Jan n diani U Tienu Laabaaliŋamo maama 14:17 - U TIENU MAAMA TILI 2013

¹⁷ Wani n tie i moamoani Fuoma. Ŋanduna yaaba kan fidi ki gaa o cangu, kelima baa nua o, baa bani o mo. Ama yinba wani, yi bani o kelima o ye leni yi, ki baa ki ye yi niinni.

Gourmanchéma Bible

¹⁷ wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 14:17 ပူးပေါင်းရင်းမြစ်များ

Mi Kpanjama 14:10

O nilo wani o ba n bani o payianu. Nitoa kan fidi ki taani leni o o pamanli nni.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 59:21

O Diedo yedi: «Diidi, mini wani n baa kuani Yaa ŋantaado leni ba: N Fuoma yaama n ye a po Leni n maama min kuani yaama A ñoabu nni yeni, kan ña a ñoabu nni, Bi a bila ñoana nni, bi a yaabila ñoana nni.» O Diedo n yedi yeni, Moala leni yaa yogunu kuli po.

Esekieli 36:27

N baa kuani n Fuoma yi niinni, ki teni yin yaa ŋua n mabilikaama, ki yaa kubi ki go tiendi n ñoamabona mo.

Matie 10:20

Laa tie yinba ka baa maadi, yi Baa Fuoma, yaama n ye yi niinni, n baa maadi.

Jan n diani U Tienu Laabaaliŋamo maama 14:16

N baa mia Baa U Tienu, wan pa yi toa, yua n baa yaa tie yi Todika ki yaa ye leni yi hali yaa yogunu kuli.

Jan n diani U Tienu Laabaaliŋamo maama 14:23

Jesu den guani ki yedi o: «O nilo yaa bua nni moamoani, o baa kubi n maama. Lani, n Baa baa bua o. Ti baa cua o kani ki yaa ye o deni.

Jan n diani U Tienu Laabaaliŋamo maama 15:26

O Todika yaa cua, min baa soani yi po yua, wani i moamoani Fuoma, yua n ñani Baa kani yeni, wani n baa yaa tiendi n po siedi.

Jan n diani U Tienu Laabaaliŋamo maama 16:13

O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki yaa wangi yi yaa bonla n baa ti cua.

Jan n diani U Tienu Laabaaliŋamo maama 6:40

N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»

1 Korenti 14:15

Lanwani, n baa tieni lede? N baa jaandi leni U Tienu Fuoma, ama n baa yaa jaandi leni n yantiali mo. N baa yaa yiini leni U Tienu Fuoma, ama n baa yaa yiini leni n yantiali mo.

1 Korenti 2:14

Ama li nisaali-yantiali n die yua, kan fidi ki gaa yaa bonla n ñani U Tienu Fuoma Yua kani, kelima li tie o po yanluobonla. O kan bandi la kelima li biigidi leni U Tienu Fuoma Yua yaa yantiale.

1 Korenti 3:16

Yii bani ke yi tie U Tienu diegu ke o Fuoma ye yi niinni yo?

1 Korenti 6:19

Yii bani ke yi gbanandi tie U Tienu Fuoma Yua yua n ye yi niinni dieli, U Tienu n puni yi yua, ke yii go die yi yula?

2 Korenti 13:5

Yinba yi baa, yin kpaagi kpaagi ki le yi yaa ye li dandanli nni. Biigi mani yi yula yi baa. Naani yii bani ke Jesu Kilisiti ye yi niinni yo? Li yaa tie ke yi biigi yi yula, yi baa sua ke yi poadi.

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Galati 4:6

Lani yaa po, yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa!»

Efesa 2:22

Bi ŋuani yimoko o yaa niinne, ke yi taani ki tie U Tienu yekaanu, kelima o Fuoma po.

Efesa 3:17

ke Kilisiti n yaa ye yi pala nni kelima li dandanli po. N go mia o ke wan pa yi yin yaa pia i jiini leni li tanpuuli mi buama nni, ki se ke li pa.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

2 Timote 1:14

Ŋan yaa kubi U Tienu n den piani a yaa pianmoanli, kelima U Tienu Fuoma Yua yua n ye ti niinni yaa paalu po.

1 Jan 2:27

Ama yinba wani, yin den baa o kani yaa Fuoma Yua yeni, ye yi niinni, laa go tie tiladi ban bangi yi. Mi Fuoma yaama n bangi yi li bonla kuli, tie moamoandaano, kaa tie faadaano. Lani yaa po, yin yaa ye o niinni nani wan bangi yi maama.

1 Jan 3:24

Yua n kubi li bali maama ye o U Tienu niinni, U Tienu mo ye o niinni. Lane ti bani ke o ye ti niinni kelima wan puni ti o Fuoma yaama yaa po.

1 Jan 4:4

N bibuadimu, yi tie U Tienu yaaba. Yi paadi bi saawalipua-faadanba, kelima yua n ye yi niinni pia u paalu ki cie yua n ye ŋanduna nni.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

1 Jan 5:7

Bi tie bi taa yaaba n tiendi siedi:

Mi Doagidima 2:17

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o yaa manni n den wuo, ki go pa o li tanpienli, ban diani li yepanli yaali yaa po, oba kuli n ki bani yaali, se yua n baa li bebe.› »