Jan n diani U Tienu Laabaaliŋamo maama 17:3 - U TIENU MAAMA TILI 2013

³ Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Gourmanchéma Bible

³ Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 17:3 ပူးပေါင်းရင်းမြစ်များ

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

2 Bi Badiba Jama 15:3

Li waagi boncianla ke Isidayeli yaaba naa den ŋua i moamoani Tienu, kaa pia yaa kopadiciamo n baa yaa bangi ba, kaa pia bali maama mo.

Pisomi 9:10

O Diedo n tua kaanpaalu Ban mabindi yua po, Ki tua kaanpaalu li paboanli daali.

Mi Kpanjama 8:35

Kelima yua n baa mini, o baa li miali, Ki go baa o Diedo kani li seli.

Esayi 48:16

Nagini mani nni ki cengi! Hali mi cilima, mii den maadi wuoli nni, Hali laa bonla cilima yogunu mo, N den ye likani. Moala mo o Diedo U Tienu N soani nni leni o Fuoma.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Esayi 61:1

O Diedo U Tienu Fuoma ye n niinni, Kelima o Diedo gandi nni, Ke min yaa wangi bi ninñinniba O laabaaliŋamo. O soani nni ke min baagi yaaba N ye li paboanli nni, Ki waani i yonbi ke bi diedi bi yula, Ki go waani a kpaada mo ke bi baa mi faabima.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Ose Tili 6:3

Tin moandi mani ki bandi o Diedo. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yene. O baa cua nani ki taludikaaga yeni, Ki kuugi ki tinga gbanu, Nani ki siakuantaaga n yen cua, Ki kuugi ki tinga maama yeni.»

Marki 9:37

«Yua n ga a bila ne siiga ba biyenga cangu kelima n yeli nni, o gaa mini n ba yaa cangu yo. Yua n gaa n cangu mo, waa gaa n yaa cangu ka, ama o gaa yua n soani nni yaa cangu yo.»

Luki 9:48

ki yedi ba: «Yua n gaa ki naa biga cangu n yeli nni, o gaa mini n ba yaa cangoe. Yua n gaa mini mo yaa cangu, o gaa yua n soani nni yaagoe. Yi siiga yua n wa ki cie yikuli, wani n tugi li yuli.»

Jan n diani U Tienu Laabaaliŋamo maama 10:36

Li gaa lede ke yi yedi ke n sugi U Tienu, kelima n yedi ke n tie U Tienu Bijua, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 11:42

N bani ke a cengi n maama yogunu kuli, ama n yedi yeni, kelima yaa niligu n lindi nni ne yaa po. Yeni bi baa daani ke fini n soani nni.»

Jan n diani U Tienu Laabaaliŋamo maama 14:26

O Todika, U Tienu Fuoma Yua, Baa n baa soani yua n yeli nni yeni, wani n baa bangi yi li bonla kuli, ki tiadi yi min waani yi yaala kuli.

Jan n diani U Tienu Laabaaliŋamo maama 17:18

Nani ŋan den soani nni ŋanduna nni maama, nmoko soani ba ŋanduna nni yene.

Jan n diani U Tienu Laabaaliŋamo maama 17:21

Min mia ŋa bi po yaala tie line: bikuli n yaa tie yendo nani fini Baa n ye n niinni, ke nmoko ye a niinni maama. Bani mo n yaa ye ti niinni, ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 17:23

Mini, n ye bi niinni, a mo ye n niinni; Teni ban tua yendo cain, ke ŋanduna yaaba n bandi ke fini n soani nni, ki bua ba nani ŋan bua nni maama.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:8

N caa ba ŋan den soani nni yaa tondu, bi mo gaa ki bandi ke n ñani a kani moamoani, ki go daani ke fini n soani nni.

Jan n diani U Tienu Laabaaliŋamo maama 3:17

U Tienu naa den soani o Bijua ŋanduna nni ke wan jia ŋanduna yaaba buudi ka, ama ke wani U Tienu n faabi ba, kelima o Bijua yaa po.

Jan n diani U Tienu Laabaaliŋamo maama 3:34

U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

Jan n diani U Tienu Laabaaliŋamo maama 6:57

Baa yua n soani nni fo, nmoko fo, kelima wani yaa po. Li go tie yeni leni yua n di nni, omo baa yaa fo, kelima n yaa po.

Jan n diani U Tienu Laabaaliŋamo maama 7:29

Ama mini n bani o, kelima n ñani o yaa kane. Wani n soani nni.»

Jan n diani U Tienu Laabaaliŋamo maama 8:19

Lanwani, bi den buali o: «A Baa ye le?» Jesu den guani ki yedi ba: «Yii bani nni, yii bani n Baa mo. Yi yaa bi bani nni, yi bi baa bandi n Baa moko.»

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

1 Korenti 8:4

Moala n baa maadi ti padinandi maama. Ti bani ke bulo naa ye ŋanduna nni, ke tiento mo ki ye, se Tienyendu bebe.

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Filipi 3:10

Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni.

Filipi 3:8

N go nua li bonla kuli, ke li tie nani li bonbodikaala yeni. Yaala n tie n po li bonmoanla tie: Ki bandi Jesu Kilisiti n Diedo. Wani yaa po yo, ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Tesaloniki 1:9

I kaani kuli, bi togidi yin den gaa ti cangu maama leni yin den ŋaa i buli ŋoadima, ki tuo ki ŋoadi U Tienu yua n fo ki tie i moamoani maama.

2 Tesaloniki 1:8

O baa doagidi u mupienu nni, ki pa yaaba n kaa bani U Tienu leni yaaba n kaa tuo ki ŋoadi ti Diedo Jesu yaa Laabaaliŋamo, bi biadima panpaani.

Hebilunba 3:1

Lani yaa po, n kpiiba, bi nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa dandanli po, yaa kopadicianba bado.

2 Pieri 1:2

Li ŋanbili leni mi yanduanma n yaa pugidi yi po boncianla, kelima U Tienu leni ti Diedo Jesu yaa bandimoanma po.

2 Pieri 1:3

U Tienu paalu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti, o kpiagidi leni o ŋanbili po.

2 Pieri 1:8

Laa bonŋanla yaa ye yi niinni ki pugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

1 Jan 1:2

Li miali yeni den doagidi ke ti laa li. Ti tiendi li po siedi, Ki wangi yi yaa miali n kan gbeni, Yaali n den ye Baa kani, Wan den doagidi ti po yaali yeni.

1 Jan 1:3

Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

1 Jan 2:23

Yua n nia Bijua kuli, nia Baa moko, yua n daani Bijua kuli, o pia Baa moko.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.