Jan n diani U Tienu Laabaaliŋamo maama 1:14 - U TIENU MAAMA TILI 2013

¹⁴ Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Gourmanchéma Bible

¹⁴ Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 1:14 ပူးပေါင်းရင်းမြစ်များ

Pisomi 2:7

N baa kpaani o Diedo ñoamabonli. O yedi nni: «A tie n bijua. Mini n mali a dinla.

Pisomi 45:2

Mi mamanma gbie n pali nni ki kandi. N yedi: «N donda tie o bado po yo. N lanbu n tua nani yua bani i diani Bonŋanla yaa tidianmuanu yeni!»

Pisomi 85:9

N baa cengi U Tienu o Diedo N yedi yaala, kelima o maadi o niba, Bani yaaba n ŋua o yeni Mi yanduanma maama, Ke ban da go guani bi yanluoma nni.

Esayi 40:5

Lani, o Diedo kpiagidi baa doagidi Ke pia miali kuli baa taani ki le ti, Kelima o Diedo yaa ñoabu n maadi.»

Esayi 53:2

O den kpeli o nintuali nani li benkpeli yeni, Nani yaa jiinu n pudi ki tinkuonga nni yeni, Waa den pia bugima, bi ŋamuba Hali ke ti baa bua ki diidi o. Wan naani maama mo ki den tie Tin baa bua ki ñuadi yaala.

Esayi 7:14

Lani yaa po, o Diedo wani o ba Baa pa yi mi maalima. Diidi ki le, li puowandiali baa punbi. O baa maa bonjaga, Ki yini o Emanueli.

Esekieli 37:27

N baa yaa ye bi siiga ki yaa tie bi Tienu, ke bimo n yaa tie n niba.

Matie 1:16

Jakob n maa Josefi, Mariyama yua n den mali Jesu Kilisiti calo.

Luki 2:11

Dinla, Davidi dogu nni, bi mali yi po o Candaano, yua n tie Kilisiti, o Diedo.

Luki 2:7

O den mali o posabiga, bonjaga. O den bobini o ti canpanditiadi ki duani o ku yankpaku nni, kelima kaanu ki den ye bi po ku candiegu nni.

Luki 9:32

Mi guama den gbadi Pieli leni o lieba. Ama bi den fundi ki laa Jesu kpiagidi leni yaa jaliediba n se leni o.

Jan n diani U Tienu Laabaaliŋamo maama 1:1

Hali mi cilima, mi Maama den ye. Mi Maama den ye leni U Tienu. Mi Maama yeni den tie U Tienu.

Jan n diani U Tienu Laabaaliŋamo maama 11:40

Jesu den yedi o: «Mii yedi a ke a yaa daani, ke a baa le U Tienu kpiagidi?»

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 14:9

Jesu den yedi o: «Filipi, ba ke n waagi ki ye leni yi, a daa bani nni? Yua n laa nni kuli, laa Baa. Be yaa po ke a yedi min waani yi Baa?

Jan n diani U Tienu Laabaaliŋamo maama 17:22

N puni ba ŋan puni nni yaa kpiagidi, ke ban yaa tie yendo nani tinba n tie yendo maama.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 18:37

Laa maama po, Pilati den yedi o: «Lanwani, a tie bado yo?» Jesu den guani ki yedi: «Fini n yedi la, n tie bado. Min den cua ŋanduna nni ke bi mali nni, li den tie ke min yaa tiendi siedi i moamoani po. Yua n tie i moamoani yua kuli baa cengi min yedi yaala.»

Jan n diani U Tienu Laabaaliŋamo maama 2:11

Lani n tie Jesu n den cili ki tieni yaa bancianma Kana, Galile diema nni. O den doagidi o kpiagidi, ke o ŋoadikaaba daani o.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla, hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 3:18

Bi kan jia yua n daani o buudi, ama yua n kaa daani o, U Tienu tuodi ki jia o buudi, kelima waa tuo ki daani U Tienu Bonjayenyenga.

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Jan n diani U Tienu Laabaaliŋamo maama 8:32

Yi baa bandi i moamoani, i moamoani yeni baa faabi yi.»

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina!

1 Korenti 15:47

O nikpialo den ñani ki tinga tama nni, ki tie ki tinga yua, o nilielo ñani tanpoli.

2 Korenti 12:9

Ama o den yedi nni: «N ŋanbili dagidi a po, kelima n paalu doagidi ku tadingu nne.» Lani yaa po, n tadingu nni, n baa yaa kpiagidi n yuli ki pugidi. Lani n tie Kilisiti yaa paalu n yaa ŋua nni.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o,

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Kolosi 1:19

Li den mani U Tienu po ke o yedagidikaama kuli, N yaa ye Kilisiti niinni.

Kolosi 2:3

Mi yanfuoma leni U Tienu bandima ŋalimano kuli wuo wani Kilisiti yaa niinne.

Kolosi 2:9

U Tienu n tie maama kuli ye Kilisiti gbanandi nni, ki dagidi cain.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 1:5

U laa yogunu yo ke U Tienu maadi leni o malekinba siiga ba yendo ki yedi o: «A tie n Bijua, Mini n mali a dinla?» U laa yogunu yo ke o maadi malekoba maama ki yedi: «N baa yaa tie a Baa, Amo baa yaa tie n bijua?»

Hebilunba 10:5

Li tie lani yaa po ke Kilisiti n den kua ŋanduna nni yaa yogunu, o den yedi: «Ŋaa bua li padili leni bu paabu kuli, Ama a tagi n gbanandi.

Hebilunba 2:11

Jesu yua n gagidi ki ŋanbidi bi niba U Tienu po leni wan gagidi yaaba yeni kuli, taa Baayendo. Li tie lani yaa po ke waa jie i fe ki yini ba o waamu,

Hebilunba 5:5

Yeni, Kilisiti moko ki den gaa o yuli po kpiagidi leni wan tua bi kopadicianba bado yeni. Ama li tie yua n den yedi o: «A tie n Bijua, Mini n mali a dinla.»

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.

1 Jan 4:9

U Tienu n den doagidi o buama ti po maama n tie line: U Tienu den soani o Bijayenyenga ŋanduna nni ke tin yaa pia li miali kelima o po.

2 Jan 1:7

Mi tulinma danba boncianla, yaaba n naa tuo ke Jesu Kilisiti den cua ki tua nisaalo, cua ki yadi ŋanduna nni. Laa nibuolu n tie mi tulinma daano leni Kilisiti yieka.

Mi Doagidima 19:13

O yie mi soama n yadi yadi yaa tiayiekaagu po. O yeli tie U Tienu Maama.

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.