Jan n diani U Tienu Laabaaliŋamo maama 14:27 - U TIENU MAAMA TILI 2013

²⁷ N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Gourmanchéma Bible

²⁷ N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jan n diani U Tienu Laabaaliŋamo maama 14:27 ပူးပေါင်းရင်းမြစ်များ

2 Bi Badiba Jama 20:30

Ki cili landaali, Josafati bali nni kuli, o den ye leni mi yanduanma, kelima U Tienu n den puni o laa yanduanma i kaani kuli.

Jobi 34:29

U Tienu yaa puni nibuoluba Bi diemiba mi yanduanma, Ŋme nan baa fidi ki jaligi o li po? O yaa buli o nunga, ŋme n baa fidi ki diidi o?

Pisomi 11:1

Bi yanyinba yudaano yani siiga yanbu, Davidi yanbu. N sani ki wuoni o Diedo kane. Yi baa gaa lede ki yedi nni: «Sani ki gedi a juana po, Nani ki nuanga yeni?»

Pisomi 112:7

Waa jie laabaalibiado. O pali pa ke o dugi o Diedo po.

Pisomi 27:1

Davidi yanbu. O Diedo n tie n yenma leni n faabima. N go baa yaa jie ŋme yo? O Diedo n tie n miali wuonkaanu. N go baa yaa digibi ŋme yaa kane? O Diedo n tie yua n kubi n miali, Mii bangi liba kuli po.

Pisomi 28:3

Ŋan da taani ki cuo nni leni bi nibiadiba, Yaaba n tiendi yaala n ki tiegi. Bani n maadi leni bi yieninlieba Mi yanduanma maama, Ki nan pia i janbi bi pala nni.

Pisomi 29:11

O Diedo baa pa o niba u paalu, O Diedo baa seligi o niba, Ki pa ba mi yanduanma.

Pisomi 56:11

N pagi U Tienu kelima Wan yedi yaa maama po. N pagi wani o Diedo Kelima laa maama po.

Pisomi 56:3

Daali kuli n yibalinba yagini n yama. U Tienu U Paaciamu Daano, Yaaba n cidi nni bu toabu yabi.

Pisomi 72:2

Teni wan jia a niba buudi leni mi teginma, Bi ninñinniba mo yaa buudi mo, Nani lan tiegi maama.

Pisomi 72:7

Laa dana nni o niteginka yema baa mangi. Teni o ŋmaalo mo n yaa ye yaa yogunu kuli, Mi yanduanma n baa ki yaa ye!

Pisomi 85:10

Moamoani, o faabima ki go foagi Yaaba n fangi o po. Ti kpiagidi mo n yaa ye ti diema nni.

Pisomi 91:5

A kan jie ku ñiagu n pia yaa jawaanciandi, Ba ban toani yaa piemi u yensiinu,

Mi Kpanjama 3:25

Ŋan da jie bonludikabiadila, Bi, nibiadiba yaa cua ki baa ŋa.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 41:14

O Diedo yedi: «Da jie liba fini Jakob buolu Yuu n tadi nani o sidibilo yeni. Yinba Isidayeli yaaba, Yaaba n tadi nani bi tinkpiba yeni, N kpendi ki baa gaa yi, Mini yi daafaabika, Isidayeli Tienu Yua n Gagidi ki ŋani.

Esayi 54:13

Jerusalemi, a bijaba kuli baa tua o Diedo ŋoadikaaba. Bi baali mo baa yabidi.

Esayi 55:12

Moamoani yi baa ña yi yonbidi nni Leni li pamanli, bi baa ciani yi Leni mi yanduanma yin kpeni. A juana leni a joabila kuli, Baa tuogi yi leni li pamanli yigimi, Li fuali nni tiidi kuli mo baa puogi ti nupodi.

Esayi 57:19

N baa kuani ti pagidi bi ñoana nni. Mi yanduanma bebe n baa yaa ye yua n ye foagima Leni yua n ye koanma nni po. O Diedo n yedi: ‹N baa paagi ba.›

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Jeremi 1:8

Da jie ba, kelima n ye leni a Ki baa faabi a. Mini o Diedo n yedi yeni.»

Jeremi Bubula 3:17

A teni ke mii go pia yanduanma. N sundi mi yemanma mo n tie yaala.

Esekieli 2:6

Ama fini nisaalo biga, ŋan da jie bani leni bi maama. Li baa yaa tie nani ke a ye i konkoni leni i nami siiga yene. Ŋan da jie bi maama leni bi nunmu, kelima bi tie nibuoyieko yo.

Danieli 4:1

Mini o bado Nebukanesa den ye n diegu nni, n den ye likani leni mi yemanma.

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani, bi puoba leni bi bila. I yangbanli den cuo ba ki toadi toadi ba, hali ke bi daa pundi ku buogu tinga.

Sakari 6:13

O baa yaa pia li bali maalima, ki kaa o gbandi po, ki die. O kopadiciamo baa yaa ye o kani, ke bikuli taa ñoabu ki tuuni.

Mi Coadima 6:26

O Diedo n noanli yi leni mi buama, Ki pa yi mi yanduanma!›

Matie 10:26

Lanwani, yin da jie ba, kelima liba kuli ki ye ki wuo ki kan wuodi. Liba kuli ki ye ki duagi, ke bi kan bandi la.

Luki 1:79

Ki baa yendi yaaba n ye li biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Luki 10:5

Yin kua yaa diegu nni kuli, kpa fuondi mani ki yedi: ‹Mi yanduanma n yaa ye ku naa diegu nni.›

Luki 12:4

Yinba n danlinba, n yedi yi, yin da jie mani yaaba n baa kpa yi gbanandi ki nan kan go fidi ki tieni bontoala.

Luki 2:14

«U Tienu n baa ti kpiagidi hali tanpolijoma, Yaa niba n mangi o pali ki tinga nni N yaa pia mi yanduanma.»

Jan n diani U Tienu Laabaaliŋamo maama 14:1

Yin da yagi mani yi yama. Daani mani U Tienu, daani mani mini moko.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 20:19

Landaali yaa ñiagu, danalele cilima daali yeni, bi ŋoadikaaba den ye li dieli nni, ke li buliñoana lo, kelima bi jie Jufinba. Jesu den cua ki sedi bi siiga ki yedi: «Mi yanduanma n yaa ye leni yi!»

Jan n diani U Tienu Laabaaliŋamo maama 20:21

Jesu go den yedi ba: «Mi yanduanma n yaa ye leni yi! Nani Baa n den soani nni maama, mini moko, n soani yi yene.»

Jan n diani U Tienu Laabaaliŋamo maama 20:26

Li daniili daali, Jesu ŋoadikaaba go den ye li dieli nni, ke Toma moko ye leni ba. Ba ke bi den luoni a buliñoana, Jesu den cua ki sedi bi siiga, ki yedi: «Mi yanduanma n yaa ye leni yi!»

Jesu Tondiba Tuona 10:36

U Tienu den soani u tondu Isidayeli yaaba po, ki waani ba mi yanduanma Laabaaliŋamo, kelima Jesu Kilisiti yaa po. Wani n tie bi niba kuli Diedo.

Jesu Tondiba Tuona 18:9

Ñiayengu o Diedo den yedi Poli ti dangidi nni: «Da jie liba, ŋan yaa maadi ki da ŋmini,

LOMA YAABA 1:7

N diani yi po, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi o po. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li dandanli nni. U Tienu Fuoma Yua paalu n teni yin yaa pia mi suginma ki pugidi pugidi.

LOMA YAABA 5:1

Lanwani, U Tienu n saa ti po i moamoani ke ti tiegi, kelima li dandanli yaa po yeni, ti pia mi yanduanma leni U Tienu kelima ti Diedo Jesu Kilisiti po.

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o, kelima o Bijua kuuma po. Lanwani, moala ke ti mangi leni o, laa pia kuli tama, ke ti baa faabi kelima o yaa miali po.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

1 Korenti 1:3

Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

Galati 1:3

Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Galati 6:16

Yaaba n tuo ki ŋua laa maama kuli, U Tienu n pa ba mi yanduanma, ki go gbadi bi po mi ninñima, bani U Tienu buolu Isidayeli yaaba yeni.

Filipi 4:7

Lanwani, U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

Kolosi 1:2

yinba ti kpiiba yaaba n tie bi nigagidiŋanba leni bi nidugikaaba Kilisiti nni, ki ye Kolosi dogu nni po. Ti Baa U Tienu n pa yi li ŋanbili leni mi yanduanma.

Kolosi 1:20

O yanbuama po goga, O teni ke li bonla kuli, Yaala n ye ŋanduna nni leni tanpoli po kuli, N mangi leni o kelima Kilisiti yaa po. O ñani ti yibalindi ki teni ke i mani ye, Kelima o soama li dapoanpoanli po.

Kolosi 3:15

Kilisiti n den yini yi yaa yanduanma po, n yaa die yi pala, yin tua gbananyendi o yaa niinni.

2 Tesaloniki 1:2

U Tienu yua n tie Baa leni o Diedo Jesu Kilisiti, n pa yi li ŋanbili leni mi yanduanma.

2 Tesaloniki 3:16

Mi yanduanma Diedo, wani o ba n yaa puuni yi mi yanduanma u yogunu kuli yi yema buoli kuli nni. Wani o Diedo n yaa ye leni yikuli.

2 Timote 1:7

U Tienu ki puni ti yaa Fuoma n pia i jeje, o puni ti yaa Fuoma n pia li papaali, mi buama leni li yukubile.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

Hebilunba 7:2

Abalahama n den baa yaa fagidi kuli, o den ñani li diim, ki puni Melikisedeki. A yaa soagini o yeli, Melikisedeki yeni tie mi “teginma bado,” ki go tie Salem bado, lani n bundi “mi yanduanma bado.”

Mi Doagidima 1:4

Mini Jan n diani li naa tili Kilisiti Nitaanleleeda ya n ye Asi diema nni po. U Tienu yua n den kpa ye, ki ye moala, ki go baa ti cua leni o fuoleleedima yaama n ye li bali kalikaanu kani,

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»