Jan n diani U Tienu Laabaaliŋamo maama 17:11 - U TIENU MAAMA TILI 2013

¹¹ N kan go yaa ye ŋanduna nni. Ama bani wani baa yaa ye ŋanduna nni. Mini, n caa a yaa kane. Baa U Tienu yua n gagidi ki ŋani, kubi ba kelima a yeli nni, ŋan den puni nni yaa yeli yeni. Teni ban yaa tie yendo, nani tinba n tie yendo maama.

Gourmanchéma Bible

¹¹ N kan go yaa ye ŋanduna nni. Ama bani wani baa ye ŋanduna nni. Mini n caa a yaa kani. Baa yua n gagidi ki ŋani, ŋan yaa kubi ba kelima a yeli po, ŋan puni nni yaa yeli yeni, ke ban yaa tie yendo nani tinba n tie yendo maama.

Jan n diani U Tienu Laabaaliŋamo maama 17:11 ပူးပေါင်းရင်းမြစ်များ

Pisomi 79:9

Cua ki todi ti, ti faabima Tienu, Kelima a yeli kpiagidi po. Faabi ti ki pa ti ti tuonbiadi sugili, Kelima a yeli po.

Mi Kpanjama 18:10

O Diedo tie toadiefoagili yaali n pia u fidu, O niteginka yaa sani ki wuoni lankani Puu kan nandi o.

Esayi 27:3

Mini Li Miali Diedo n tie o koaguudo, N kpidi u yogunu kuli, Ñiagu leni yensiinu kuli n guu u, Kelima mii bua ban baa u.

Esayi 64:2

Ŋan den tiendi tin kaa den daani Yaa bancianma yaa yogunu, A yen jiidi a joaciama n yaa begibi a nintuali.

Jeremi 14:21

A yeli po, ŋan da waani ti fala. Da fali a bali kalikaanu kpiagidi, Tiadi ŋan den kuani yaa ŋantaado leni ti, Ki yaa kubi ku bonŋanla.

Jeremi 14:7

Bi yedi: «Ti tagili yabi ki pendi. Li tie moamoane. Ama fini o Diedo, le ŋan baa tieni yaala, A yeli kpiagidi po. Ti tudi a po hali boncianla. Ti tieni a po ti tuonbiadi.

Esekieli 20:22

Ama n den guani ki jiini n nuu, kelima n yeli nni. N den tieni yeni, kelima mii bua yaa nibuoli n den laa ke n ñani ba Ejipiti diema nni, n fali n yeli.

Esekieli 20:44

N kan go soani yinba Isidayeli yaaba nani yi tagibiadi leni yi tuongunda n tie maama ka, ama n baa cedi yin yaa fangi n yeli. Lani, yi baa bandi ke n tie Li Miali Diedo. Lani n tie mini o Diedo U Tienu n yedi yaala.»

Esekieli 20:9

Die mii den tieni la, kelima mii den bua ban ye yaa nibuoli siiga yaaba n fali n yeli. N den teni ke bi bandi nni i nibuoli kuli nintuali, ki ñani ba Ejipiti diema nni.

Matie 10:16

Cengi mani: N soani yi nani i pe yene i fuasangbanli siiga. Yin yaa fani nani i we yeni, ki go yaa dingi nani mu kpaajiemu yeni.

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

Jan n diani U Tienu Laabaaliŋamo maama 13:1

Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 14:20

Landaali yi baa bandi cain ke n ye n Baa niinni, ke yi ye n niinni, ke nmo ye yi niinni.

Jan n diani U Tienu Laabaaliŋamo maama 16:28

N den ñani Baa kani ki cua ŋanduna nni. Moala n go baa ña ŋanduna nni, ki guani Baa po.»

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 17:23

Mini, n ye bi niinni, a mo ye n niinni; Teni ban tua yendo cain, ke ŋanduna yaaba n bandi ke fini n soani nni, ki bua ba nani ŋan bua nni maama.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:6

N doagidi a yeli ŋan den puni nni yaa niba kani ŋanduna siiga. Bi den tie a yaa yaaba, ke a den puni nni ba. Bimo tuo ki kubi a maama.

Jan n diani U Tienu Laabaaliŋamo maama 7:33

Lani yaa po, Jesu den yedi: «N da baa waagi leni yi u yogunu waamu, lani yaa pendi, n baa guani ki gedi yua n soani nni po.

Jesu Tondiba Tuona 3:21

Wani Jesu yeni, baa yaa ye tanpoli po hali li yogunu n baa ti pundi. Lanyogunu U Tienu baa go ŋanbi li bonla kuli nani wan den tuodi ki teni ke o saawalipua-gagidiŋanba pua saawali ki yedi yaala hali yogu.

LOMA YAABA 12:5

li go tie yeni leni tinba yaaba n ye Kilisiti nni. Ba ke ti yabi, tikuli tie gbananyendi ki tuugi leni tiyaba, nani i gbananbuoli n tuugi leni iyii maama.

LOMA YAABA 9:17

Li go diani Faraon mo yaa po ki yedi: «Min yini a ki teni ke a tua o badiciamo yaala yaa po tie ke n bua ki doagidi n paalu kelima a yaa po, ki go teni n yeli n ña ŋanduna nni kuli kelima a yaa po.»

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Efesa 4:4

Gbananyendi n ye, mi Fuoma moko tie yenma, suginyenma mo n ye, U Tienu n den yini yi yaama yaa po.

Filipi 2:9

Li tie lani yaa po ke U Tienu mo jigini o hali boncianla, Ki puni o yaa yeli n cie a yela kuli.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 9:24

Kilisiti ki den kua bi nisaaliba n tii yaa kaangagidiŋamu, yuu n tie u bonmoanu nannanli niinni ka. O den kua hali tanpoli, ki ye U Tienu kani moala, ki miadi o ti po.

Jaki 4:4

Yinba mi conconma danba yeni, yii bani ke ŋanduna buama tie yibalindi U Tienu po ka? Lanwani, yua n danli leni ŋanduna kuli, tua U Tienu yibali.

1 Pieri 1:5

O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.

1 Jan 3:12

Tin da tie mani nani Kayini yua n den tie o Biado yua, ki den kpa o waalo. Be yaa po ke o den kodi o? O den kodi o kelima o tuona den bia, ke o waalo ya tiegi.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

Jude 1:1

Mini Juda, yua n tie Jesu Kilisiti naacemo ki go tie Jaki waalo, n diani li tili yi po, yinba, U Tienu yua n tie Baa n yini yaaba ki bua ba, ki kubi ba Jesu Kilisiti po.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»

Mi Doagidima 19:12

O nuni tie nani mi fantanlanma yeni, o ciibi mu badifogilimu boncianla. O yeli diani ki taabi o, oba kuli n ki bani yaa yeli, kali wani o ba.

Mi Doagidima 4:8

A bonfuodinaada yeni, yuakuli den pia fiabiluoba luoba, ki pia i nuni boncianla bi lindima leni bi poagima kuli nni. Ku ñiagu leni u yensiinu kuli, bi maadi kaa cedi, ki tua: «O gagidi ki ŋani, o gagidi ki ŋani, o Diedo U Tienu, U Paaciamu Kuli Daano gagidi ki ŋani, wani yua n den kpa ye, ki ye moala ki go baa cua.»