Jan n diani U Tienu Laabaaliŋamo maama 19:25 - U TIENU MAAMA TILI 2013

²⁵ Jesu naa, o naa waalo, Kilopa pua Mariyama leni Mariyama, Magidala dogu yua den se ki nagi Jesu dapoanpoanli.

Gourmanchéma Bible

²⁵ Jesu naa leni o naa waalo, leni Kilopa pua Maliyama, leni Magidala yua Maliyama den se ki nagi Jesu dapoanpoanli.

Jan n diani U Tienu Laabaaliŋamo maama 19:25 ပူးပေါင်းရင်းမြစ်များ

Matie 12:46

Jesu n den maadi leni ku niligu, o naa leni o waamu den cua ki se niinpo ki bua ki maadi leni o.

Marki 16:9

Jesu n den fii bi tinkpiba siiga a daleleeda cilima daali tiŋaapanpangu, o den kpa doagidi o yuli Mariyama, Magidala dogu yua po, wan den ñani yua yaa niinni cicibiadimulele.

Luki 2:35

kelima o baa teni bi niba boncianla n jagi yaala bi pala nni n doagidi. Fini mo, yaa paboanli n tie nani ki jugisiega yeni, n baa muu a pali.»

Luki 23:49

Yaaba n den bani Jesu kuli leni yaa puoba n den ciani o hali Galile, den se foagima ki nua yaala n tiendi.

Luki 24:18

Bi siiga yendo ke bi yi o Kileopasi den guani ki yedi o: «Yaaba n ye Jerusalemi siiga kuli, fini bebe n ki bani yaa bonla n tieni u niinni a dana ne?»

Luki 8:2

Bi piiga n niliediba den yegi leni o. Bi puotianba, mu cicibiadimu n den kpa ye yaaba yaa niinni leni yaaba n den pia yiantoe, ke Jesu paagi ba kuli, den cangi o. Bi siiga puoyendo den yi Mariyama, ki ñani Magidala, cicibiadimulele n den ñani yua yaa niinni.

Jan n diani U Tienu Laabaaliŋamo maama 20:1

A daleleeda cilima daali, ku tiŋaapanpangu ke li daa yendi, Mariyama, Magidala dogu yua, den gedi li takuli po. O den sua ke bi fuadi li tanli li takuli ñoabu kani.