Jan n diani U Tienu Laabaaliŋamo maama 10:1 - U TIENU MAAMA TILI 2013

¹ N yedi yi i moamoani, yua n ki tagini bu buliñoabu kani ki kua li yanloli nni, ama ki doni kaanto yo ki kua, tie suudo leni sanjialo.

Gourmanchéma Bible

¹ N yedi yi i moamoani, yua n ki tagini bu buliñoabu kani ki kua li yanloli nni, ama ki doni kaanto yo ki kua, tie conconli leni sanjialo.

Jan n diani U Tienu Laabaaliŋamo maama 10:1 ပူးပေါင်းရင်းမြစ်များ

Jeremi 14:15

Lani n teni ke o Diedo yedi nanda: «Yaa saawalipuaba n pua saawali n yeli nni ki tua ke toabu kan cua mi naa diema nni, ke koma mo kan tieni, mii soani ba. Bu toabu leni mi koma n baa bolini ba.

Jeremi 23:21

Mii soani laa saawalipuaba, Ke bi nan sani ki gedi. Mii maadi leni ba, Ke bi nan pua saawali.

Jeremi 23:32

N nani yaa saawalipuaba n pua saawali leni yaa dangidi n tie faama. O Diedo n yedi yeni. Yaaba n togidi bi dangidi, ki tulindi n niba leni bi boandi leni bi yuboanli. Mii soani ba, mii puogi ba liba. Baa pia fuomiba kuli bi naa niba po. Mini o Diedo n yedi yeni.»

Joeli 2:9

Bi yadi u dogu nni, Ki tiini i bilini po, Ki do ti diedi, Ki koa a diebona kani nani a suuda yeni.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Jan n diani U Tienu Laabaaliŋamo maama 10:7

Jesu go den yedi ba: «N yedi yi i moamoani, mini n tie bu buliñoabu i pe po.

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

LOMA YAABA 10:15

Oba kuli yaa soani U Tienu mawangikaaba mo, bi baa gaa lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»

LOMA YAABA 16:18

Laa nibuolu naa tuuni ti Diedo Kilisiti po ka, bi tuuni bi tugidi po yo. Bi maadi mi madingima leni mi mamanma, ki boandi yaaba n ki fani.

Titi 1:11

Li tie tiladi ŋan mubini bi ñoana, kelima bi yagini ti dietiandi yama, ki bangi ki bua ki baa i janbi ñuadi.

Hebilunba 5:4

Oba kuli kan gaa o yuli po laa jigidi, kali U Tienu n yini yua nani wan den yini Alono maama.

1 Pieri 1:10

Bi saawalipuaba yaaba n den pua saawali, U Tienu n bili yi po yaa ŋanbili po, den lingi ki buali, ki bua ki bandi laa tindima maama fuuli.

2 Pieri 2:1

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.