Jan n diani U Tienu Laabaaliŋamo maama 16:15 - U TIENU MAAMA TILI 2013

¹⁵ N Baa n pia yaala kuli tie n yaa yaale. Lani yaa po, ke n yedi ke o Fuoma baa yaa taani min pia yaala nni, ki yaa wangi yi.

Gourmanchéma Bible

¹⁵ N Baa n pia yaala kuli tie n yaa yaala. Lani yaa po ke n yedi ke o Fuoma baa taani min pia yaala nni ki yaa wangi yi.

Jan n diani U Tienu Laabaaliŋamo maama 16:15 ပူးပေါင်းရင်းမြစ်များ

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 14:21

Yua n tuo ki gaa n bali maama, ki go kubi ma, wani n tie yua n bua nni moamoani. Yua n bua nni yeni, n Baa baa bua o, nmoko baa bua o, ki doagidi o po min tie yua.»

Jan n diani U Tienu Laabaaliŋamo maama 17:10

Min die yaala kuli tie a yaala, ŋan die yaala kuli mo tie n yaala. N baa ti kpiagidi kelima bi yaa po.

Jan n diani U Tienu Laabaaliŋamo maama 17:2

A dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 3:35

Baa U Tienu bua o Bijua, ki dini o li bonla kuli bali ke o die.

Kolosi 1:19

Li den mani U Tienu po ke o yedagidikaama kuli, N yaa ye Kilisiti niinni.

Kolosi 2:3

Mi yanfuoma leni U Tienu bandima ŋalimano kuli wuo wani Kilisiti yaa niinne.

Kolosi 2:9

U Tienu n tie maama kuli ye Kilisiti gbanandi nni, ki dagidi cain.