Jan n diani U Tienu Laabaaliŋamo maama 11:21 - U TIENU MAAMA TILI 2013

²¹ Marti den yedi Jesu: «N Daano, a yaa den ye ne, n naataanjaga kan den kpe.

Gourmanchéma Bible

²¹ Malata den yedi Jesu: «N Daano, a yaa den ye ne, n kpelo kan den kpe.

Jan n diani U Tienu Laabaaliŋamo maama 11:21 ပူးပေါင်းရင်းမြစ်များ

1 Bi Badiba 17:18

Lane o pua yeni den yedi Elia: «U Tienu nilo, be n ye mini leni fini siiga? A cua n deni ki baa tiadi nni n tuonbiadi, ki go teni n bijua n kpe yo?»

Pisomi 78:19

Bi den maadi U Tienu po mi mabiadima Ki yedi: «Naani U Tienu baa fidi Ki pa ti mi jiema mi fanpienma nni?»

Pisomi 78:41

Bi den guani ki cili ki biigidi U Tienu, Ki kua Isidayeli Tienu Yua n gagidi ki ŋani biili nni.

Matie 9:18

Jesu n den maadi leni ba yeni, bi yudanba siiga nni yendo den cua ki gbaani o nintuali ki yedi: «N bisalo kpe moala moala ne, ama ŋan cua ki ban maani o po a nii, o baa faadi.»

Jan n diani U Tienu Laabaaliŋamo maama 11:2

(Laa Mariyama tie yua n den wuli Jesu taana po tulale, ki duuni a leni o yudi.) Lasari yua n den yia den tie o naataanjaga.

Jan n diani U Tienu Laabaaliŋamo maama 11:3

A naataanpola yeni den soani u tondu Jesu kani, ki yedi o: «Ti Daano, a buado yia.»

Jan n diani U Tienu Laabaaliŋamo maama 11:32

Mariyama n den pundi Jesu n ye naani ki laa o, o den gbaani o taana kani ki yedi o: «N Daano, a yaa den ye ne, n naataanjaga kan den kpe.»

Jan n diani U Tienu Laabaaliŋamo maama 11:37

Bi siiga nni bi tianba den yedi: «Wani yua n den teni o juamo noadi, naani o kan den fidi ki teni Lasari n da kpe?»