Jan n diani U Tienu Laabaaliŋamo maama 10:15 - U TIENU MAAMA TILI 2013

¹⁵ nani n Baa n bani nni ke nmo bani o maama yeni. N puni n miali n pe po.

Gourmanchéma Bible

¹⁵ nani n Baa n bani nni ke n mo bani o maama yeni. N puni n miali n pe po.

Jan n diani U Tienu Laabaaliŋamo maama 10:15 ပူးပေါင်းရင်းမြစ်များ

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Esayi 53:8

Ban den jia o buudi Leni yaa tugutongu den kpa o. O nifiima siiga, Ŋme n den yagi o yama ban den ñani o yeni po? Bi den ñani o bi nifuodiba siiga, Kelima n niba biadima po Leni yaa fala n den baa baa ba po.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Luki 10:21

Lanyogunu liga, U Tienu Fuoma Yua den teni ke Jesu pali mangi hali boncianla, ke o yedi: «Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfuodanba leni bi nunfandanba kuli po, ki doagidi la yaaba n tie nani a bonwaala yeni po. Yeni de! Baa, li tie yeni ki ŋoadi a yanjagiŋanli.»

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke ti bandi o.

Jan n diani U Tienu Laabaaliŋamo maama 10:11

Mini n tie o yankpaaŋamo. O yankpaaŋamo puuni o miali o pe po.

Jan n diani U Tienu Laabaaliŋamo maama 15:13

Oba kuli ki pia yaa buama n cie mine, o nilo n pa o miali o danlinba po.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 6:46

Niloba kuli daa laa Baa, se yua n ñani U Tienu kani. Wani bebe n laa Baa.

Jan n diani U Tienu Laabaaliŋamo maama 8:55

Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o, ki kubi o maama.

Galati 1:4

Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.