Jan n diani U Tienu Laabaaliŋamo maama 15:22 - U TIENU MAAMA TILI 2013

²² N yàá bi den cua ki maadi leni ba, bi kan bi yaa pia tuonbiadi. Ama moala, bi kan baa ki nia ke baa pia tuonbiadi.

Gourmanchéma Bible

²² N yaa bi den cua ki maadi leni ba, bi kan bi yaa pia *tuonbiadi. Ama moala bi kan baa ki nia ke baa pia tuonbiadi.

Jan n diani U Tienu Laabaaliŋamo maama 15:22 ပူးပေါင်းရင်းမြစ်များ

Esekieli 2:5

ba ke bi tie niyiekaaba, bi baa bandi ke o saawalipualo ye bi siiga, ban cengi leni ban kaa cengi a kuli.

Luki 12:46

laa naacemo canbaa baa kpeni wan ki daani o yaa daali leni wan ki faami yaa yogunu. O baa teni ban waani o fala hali boncianla, ki gedini o ki ban taani leni yaaba n ki ŋua U Tienu.

Jan n diani U Tienu Laabaaliŋamo maama 12:48

Yua n yie nni kaa gaa n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jan n diani U Tienu Laabaaliŋamo maama 15:23

Yua n nani nni, nani n Baa moko.

Jan n diani U Tienu Laabaaliŋamo maama 15:24

N yàá den soani bi siiga nitoa kuli n daa soani yaa tuona, bi kan bi yaa pia tuonbiadi. Moala, bi laa laa tuona ki nani mini leni n Baa kuli.

Jan n diani U Tienu Laabaaliŋamo maama 16:9

Yaala n tie ti tuonbiadi po, kelima baa tuo ki daani nni.

Jan n diani U Tienu Laabaaliŋamo maama 19:11

Jesu den guani ki yedi o: «A kan baa n po baliba, bi yàá den puni a li tanpoli po. Li tie lani yaa po, ke yua n den cuo nni ki teni a, pia i tagili ki cie ŋa.»

Jan n diani U Tienu Laabaaliŋamo maama 9:41

Jesu den yedi ba: «Yi yàá bi joa, yi kan bi yaa pia tuonbiadi. Yin tua: ‹Ti nua› yeni, yi tuonbiadi ye.

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

LOMA YAABA 1:20

U Tienu paalu yuu n ki pia gbenma leni wan tie maama, naa tie bi nisaaliba n baa fidi ki le yaala. Ama hali ŋanduna tagima yogunu, laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala, ki gaa bi yula.

LOMA YAABA 2:1

Fini, ŋan tie yua kuli, ki ja a lielo buudi, a kan baa ŋan baa tabi yaala ki gaa a yuli. Ŋan ja nitoaba buudi yeni, a cuo a yuli, kelima amoko tiendi nani bani yene.

Jaki 4:17

Lanwani, yua n bani ki tieni yaala n ŋani, ki naa tieni la, li tie o po tuonbiadi.

1 Pieri 2:16

Yi tie yaaba n faabi, yaa tie mani yaaba n faabi n baa yaa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.