Jan n diani U Tienu Laabaaliŋamo maama 10:33 - U TIENU MAAMA TILI 2013

³³ Jufinba den guani ki yedi o: «Ti kan lugidi a a tana kelima tuonŋanliba po ka. Li tie ke a sugidi U Tienu, kelima fini yua n tie nisaalo tua ke a tie U Tienu.»

Gourmanchéma Bible

³³ Jufinba den goa ki yedi o: «Ti kan lugidi a a tana kelima tuonŋanliba po ka. Li tie ke a sugidi U Tienu, kelima fini yua n tie nisaalo tua ke a tie U Tienu.»

Jan n diani U Tienu Laabaaliŋamo maama 10:33 ပူးပေါင်းရင်းမြစ်များ

1 Bi Badiba 21:10

ki cuani niyuogidilie likani ki sieni ba Naboti nintuali, ban kuli o ke o sugi U Tienu leni o bado. Li yaa puoli, yin ñani o u dogu nni ki lugidi o a tana wan kpe.»

Pisomi 82:6

N yedi: «Yikuli tie tieni yo. Yi tie tanpoli Bado bijabe.

Levi 24:14

«Teni ban ñani yaa nilo n soli n yeli yeni, li nagili niinpo. Yaa niba n den gbadi o maama kuli baa maani bi nii o yuli po. Li yaa puoli, li nitaanli kuli baa lugidi o a tana ki kpa o.

Levi 24:16

Yaa nilo n soli Li Miali Diedo yeli kuli, bi baa kpa o. Li nitaanli niba kuli baa lugidi o a tana ki kpa o. Wan tie caano leni wan tie dotielo kuli, kelima o sugi U Tienu yeli.

Jan n diani U Tienu Laabaaliŋamo maama 10:24

Jufinba den taani ki lindi o, ki yedi o: «Hali u laa yogunu ke a baa waani ti, ti yama n duani? A yaa tie U Tienu n Gandi Yua, ŋan kadi ki waani ti.»

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 10:32

Jesu den yedi ba: «N den teni ke yi laa a tuonŋama boncianla, ya n ñani Baa kani. Li laa tuonli yaa po yo ke yi baa lugidi nni a tana?»

Jan n diani U Tienu Laabaaliŋamo maama 19:7

Jufinba den guani ki yedi o: «Tinba wani pia li bali maama. Laa bali maama mo yaa po, li bili ke li pundi wan kpe, kelima o den yedi ke o tie U Tienu Bijua.»

Jan n diani U Tienu Laabaaliŋamo maama 5:18

Laa maama po Jufinba den lingi ki pugidi ki bua ki kpa o. Laa ji den tie kelima o miidi mi fuodima daali kuali bebe ka, ama li tie ke o go tua ke U Tienu n tie o Baa. Lani n tie ke o nua o yuli ke o de leni U Tienu.

LOMA YAABA 13:1

Nilo kuli n tuo mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli.

Filipi 2:6

O den tie U Tienu n tie maama. Ba ke o den tie yenma leni U Tienu, Waa den sua ke li tie wan baa fie yaala leni u paalu.