Jan n diani U Tienu Laabaaliŋamo maama 1:44 - U TIENU MAAMA TILI 2013

⁴⁴ Filipi yeni den tie Betisayida yua, Andre leni Pieli n ñani yaa dogu.

Gourmanchéma Bible

⁴⁴ Filipi yeni den tie Betisayida yua, Andile leni Pieli moko n ñani yaa dogu.

Jan n diani U Tienu Laabaaliŋamo maama 1:44 ပူးပေါင်းရင်းမြစ်များ

Matie 10:3

Filipi leni Batelemi, Toma leni o lubigaalo Matie, Alife bijua Jaki leni Tade,

Matie 11:21

«Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne, yaa den tieni Tiiri leni Sidon dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi pala hali yogu.

Marki 3:18

Andre leni Filipi, Batelemi leni Matie, Toma leni Alife bijua Jaki, Tade leni Simon ban yi yua o Yankuadaano

Marki 6:45

Li yaa puoli, Jesu den fiini o ŋoadikaaba ke bi kua ku ñinbiagu nni, ki gaa o liiga, ki baa duodi ki gedi napo boanjaali Betisayida dogu po, hali wan baa cabi ku niligu.

Marki 8:22

Jesu leni o ŋoadikaaba n den pundi Betisayida, bi niba den cuani o juamo Jesu kani, ki mia o ke wan sii o.

Luki 10:13

Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne yaa den tieni hali yogu Tiiri leni Sidon dogi nni, bi den baa la li paboanli tiadi leni mi fantanpienma ki lebidi bi pala.

Luki 6:14

Bi yela n tie ne: Simon, Jesu n den yini yua Pieli leni o waalo Andre, Jaki leni Jan, Filipi leni Batelemi,

Luki 9:10

Jesu tondiba den guani o kani ki togidi o ban den tieni yaala kuli. Lani, o den taa ba bi bebe, ke bi gedi Betisayida dogu kunu po.

Jan n diani U Tienu Laabaaliŋamo maama 1:43

Lan den fii ki faa, Jesu den jagi ke o baa gedi Galile. O den tuogi Filipi ki yedi o: «Ŋoadi nni.»

Jan n diani U Tienu Laabaaliŋamo maama 1:45

Filipi den tuogi Natanayeli ki yedi o: «Ti laa ban maadi yua yaa maama, Musa n den diani yua yaa po li bali maama nni leni bi saawalipuaba n den diani yua po, lani n tie Jesu, Nasareti yua Josefi bijua.»

Jan n diani U Tienu Laabaaliŋamo maama 1:46

Natanayeli den buali o: «Naani yaala n ŋani baa fidi ki ña Nasareti dogu nni?» Filipi den yedi o: «Cua na, ki ban le!»

Jan n diani U Tienu Laabaaliŋamo maama 1:48

Natanayeli den buali o: «A gaa lede ki bani nni?» Jesu den guani ki yedi o: «Hali ke Filipi daa yini a, ŋan bi ye bu kankanbu tinga, n bi nua ŋa.»

Jan n diani U Tienu Laabaaliŋamo maama 12:21

Bi den cua Filipi kani, yua n tie Galile diema yaa Betisayida dogu yua, ki yedi o: «Canbaa, ti bua ki le Jesu.»

Jan n diani U Tienu Laabaaliŋamo maama 12:22

Filipi den gedi ki waani Andre, ke Andre leni Filipi kuli den yegi ki gedi ki waani Jesu.

Jan n diani U Tienu Laabaaliŋamo maama 6:5

Jesu n den yaadi ki laa ke yaa niligu n yabi kpendi o kani, o den yedi Filipi: «Ti baa da mi jiema hali le ke bine n baa ki je?»

Jan n diani U Tienu Laabaaliŋamo maama 6:7

Filipi den guani ki yedi o: «Kujapiena kobilie dupen kan dagidi bikuli n baa waamu waamu.»

Jesu Tondiba Tuona 1:13

Ban den pundi, bi den kua li dieli nni ki doni li dietuadili po, ban den maani ki taagi naankani. Li den tie: Pieli, Jan, Jaki, Andre, Filipi, Toma, Batelemi, Matie, Alife bijua Jaki, Simon, ban yi yua o Yankuadaano leni Jaki bijua Jude.