Jan n diani U Tienu Laabaaliŋamo maama 13:31 - U TIENU MAAMA TILI 2013

³¹ Judasi n den ñani, Jesu den yedi: «Moala o Joa Bijua baa ti kpiagidi. U Tienu mo baa ti kpiagidi kelima o po.

Gourmanchéma Bible

³¹ Judasa n den ñani, Jesu den yedi: «Moala o *Ja Bijua baa ti kpiagidi. U Tienu mo baa ti kpiagidi kelima opo.

Jan n diani U Tienu Laabaaliŋamo maama 13:31 ပူးပေါင်းရင်းမြစ်များ

Matie 8:20

Jesu den guani ki yedi o: «I coli pia i fali, ti bonyugiditi mo pia a tiana, ama o Joa Bijua wani naa pia wan baa yaa dua naani.»

Luki 12:50

Ama bi baa kpa batisi nni leni fala. N yama yagini boncianla hali lan baa tieni ki gbeni.

Jan n diani U Tienu Laabaaliŋamo maama 11:4

Jesu n den gbadi lani, o den yedi: «Laa yianu kan tua kuuma, ama u baa cuani U Tienu kpiagide. U Tienu Bijua moko baa baa ti kpiagidi kelima u yaa po.»

Jan n diani U Tienu Laabaaliŋamo maama 12:23

Jesu den guani ki yedi ba: «O Joa Bijua n baa baa ti kpiagidi yaa yogunu pundi.

Jan n diani U Tienu Laabaaliŋamo maama 12:28

N Baa, teni a yeli n baa ti kpiagidi.› » Lani, u nialu den maadi hali tanpoli po, ki yedi: «N teni ke li baa ti kpiagidi no, n go baa teni lin baa ti kpiagidi ki pugini.»

Jan n diani U Tienu Laabaaliŋamo maama 14:13

Yin baa mia yaala kuli n yeli nni, n baa tieni la, ke Baa n baa ti kpiagidi kelima Bijua po.

Jan n diani U Tienu Laabaaliŋamo maama 16:14

O baa kpiagi nni, kelima o baa taani min pia yaala, ki yaa wangi yi.

Jan n diani U Tienu Laabaaliŋamo maama 7:39

Jesu n den maadi yeni, o den maadi U Tienu Fuoma yaa maame, yaa niba n tuo ki daani wani Jesu n baa baa yua. U Tienu daa den puni ba o Fuoma yeni, kelima Jesu daa baa o kpiagidi.

Jesu Tondiba Tuona 2:36

Pieli go den yedi: «Lani yaa po, yinba Isidayeli yaaba kuli, bandi mani bonŋanla ke U Tienu teni ke Jesu, yin den joani yua li dapoanpoanli po, tie o Diedo leni U Tienu n Gandi Yua.»

Jesu Tondiba Tuona 3:13

Abalahama, Isaaka leni Jakob Tienu, wani, ti yaajanba Tienu, den kpiagi o naacemo Jesu. Yi den cuo o ki teni li bali danba, ki yie o Pilati bujiali kani, ba ke o den jagi ke o baa faabi o.

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

Efesa 1:12

O den tieni yeni ke tinba yaaba n den kpa bili ti suginma Kilisiti nni, n yaa pagi o.

Efesa 2:7

O den tieni lani kuli ki baa doagidi o ŋanbili n yabi kaa pia bianu maama, hali yaa yogini n baa ti cua, kelima o ŋanma ti po Jesu Kilisiti nni.

Efesa 3:10

O bua moala, kelima Kilisiti Nitaanli po, i paaciami danba leni li bali danba yaaba ye tanpoli n bandi, wani U Tienu yanfuoma, yaama yaa buoli n yabi.

Filipi 2:11

Nilo kuli mo n tuo Ke Jesu Kilisiti n tie o Diedo, U Tienu yua n tie Baa yaa kpiagidi po.

1 Pieri 1:21

Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!