Jan n diani U Tienu Laabaaliŋamo maama 11:42 - U TIENU MAAMA TILI 2013

⁴² N bani ke a cengi n maama yogunu kuli, ama n yedi yeni, kelima yaa niligu n lindi nni ne yaa po. Yeni bi baa daani ke fini n soani nni.»

Gourmanchéma Bible

⁴² N bani ke a cengi n maama yogunu kuli, ama n yedi yeni yaa niligu n se ki lindi na yaa todima po, ban daani ke fini n soani nni.»

Jan n diani U Tienu Laabaaliŋamo maama 11:42 ပူးပေါင်းရင်းမြစ်များ

Matie 26:53

Naani a tama ke mii pia sanu ki mia n Baa? N yaa mia o, o baa pa nni moala moala, yaa malekinba n yabi ki cie piiga n toagolalie.

Jan n diani U Tienu Laabaaliŋamo maama 11:22

Ama n bani ke ba moala, ŋan baa mia U Tienu yaala kuli, o baa pa ŋa la.»

Jan n diani U Tienu Laabaaliŋamo maama 11:31

Yaa Jufinba n den ye leni Mariyama li dieli nni ki baagi o, n den laa ke o fii tontoni ki ñani yeni, bimoko den fii ki ŋoadi o, kelima bi den tama ke o caa li takuli po ki baa n buude.

Jan n diani U Tienu Laabaaliŋamo maama 11:43

Wan den jaandi yeni, o den kpedi o nialu ki kpaani: «Lasari, ña na!»

Jan n diani U Tienu Laabaaliŋamo maama 12:11

kelima Jufinba boncianla den ŋaa ba, ki tuo ki daani Jesu, kelima wani Lasari po.

Jan n diani U Tienu Laabaaliŋamo maama 12:17

Li den sua ke yaa niligu n ye Jesu kani wan den yini Lasari ke o ñani li takuli nni, ki fiini o bi tinkpiba siiga yaa yogunu, den tiendi lipo siedi ki yadi li laabaalo.

Jan n diani U Tienu Laabaaliŋamo maama 17:21

Min mia ŋa bi po yaala tie line: bikuli n yaa tie yendo nani fini Baa n ye n niinni, ke nmoko ye a niinni maama. Bani mo n yaa ye ti niinni, ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:8

N caa ba ŋan den soani nni yaa tondu, bi mo gaa ki bandi ke n ñani a kani moamoani, ki go daani ke fini n soani nni.

Jan n diani U Tienu Laabaaliŋamo maama 20:31

Ama yaama n tie ne diani ke yin daani ke Jesu tie U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 3:17

U Tienu naa den soani o Bijua ŋanduna nni ke wan jia ŋanduna yaaba buudi ka, ama ke wani U Tienu n faabi ba, kelima o Bijua yaa po.

Jan n diani U Tienu Laabaaliŋamo maama 8:16

Ba n yaa baa jia ti buudi, n bujiali baa yaa tiegi, kelima mii ye nbebe. Baa U Tienu yua n soani nni, ye leni nni.

Jan n diani U Tienu Laabaaliŋamo maama 8:29

Wani yua n soani nni yeni ye leni nni, waa ŋaa nni nbebe, kelima yogunu kuli n tiendi yaala n mani o po.»

Jan n diani U Tienu Laabaaliŋamo maama 8:42

Jesu den yedi ba: «U Tienu n yaa bi tie yi Baa, yi bi baa yaa bua nni, kelima n ñani U Tienu kani ki cua. Mii cua n yuceli po ka, wani n soani nni.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o,

Hebilunba 5:7

Wani, wan den tie nisaalo ki ye o gbanandi nni yaa yogunu, o den miadi U Tienu yua n baa fidi ki faabi o leni mi kuuma, i tantani leni ti nunsiidi nni. U Tienu den gbadi o miabu, kelima o den fangi wani U Tienu.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.