Jan n diani U Tienu Laabaaliŋamo maama 12:40 - U TIENU MAAMA TILI 2013

⁴⁰ «U Tienu juani bi nuni, Ki juagi bi pala, Ke ban da le leni bi nuni, Ki da gaa leni bi pala, Ke ban da ti lebidi ki ŋaa bi tuonbiadi, Min paagi ba.»

Gourmanchéma Bible

⁴⁰ «U Tienu juani bi nuni, Ki juagi bi pala, Ke ban da le leni bi nuni, Ki da ga leni bi pala, Ke ban da ti lebidi ki ŋa bi *tuonbiadi, Min paagi ba.»

Jan n diani U Tienu Laabaaliŋamo maama 12:40 ပူးပေါင်းရင်းမြစ်များ

1 Bi Badiba 22:20

O Diedo den yedi: ‹Ŋme n baa boandi Akabi wan fii ki gedi Galaadi diema yaa Ramoti, ki ban kpe lipo?› Bi den yedi, o yendo mine, oyua mo nanda.

Pisomi 147:3

O duandi yaaba yaa pala n biidi yama, Ki buu yaaba n poagili mo.

Pisomi 41:4

O fala duanu po, o Diedo baa kubi o, Ki yaa paagidi o o yiani kuli po,

Pisomi 6:2

O Diedo, da waani nni fala a pabienli nni, Da faligi nni a pabiencianli nni.

Mi Ñama 10:1

O Diedo den yedi Musa: «Gedi Faraon kani, kelima mini n den teni ke o pali juagi, ke o naacenba moko yaa pala juagi, kelima n den bua ki teni n sinankeeninba n doagidi bi siiga.

Mi Ñama 11:10

Musa leni Alono den tieni laa bancianma kuli Faraon nintuali, ama Faraon naa den tuo ke Isidayeli yaaba n ña o diema nni.

Mi Ñama 14:17

Nmo baa teni Ejipiti yaaba pala n juagi, ban ŋoadi ba mi ñima nni. N baa guli Faraon, o toatieba, o teliti leni o tandanba kuli, ki teni n kpiagidi n gedi foagima.

Mi Ñama 14:4

N baa teni Faraon pali n juagi, wan fii ki deli ke o baa cuo ba. Yeni, n yeli baa baa ti kpiagidi Faraon leni o toatieba tingbali nni. Ejipiti yaaba baa bandi ke n tie Li Miali Diedo.» Isidayeli yaaba den tieni yeni.

Mi Ñama 14:8

O Diedo den teni ke Ejipiti bado Faraon pali juagi, ke o den ŋua ki deli Isidayeli yaaba. Isidayeli yaaba den ñani mi diema nni ki cuoni ki gaani.

Mi Ñama 4:21

O Diedo den yedi Musa: «A yaa fii ki guani Ejipiti nni yaa yogunu, ŋan diidi min baa tieni a nuu nni yaa bancianma. Ŋan ban tieni likuli Faraon nintuali. Ama mini, n baa teni o pali n juagi ke o kan tuo bi niba n gedi.

Mi Ñama 7:13

Faraon pali den juagi, ke waa den cengi Musa leni Alono ba waamu, nani o Diedo n den yedi maama.

Mi Ñama 7:3

Mini, n baa teni Faraon pali n juagi, n baa pugini n sinankeeninba leni mi bancianma Ejipiti diema nni.

Mi Ñama 9:12

O Diedo den teni ke Faraon pali go juagi, ke o naa den cengi Musa leni Alono maama, nani o Diedo n den tuodi ki waani Musa maama.

Esayi 26:11

O Diedo, a nuu yuugi ki baa pua, Ama baa faami a cuu po. Bi baa le a buacianma a niba po, I fe n cuo ba. Yene ke u mu baa je a yibalinba.

Esayi 29:10

Kelima o Diedo kuani yi niinni Mi guama yantiali ke yi gonbidi. O pii yinba bi saawalipuaba nuni, Ki libini yinba a baayuadiida mo yaa yula ti kpaliti.

Esayi 53:5

Ama bi den muu ki cibi o ti yaa yiema po yo. Bi den pua ki moagi o, Kelima ti yaa tuonbiadi po yo. Yaa fala n cuani ti po mi yanduanma yeni, Den baa wani yaa po yo. Li tie o yaa poagilima po yo, ke ti faabi.

Esayi 6:10

Teni bi naa niba pala n juagi, Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da gaa liba. Lani n tie ban da lebidi bi pala, Min paagi ba.

Esayi 6:9

Lanwani, o den yedi nni: «Gedi ki ban yedi u nibuolu na: Cengi mani bonŋanla, ama yi kan gaa liba! Diidi mani bonŋanla, ama yi kan le puu!»

Jeremi 3:22

Guani mani n kani, Yinba a biyenyieda yeni. N baa paagi yi leni yi yenyiema. Lani, yi baa yedi: «Tinba nne! Ti tie a yaabe. Yeni de! Fini n tie Li Miali Diedo ti Tienu.»

Jeremi 5:21

Cengi mani line, Yinba yaa niba n ki pia yama, Kaa pia kpaagili mo. Yinba yaaba n pia i nuni ki naa nua, Ki pia a tuba ki naa gba liba.

Esekieli 12:2

«Nisaalo biga, a ye nibuoyieko siiga, yaaba n pia i nuni ki naa nua, ki pia a tuba ki naa gba, kelima bi tie nibuoyieko.

Esekieli 14:9

Li yaa tie ke saawalipualo cedi ke bi tulini o, ke o maadi o yuceli maama, mini n cedi ke o tieni yeni. N baa tandi n nuu ki cuo o, ki ñani o n niba Isidayeli yaaba siiga.

Ose Tili 14:4

Asiiri diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yini ti nii n tagi yaala ti Tienu, Kelima a kpienbila baadi a yaa kane mi ninñingbadima.› »

Ose Tili 6:1

Yi tua: «Cua mani tin lebidi ki guani o Diedo kani, Kelima o den dadi ki toadi toadi ti, ama o baa paagi ti, O den poagili ti, ama o baa fini ti po ti nala.

Matie 15:14

Cedi ba mani! Bi tie yaa juama n dia a juama. Juamo yaa dadi juamo mo, bani nibilie kuli n baa baa ku buogu nni.»

Marki 4:12

Yeni bi baa yaa nua leni bi nuni, Ki nan da le bi yama nni. Bi baa yaa cengi leni bi tuba, Ki nan kan bandi liba. Lani n tie ke ban da lebidi bi pala, Ki guani U Tienu kani, Ki baa bi tuonbiadi sugili.»

Marki 6:52

kelima baa den tiani ki kpaagi Jesu n den tieni yaa bancianma leni bi dupenmuudiba, kelima bi pala den juagi.

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi faabima, Ke min pa a juama mi nunnualima. O soani nni ke min yaa faabidi ban miabi yaaba,

Luki 8:10

O den guani ki yedi ba: «Bi puni yinba yin bandi U Tienu diema bondoaginkaala, ama nitoaba po, n maadi ba leni mi kpanjama ke ban yaa nua leni bi nuni ki nan da le liba, ki go yaa cengi leni bi tuba ki nan da gbadi liba.

Jan n diani U Tienu Laabaaliŋamo maama 12:39

Baa den fidi ki daani Jesu nani Esayi n go maadi maama:

Jan n diani U Tienu Laabaaliŋamo maama 9:39

Lani, Jesu den yedi: «N cua ŋanduna nni ke li bujiali n tieni bi niba siiga, ke a juama n noadi, yaaba n nua mo n juani.»

Jesu Tondiba Tuona 15:3

Antiosi Kilisiti Nitaanli den todi ba li sancenli po. Bi den poandi Fenisi leni Samari diema kuli, ki togidi bi nilanba n den lebidi ki daani maama. Li den teni ke lanpo, bi kpiiba kuli pala den mangi boncianla laa maama po.

Jesu Tondiba Tuona 28:26

Gedi u nibuolu na po ki yedi ba: Yi baa gbadi bonŋanla, ama yi nan kan bandi liba, Yi baa noanli bonŋanla, ama yi nan kan le liba,

Jesu Tondiba Tuona 3:19

Lani yaa po, yin lebidi yi yama ki daani U Tienu ke wan n ŋuudi ki ñani yi tuonbiadi.

LOMA YAABA 9:18

Lanwani, U Tienu gba mi ninñima wan bua ki yaa gba yua yaa po mi ninñima, ki go juagi wan bua ki juagi yua yaa pali.

Mi Tiadima 29:4

N den gobidi yi hali bina piinaa mi fanpienma nni, yin den laa yaa tiadi naa den cadi, yin den pili yaa cacaadi mo naa den cie.

Josue 11:20

O Diedo den teni ke bi juagi bi pala, ki tuogi leni Isidayeli yaaba bu toabu, ke bani Isidayeli yaaba kpa ba, ki bolini ba cain, kaa gbadi bi po ninñima, nani o Diedo n den puogi Musa maama.