Jan n diani U Tienu Laabaaliŋamo maama 17:19 - U TIENU MAAMA TILI 2013

¹⁹ N gagidi ki ŋanbi n yuli a po, ke bani moko n gagidi ki ŋanbi a po i moamoani nni.

Gourmanchéma Bible

¹⁹ N gagidi ki ŋanbi n yuli apo ke bani moko n gagidi ki ŋanbi apo i moamoani nni.

Jan n diani U Tienu Laabaaliŋamo maama 17:19 ပူးပေါင်းရင်းမြစ်များ

Esayi 62:1

N kan yaa ŋmini kelima fini Siyon po. N kan yaa kaa suo mo kelima fini Jerusalemi po. Hali a teginma n baa yendi Nani mi yenma, A faabima mo n yaa naani Leni yaa mukaanu n co yeni.

Jeremi 1:5

«Hali ke n daa den tagi a a naa tugu nni, n den tuodi ki bani a. Hali ke a daa den ñani a naa tugu nni, n den gandi a ki gagidi ki ŋanbi a, ki teni ke a tua i nibuoli kuli saawalipualo.»

Jan n diani U Tienu Laabaaliŋamo maama 10:36

Li gaa lede ke yi yedi ke n sugi U Tienu, kelima n yedi ke n tie U Tienu Bijua, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 15:13

Oba kuli ki pia yaa buama n cie mine, o nilo n pa o miali o danlinba po.

Jan n diani U Tienu Laabaaliŋamo maama 15:3

Moala yi tuodi ki ŋanbi, kelima min maadi yi yaa maama ŋanbi yi no.

Jan n diani U Tienu Laabaaliŋamo maama 17:17

Gagidi ki ŋanbi ba i moamoani nni. A maama tie i moamoani.

Jan n diani U Tienu Laabaaliŋamo maama 17:20

Mii mia ŋa bani bebe yaa po ka, n go mia ŋa yaaba n baa tuo ki daani nni, kelima bi yaa maama po moko yaa po.

1 Korenti 1:2

ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

2 Korenti 4:15

Tin laa yaa yema kuli tie yi yaa po yo, ke U Tienu ŋanbili n yaa pugidi niba boncianla po, ki teni ban yaa tuondi ki pugidi boncianla o kpiagidi po.

2 Korenti 7:14

Ba n yaa pagi n yuli waamu yi po Titi kani, mii laa i fe lipo, kelima li doagidi ke min den pagi yi o kani maama tie moamoani, nani tin yen maadi yi yaa maama kuli n tie moamoani maama.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yimo n baa lan kandi.

Kolosi 1:6

Laa laabaaliŋamo pundi yi kani ki yadi ŋanduna nni kuli, ki luoni o bonluonkaala ki yabidi ki pugidi. O go tiendi yeni yi siiga, hali yin den gbadi o yaa daali ki bandi U Tienu ŋanbili n tie yaala moamoani.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

2 Timote 2:10

Lani yaa po, n tuo likuli, kelima bi nigandikaaba po, ke bani moko n baa yaa tindima n ye Jesu Kilisiti nni leni yaa kpiagidi n kan gbeni.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?

Hebilunba 2:11

Jesu yua n gagidi ki ŋanbidi bi niba U Tienu po leni wan gagidi yaaba yeni kuli, taa Baayendo. Li tie lani yaa po ke waa jie i fe ki yini ba o waamu,

Hebilunba 9:13

Nani lan den bili maama, bi den taani a naatona leni a ŋuabuana soama leni o naasalo fantanpienma, ki miini yaaba n joagini po, ki ŋanbidi ba ki ñandi bi gbanandi joagindi.

Hebilunba 9:18

Li tie lani yaa po, ke ba U Tienu ki den kuani o ŋantaadikpialo, ke laa tie ban kodi ti yandi ki wuli bi soama yaa ka.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.