Jan n diani U Tienu Laabaaliŋamo maama 15:8 - U TIENU MAAMA TILI 2013

⁸ Yi yaa luoni li bonluonkaala boncianla, n Baa baa yaa baadi ti kpiagidi li po. Yeni, yi baa doagidi ke yi tie n ŋoadikaaba moko.

Gourmanchéma Bible

⁸ Yi yaa luoni li bonluonkaala boncianla, n Baa baa baadi ti kpiagidi lipo. Yeni, yi baa doagidi ke yi tie n ŋoadikaaba moko.

Jan n diani U Tienu Laabaaliŋamo maama 15:8 ပူးပေါင်းရင်းမြစ်များ

Esayi 60:21

A niba kuli baa yaa tie niteginkaaba, Ki baa diedi mi diema hali yaa yogunu kuli. Bi tie min ŋuu yaa benkpeli yeni, Ki tie n nuu tuonli, Ki doagidi n kpiagidi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Age Tili 1:8

Do mani a juana po ki ban pedi ti daadi, Ki tugi ki cuani, ki maa n diegu. Lani, n pali baa yaa mani, Min waani yi n kpiagidi. Mini o Diedo n yedi yeni.

Matie 5:16

Lani, yin cedi yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po.

Matie 5:44

Ama mini n yedi yi: Yaa bua mani yi yibalinba, ki yaa jaandi yaaba n faligidi yi po.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Luki 6:35

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa guani ki gaa bi kani liba. Yeni, yi panpaani baa yaa yabi, yi baa yaa tie U Tienu yua n ye hali tanpolijoma bila, kelima wani, o ŋanbidi bi ŋanwaadanba leni bi nibiadiba kuli po.

Jan n diani U Tienu Laabaaliŋamo maama 13:35

Yi yaa bua yiyaba, lani n baa teni bi niba kuli n bandi ke yi tie n ŋoadikaaba.»

Jan n diani U Tienu Laabaaliŋamo maama 15:5

Mini n tie bu duventibu ñiali, yinba mo n tie bu beni. Yua n ye n niinni, ke nmo ye o niinni, o baa luoni li bonluonkaala boncianla. N yàá ye leni yi, yi kan fidi ki tieni puu.

Jan n diani U Tienu Laabaaliŋamo maama 8:31

Lani, Jesu den yedi yaa Jufinba n tuo ki daani o yeni: «Yi yaa tuo ki kubi n maama, yi tie n ŋoadikaaba moamoani.

1 Korenti 10:31

Lani yaa po, yin di, yin ñu leni yin tiendi yaala kuli, tieni mani likuli U Tienu kpiagidi po.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Titi 2:10

ki da su liba. Ban doagidi ke bi tie nidugikaaba, ke ban teni bi niba n yaa jigindi U Tienu ti Candaano bangima.

Titi 2:5

ki kubi bi yula, ki yaa pia yaa yantiali n ŋani, ki yaa tuuni bi diedi tuona bonŋanla, ki go yaa ŋanbidi bi niba po, ki miindi bi yula bi ciaba kani, ke oba kuli n da sugidi U Tienu maama.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!