Jan n diani U Tienu Laabaaliŋamo maama 19:4 - U TIENU MAAMA TILI 2013

⁴ Pilati go den ñani ki gedi Jufinba kani ki yedi ba: «Diidi, n baa teni ban ñani o yi kani, ke yin bandi ke mii laa ke o tieni liba, yaala n pundi min cuo o.»

Gourmanchéma Bible

⁴ Pilata go den ñani ki gedi Jufinba kani ki yedi ba: «Diidi, n baa teni ban ñani o yikani, ke yin bandi ke mii laa ke o tieni liba yaala n baa teni min cuo o.»

Jan n diani U Tienu Laabaaliŋamo maama 19:4 ပူးပေါင်းရင်းမြစ်များ

Matie 27:19

Wan da den li kaa o bujiali kaanu, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima o po.»

Matie 27:24

Pilati n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali, ki yedi: «Mii pia tagiliba o naa niteginka soawulima nni. Li ŋua yinbe!»

Matie 27:4

ki yedi: «N tieni ti tuonbiadi ki janbi yua n ki pia tagili.» Bi den guani ki yedi o: «Lani mo nan ŋua ti? Li ŋua fine!»

Matie 27:54

Minteela kobiga yudaano leni yaaba n den taani leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Luki 23:4

Pilati den yedi bi kopadicianba yudanba leni ku niligu: «Mii laa ke o joa na tieni tagiliba kuli.»

Luki 23:41

Tinba yaa cuonu wani tiegi, kelima ti gaa ti tuona panpaani yo. Ama one wani naa tieni bonbiadiliba kuli.»

Luki 23:47

Minteela kobiga yudaano n den laa yaala n tieni, o den pagi U Tienu ki yedi: «Moamoani, o joa na den li tiege!»

Jan n diani U Tienu Laabaaliŋamo maama 18:33

Pilati den guani ki kua o bujiali kani, ki yini Jesu ki yedi o: «A tie Jufinba bado bi?»

Jan n diani U Tienu Laabaaliŋamo maama 18:38

Pilati den yedi o: «Be n tie i moamoani?» Pilati n den yedi yeni, o den guani ki ñani ki gedi Jufinba kani, ki yedi ba: «Mii laa wan tieni yaala ke li baa pundi min cuo o.

Jan n diani U Tienu Laabaaliŋamo maama 19:6

Bi kopadicianba yudanba leni bi jiidikaaba n den laa Jesu, bi den tiani: «Joani o li dapoanpoanli po! Joani o li dapoanpoanli po!» Pilati den yedi ba: «Yinba yi ba n taa o ki joani o li dapoanpoanli po, kelima mini, mii laa ke o tieni liba, yaala n pundi min cuo o.»

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

1 Pieri 1:19

Ama, o den daa ki faabi yi leni Kilisiti yaa soama, yaama n pia mayuli hali boncianla, ki tie nani ban padi yaa pebiga n ki pia poadoba kuli yaama maama yeni.

1 Pieri 2:22

Wani, waa den tieni tuonbiadiba kuli, Baa den gbadi boandiba kuli o ñoabu nni.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Jan 3:5

Yi bani ke wani o Diedo n den doagidi ki baa ñani ti yaa tuonbiadi. Tuonbiadiba kuli ki ye o niinni baa waamu.