabaaliŋamo maama 7:33

Lani yaa po, Jesu den yedi: «N da baa waagi leni yi u yogunu waamu, lani yaa pendi, n baa guani ki gedi yua n soani nni po.

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

2 Korenti 6:18

N baa yaa tie yi po yi Baa, Yinba mo baa yaa tie n bonjala leni n bonpola. O Diedo U Paaciamu Kuli Daano n yedi yeni.»

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Hebilunba 11:16

Die moamoani bi den kuani bi yama ki bua ki pundi yaa dogu n ŋani ki cie, wuni tanpoli yuu yeni. Lani yaa po, laa pia U Tienu po fe ban yini o bi Tienu, kelima o ŋanbi bi po u dogu.

Hebilunba 8:10

O Diedo go yedi: «Laa dana yaa pendi, Diidi min baa kuani leni Isidayeli buolu yaa ŋantaado: N baa kuani n bali maama bi yantiana nni Ki diani ma bi pala nni. N baa yaa tie bi Tienu, Bani mo baa yaa tie n niba.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.

Mi Doagidima 21:7

Yua n koani mi jama ki paadi baa baa laa seli kuli. N baa yaa tie o Tienu, omo baa yaa tie n biga.