Jan n diani U Tienu Laabaaliŋamo maama 15:16 - U TIENU MAAMA TILI 2013

¹⁶ Laa tie ke yinba ka den gandi nni. Ama mini n den gandi yi, ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani, Baa baa pa yi yin mia o yaala kuli, kelima n yeli po.

Gourmanchéma Bible

¹⁶ Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 15:16 ပူးပေါင်းရင်းမြစ်များ

Mi cilima 18:18

Li tie i moamoani cain ke Abalahama baa tua yaa nibuolu n yabi, ki pia u paalu. Ki tinga nibuoli kuli baa baa li seli kelima o po.

Pisomi 145:4

Nifiima kuli n kpiagi a tuona, Ki togidi yaa nifiima n ŋua ma, Ŋan bili yaa jama kuli.

Pisomi 71:18

U Tienu, ŋan da ŋaa nni, Ba n yaa ti podi ke n yudi pendi. Lani n tie min yaa wangi yaa nifiima N tie ne a nii tuonciama, Ki go wangi a paalu yaa nifiima n ŋua.

Mi Kpanjama 11:30

O niteginka bontienkaala tie li miali tibu. O yanfuodaano mo dadi bi niba ki kpendinni o kani.

Esayi 27:6

Yaa yogunu n kpendi nne, Jakob baa pa i jiini, Isidayeli n tieni a ŋuada leni mi puuma. O baa gbieni li ŋandunli leni o bonluonkaala.

Mise 5:7

Jakob puoliŋuani yaaba sieni baa yaa ye Yaa nilanbuoli n yabi siiga, Nani yaa yangbanlo n ye ti fuayandi siiga, Bi nani yaa yangbanbili n ye A pegola siiga yeni. O baa yaa cuoni bi siiga ki co ki dadi ki padi, Ke oba kuli mo kan fidi ki gaa ba o kani.

Matie 21:22

Yin baa jaandi ki mia yaala kuli leni li dandanli, yi baa baa la.»

Matie 7:7

Mia mani, bi baa pa yi, lingi mani, yi baa le. Pua mani bu buliñoabu kani, bi baa luodi yi po.

Luki 6:13

Lan den fii ki faa, o den yini o ŋoadikaaba, ki gandi bi siiga nni piiga n nibilie, ki yini ba bi tondiba.

Jan n diani U Tienu Laabaaliŋamo maama 13:18

Mii maadi yeni ki bagi yikuli ka. N bani min gandi yaaba. Ama tiladi, li baa tieni nani lan diani i Diani nni maama na: ‹Yua n taa ki di leni nni, lugidi nni u danbu.›

Jan n diani U Tienu Laabaaliŋamo maama 15:19

Ŋanduna bi baa bua yi, yi yaa bi tie o yaaba. Ama, nani yin ki tie ŋanduna yaaba, ke n nan gandi yi, ki paadi leni ŋanduna yeni, n teni ke ŋanduna yaaba nani yi.

Jan n diani U Tienu Laabaaliŋamo maama 15:5

Mini n tie bu duventibu ñiali, yinba mo n tie bu beni. Yua n ye n niinni, ke nmo ye o niinni, o baa luoni li bonluonkaala boncianla. N yàá ye leni yi, yi kan fidi ki tieni puu.

Jan n diani U Tienu Laabaaliŋamo maama 6:70

Jesu den guani ki yedi ba: «Naani mini ka den gandi yinba bi piiga n niliediba? Ama yi siiga nni yendo tie cicibiadiga.»

Jesu Tondiba Tuona 1:24

Lani, bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua,

Jesu Tondiba Tuona 1:8

Ama yi baa baa u paalu, U Tienu Fuoma Yua yaa jiidi yi po yaa yogunu. Lani, yi baa yaa tie n siedinba Jerusalemi nni, Jude po leni Samari diema nni kuli, hali ki pundi ŋanduna banlu.»

Jesu Tondiba Tuona 10:41

Waa den doagidi o yuli Jufinba kuli po ka, kali U Tienu n den tuodi ki gandi yaa siedinba po, tinba yaaba n den taani ki di ki go ñu leni o, wan den fii bi tinkpiba siiga yaa yogu.

Jesu Tondiba Tuona 22:14

O go den yedi nni: ‹Ti yaajanba Tienu tuodi ki gandi a, ki bili ke ŋan bandi o yanbuama, ki le o Niteginka, ki gbadi o ñoabu nni maama.

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 1:13

N kpiiba, n bua yin bandi ke n den lindi ki jagi ke n baa cua yi kani, ki baa bonluonkaaliba yi siiga, nani min de baa nibuotoe siiga maama. Ama hali moala, bonliba yen pigini n sanu ke mii fidi ki cua.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

LOMA YAABA 9:21

O maado ki pia li bali ki taa ku yoagu ki tieni wan bua yaala yo? O kan ñani yoagikonyenli nni ki maa yaa tiagu n baa ye li tuonkpiagili po, ki go ñani laa yoagikonli nni ki maa yaa tiagu n baa ye li tuonfanli po yo?

1 Korenti 10:11

Laa bonla kuli den baa bi po, ki baa yaa tie bi niba kuli po li bonbangikaala. U Tienu den teni ke likuli diani ki baa yaa tie ti po, tinba yaaba n ye ŋanduna juodima dana siiga po tundi.

Galati 1:15

Die U Tienu den ŋanbi n po ki gandi nni ki gagidi nni hali n naa tugu nni, ki go ti yini nni o tuonli po.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 1:6

Laa laabaaliŋamo pundi yi kani ki yadi ŋanduna nni kuli, ki luoni o bonluonkaala ki yabidi ki pugidi. O go tiendi yeni yi siiga, hali yin den gbadi o yaa daali ki bandi U Tienu ŋanbili n tie yaala moamoani.

1 Timote 2:7

Li tie lani yaa po ke U Tienu den puogi nni ke min yaa tie mawangika leni tondo, ki bangi bi nilanba li dandanli leni i moamoani nni. N maadi i moamoani, mii pua faama.

2 Timote 1:11

U Tienu den puogi nni ke min tua laa Laabaaliŋamo wangika, o tondo leni o bangika.

2 Timote 2:2

Ŋan den gbadi n kani yaala siedinba boncianla nintuali, amo n piani la bi nidugikaaba, yaaba mo n baa fidi ki yaa bangi nitoaba.

Titi 1:5

N den ŋaa ŋa Kileti diema nni, ke ŋan ŋanbi yaala n sieni ki bua mi ŋanbima, ki kaani mi diema yeni dogi nni kuli, Kilisiti Nitaanli nikpela nani min den yedi a maama.

Hebilunba 11:4

Li tie li dandanli yaa po ke Abeli den padi U Tienu po yaa padili n ŋani ki cie Kayini yaali. Li tie li dandanli yaa po ke U Tienu den yedi ke o tiegi, ki den gaa wan padi o po yaa padili. Laa dandanli yaa po yo ke o baa ki maadi, ba ke o kpe.

Jaki 3:18

Yaaba n lingi mi yanduanma, tuuni yaa tuona n tiegi mi yanduanma nni.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Pieri 3:2

Lani mo baa ŋoadi yi tagi n ŋani ki go pia li fangili maame.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

1 Jan 4:19

Tinba, ti bua o kelima wani n den kpa bua tinba.