Jan n diani U Tienu Laabaaliŋamo maama 13:1 - U TIENU MAAMA TILI 2013

¹ Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.

Gourmanchéma Bible

¹ Hali ke mi *Pendima jaanma daa pundi, Jesu den bani ke wan baa ña ŋanduna nni ki gedi Baa po yaa yogunu pundi. O den bua o yaaba, yaaba n ye ŋanduna nni, o den bua ba hali mi juodima.

Jan n diani U Tienu Laabaaliŋamo maama 13:1 ပူးပေါင်းရင်းမြစ်များ

Mi Kpanjama 8:31

N den mangidi n pali wan den Tagi yaa tinga yaa niinni, N den mangidi n pali bi nisaaliba siiga.

Jeremi 31:3

O Diedo den doagidi nni hali yogu ki yedi: ‹N bua yi yaa buama n ki pia gbenma. Lani n teni ke n baa kubi n ŋanma yi po.

Matie 26:45

Lani, o den guani o ŋoadikaaba kani ki yedi ba: «Yi baa ki goa ki fuo yo? Diidi, u yogunu pundi ke bi baa janbi o Joa Bijua, ki teni o ti tuonbiadi danba.

Matie 28:20

N baa yaa ye leni yi yaa yogunu kuli, hali ŋanduna juodima.»

Luki 22:53

Min den ye leni yi daali kuli U Tienu diegu nni, yii den cuo nni, ama moala yi yogunu pundi, ke li biigili paalu mo diedi.»

Luki 9:51

U yogunu n den nagini ke U Tienu baa ñani Jesu ŋanduna nni ki duoni o tanpoli, Jesu den jagi ki bili ke o baa gedi Jerusalemi.

Jan n diani U Tienu Laabaaliŋamo maama 11:55

Jufinba Pendima jaanma n go den nagidi, bi niba boncianla den ñani i dogi nni ki gedi Jerusalemi, ki baa ŋanbi biba hali ke mi Pendima jaanma daa pundi.

Jan n diani U Tienu Laabaaliŋamo maama 12:23

Jesu den guani ki yedi ba: «O Joa Bijua n baa baa ti kpiagidi yaa yogunu pundi.

Jan n diani U Tienu Laabaaliŋamo maama 13:29

Nani Judasi n den kubi bi ligiboagili yeni, bi tianba den tama ke Jesu yedi o: «Ŋan daa tin baa bua yaala kuli mi jaanma po,» yaa ka: «Ŋan ñani i ligi ki pa a luoda.»

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 13:34

N bili yi po yaa mabilikapanma n tie ne: Yin yaa bua mani yiyaba. Nani min bua yi maama, Yimoko n bua yiyaba yeni.

Jan n diani U Tienu Laabaaliŋamo maama 14:28

Yi den gbadi ke n yedi yi ke n baa gedi ki ŋaa yi, ki go baa guani yi kani. Yi yaa bi bua nni moamoani, yi bi baa yaa mangidi yi pala ke n caa Baa po, kelima wani n cie nni.

Jan n diani U Tienu Laabaaliŋamo maama 14:31

Ama li tie tiladi ke ŋanduna kuli n bandi ke n bua Baa, ki tiendi wan puogi nni yaala. Fii mani tin fuadi nekanba!

Jan n diani U Tienu Laabaaliŋamo maama 16:28

N den ñani Baa kani ki cua ŋanduna nni. Moala n go baa ña ŋanduna nni, ki guani Baa po.»

Jan n diani U Tienu Laabaaliŋamo maama 17:1

Jesu n den maadi laa maama, o den yaadi ki diidi tanpoli po ki yedi: «N Baa, u yogunu pundi. Kpiagi a Bijua, ke a Bijua mo n kpiagi a.

Jan n diani U Tienu Laabaaliŋamo maama 17:16

Nani min ki tie ŋanduna yua maama, bani moko ki tie ŋanduna yaaba yene.

Jan n diani U Tienu Laabaaliŋamo maama 17:26

N den teni ke bi bandi a yeli. N go baa teni ban bandi li, ke ŋan bua nni yaa buama n yaa ye bi pala nni, ke mini mo n yaa ye bi niinni.»

Jan n diani U Tienu Laabaaliŋamo maama 17:5

Moala, fini Baa, ŋan kpiagi nni a kani leni min den kpa pia yaa kpiagidi a kani ke ŋanduna daa ye.

Jan n diani U Tienu Laabaaliŋamo maama 18:4

Jesu den bani yaala n baa tieni o kuli, ke o caadi ki yedi ba: «Yi lingi ŋme?»

Jan n diani U Tienu Laabaaliŋamo maama 19:28

Li yaa puoli, Jesu n den bani ke li bonla kuli tieni ki dudi, o den yedi: «U ñuñuunu pia nni.» O den yedi yeni ke yaala n diani i Diani nni n tieni ki dudi.

Jan n diani U Tienu Laabaaliŋamo maama 2:13

Jufinba jaanma, mi Pendima jaanma yeni n den nagidi, Jesu den doni ki gedi Jerusalemi.

Jan n diani U Tienu Laabaaliŋamo maama 6:4

Jufinba jaanma yaama n tie mi Pendima jaanma den kuli.

Jan n diani U Tienu Laabaaliŋamo maama 7:30

Lani yaa po, bi den lingi ki bua ki cuo o, ama oba kuli ki den cuo o, kelima o yogunu daa den pundi.

Jan n diani U Tienu Laabaaliŋamo maama 7:6

Jesu den yedi ba: «N yogunu daa pundi, ama yinba wani yaa po, yogunu kuli dagidi.

Jan n diani U Tienu Laabaaliŋamo maama 8:20

Jesu den maadi laa maama ki kuu ban den biliti ŋalimani naankani, wan den bangi bi niba U Tienu diegu nni yaa yogunu. Oba kuli ki den cuo o, kelima o yogunu daa pundi.

LOMA YAABA 8:37

Ama laa bonla kuli siiga, yua n den bua ti yeni, teni ke ti paadi likuli cain.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

Hebilunba 3:14

Kelima ti taa leni Kilisiti, ki tie yenma leni o li yaa tie ke ti kubi tin den kpa pia yaa dugidi hali mi juodima.

Hebilunba 3:6

Ama Kilisiti, wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Hebilunba 6:11

Ti bua hali bonŋanla ke yi siiga yuakuli n go yaa pia li yankuali yeni hali mi juodima yogunu, ke yin baa yin sugini yaala kuli cain.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

1 Jan 4:19

Tinba, ti bua o kelima wani n den kpa bua tinba.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,