Jan n diani U Tienu Laabaaliŋamo maama 19:30 - U TIENU MAAMA TILI 2013

³⁰ Jesu n den fua mi ñinmiligima yeni, o den yedi: «Likuli tieni ki dudi.» Lani, o den tibini o yuli, ki cabi o naano ki kpe.

Gourmanchéma Bible

³⁰ Jesu n den fua mi ñinmiligima yeni o den yedi: «Likuli tieni ki dudi.» Lani o den tibini ki cabi o naano ki kpe.

Jan n diani U Tienu Laabaaliŋamo maama 19:30 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Pisomi 22:15

N fidu gbeni nani yaa ñima n wuli yeni. N kpaba kuli tugidi tugidi leni aya. N papaali nandi nani ti sindi yeni.

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Esayi 53:12

Li tie lani yaa po ke n baa teni Wan kali ti kpiagiciandi danba siiga, O baa taani leni bi paatieba Ki boagidi ti fagidi. Wan den puni o miali ki kpe yeni, Bi den coadi ki taani o leni i tagili danba, Kelima o den tugi niba boncianla tuonbiadi, Ki baa i tagili danba po ti candandi.

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 27:50

Jesu go den tiani ke li pa, ki fuo ki jiini ki cabi.

Matie 3:15

Jesu den guani ki yedi o: «Cedi lan yaa tie yeni moala. Lani n tie tin tieni yaala n tiegi kuli.» Lanwani, Jan den tuo.

Marki 15:37

Jesu den tiani ke li pa, ki fuo, ki jiidi.

Luki 22:37

I Diani n yedi n po yaala: ‹Bi coadi ki taani o leni bi nikpaba,› baa tieni ki dudi moala.»

Luki 23:46

Jesu den kpaani ki yedi: «N Baa, n guani n miali a nuu nni.» Wan den yedi yeni, o den fuo ki jiidi.

Jan n diani U Tienu Laabaaliŋamo maama 10:11

Mini n tie o yankpaaŋamo. O yankpaaŋamo puuni o miali o pe po.

Jan n diani U Tienu Laabaaliŋamo maama 10:18

Oba kuli kan fie nni li, n puni li n yama po yo. N pia li bali ki pa li, ki go pia li bali ki gaa li. Lani n tie n Baa n den teni nni yaa ñoamabonli.»

Jan n diani U Tienu Laabaaliŋamo maama 17:4

N den kpiagi a ki tinga po, ki soani ki dudi ŋan den puogi nni yaa tuonli.

Jan n diani U Tienu Laabaaliŋamo maama 19:28

Li yaa puoli, Jesu n den bani ke li bonla kuli tieni ki dudi, o den yedi: «U ñuñuunu pia nni.» O den yedi yeni ke yaala n diani i Diani nni n tieni ki dudi.

Jan n diani U Tienu Laabaaliŋamo maama 4:34

Jesu den yedi ba: «N yaa jiema tie min yaa tiendi yua n soani nni yanbuama, ki yaa tuuni o tuonli hali ki dudi.

LOMA YAABA 10:4

Kelima Kilisiti n teni ke li bali maama kua, ke yaaba n daani kuli n baa li moamoansaali.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba ti po.

1 Korenti 5:7

Yin ñani mani yi siiga li dabinkpeli, ki tua nani ti yonbupandi yaadi n ki pia dabinli yeni. Moamoani yi tie laa yonbudi, kelima bi padi Kilisiti yua n tie ti Pendima jaanma pebiga no.

Filipi 2:8

O go den wadi o yuli, Ki tuo ki tiendi U Tienu yanbuama, Ki pundi hali mi kuuma, Ba hali li dapoanpoanli po yaa kuuma.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 9:22

Li bali maama nni, li bua ki yaa tie ke mi soama n ŋanbidi li bonla kuli. Mi soama yàá wuli, tuonbiadi sugili ki ye.