Jeremi Bubula 4:20 - U TIENU MAAMA TILI 2013

²⁰ Yua n den tie ti miali, o Diedo tondo yeni, Bi cuo o bi buodi nni, Tin den maadi yua yaa maama ki tua Ke o baa kubi ti tin yaa ye i nibuoli siiga yeni.

Gourmanchéma Bible

²⁰ Yua n den tie ti miali, Li Miali Diedo tondo, Bi cuo o bi buodi nni Tin den maadi yua yaa maama ki tua Ke o baa kubi ti tin yaa ye i nibuoli siiga yeni.

Jeremi Bubula 4:20 ပူးပေါင်းရင်းမြစ်များ

Mi cilima 2:7

O Diedo den taa ki tinga tama ki tagi o nisaalo. O den fuo o miani nni li miali fuoma, ke o nisaalo tua yaa miali n fo.

Mi cilima 44:30

Moala n yaa guani a naacemo n baa kani ke ki biga naa ye leni ti, wan bua o hali boncianla maama po, o baa kpe.

2 Samueli 1:14

Davidi den yedi o: «Be n teni ke a tandi a nuu ki kpa o Diedo n gandi yua ki naa jie?»

2 Samueli 1:21

Yinba Giliboa juana, Mangu bi taaga n da go suodi yi po! Yi kuani n da go luoni bonluonkaala! Kelima bi jagini yi yula po yo, ki fiagi a jakoanda gbankoanditi! Ba Sayuli yaa gbankoandigu moko, bi den fiagi li, Kelima baa go duundi mi kpama ki ŋanbidi li.

2 Samueli 18:3

Ama bi toatieba kuli den yedi o. «A kan ña, kelima ti yaa sani bi kan yaa faami tinba wani yaa po. Ba bi yaa kpa ti siiga boagidima, li kan yaa tie bi po liba. Ama fini, a tie ti siiga nani niba tuda piiga (10 000) yene. Lanwani, yaala n ŋani ki cie tie ŋan yaa ye u dogu nni ki yaa tuuni ti po mi todima.»

2 Samueli 19:21

N bani ke n tudi. Diidi, Josefi buolu siiga kuli mini n kpa cua ki tuogi fini n daano o bado.»

2 Bi Badiba Jama 35:25

O saawalipualo Jeremi den ñani Josiasi kuuma po bu kuyanbu. Bi yanyinjaba leni bi yanyinpuoba kuli maadi Josiasi maama bi kuyani nni. Li tua bogidili Isidayeli diema nni, ki taa ki pundi hali dinla. Laa yani diani i kuyani tili nni.

Esayi 32:2

Bi siiga, yuakuli baa tua nani u wuonkaanu u faalu po, Nani u wuonkaanu ku tafaaciangu po, Nani mi ñinpuubikaama ki tinkuonga nni, Nani ku tanciangu soangu li tinwali nni.

Jeremi 39:5

Ama Babilonni toatieba den ŋoadi ki deli ba. Bi den nandi Sedesiasi Jeriko tialu nni. Bi den cuo, ki gedini o Babilonni bado Nebukanesa kani, Livila dogu nni, Hamati diema nni. Lankane ke Nebukanesa den jia o buudi.

Jeremi 52:8

Ama Kalide yaaba toagoli den ŋoadi o bado Sedesiasi ki nandi o Jeriko tialu nni. O toagoli kuli den yadi ki ŋaa o.

Jeremi 52:9

Bi den cuo o bado Sedesiasi ki gedini o Babilonni bado yua n den ye Livila kani, Hamati diema nni. Bi den jia o buudi lankane.

Jeremi Bubula 2:9

Siyon buliñoana feli ki tinga nni. O bolini a, ki pua ki mudi o sendabila. O bado leni o koanbala kuli ye I nilanbuoli siiga. Bali maama ki go ye, Ba o saawalipualo ki go baadi Bonlekaala o Diedo kani.

Esekieli 12:13

N baa lugidi n taalu ki cuo o ki gedini Babilonni, kalide yaaba diema nni. O baa kpe lipo ki naa laa laa diema.

Esekieli 17:18

Waa den kubi wan den poli ki niani yaala, ki fidi bi ŋantaado. Wan den poli ki naa kubi o poli yeni, o kan cia!»

Esekieli 31:17

Bani moko taani ki jiidi leni bu bi tinkpiba diema nni, ki jugisiega n den kpa yaaba yeni po. Bani n den tie o todikaaba, ki ye o soangu nni i nibuoli siiga.

Danieli 4:12

Yin ŋa mani li ñiali leni i jiini, Ki loli li ti kumoandi leni i kuseseli. Lin yaa se li fuali moasoangidi siiga. Ku mangu n yaa soangidi li, Lin yaa ŋmani ti muadi nani ti yandi yeni.

Ose Tili 13:10

Yi den mia nni ki yedi: ‹Pa timo o bado leni bi yudanba.› Yi bado yeni nan ye le, Ki cua ki faabi yi? Yi yudanba yaaba n den baa yaa gobidi yi yeni mo te?

Bi Bujiaba 9:15

Ku konkongu den guani ki yedi: ‹Li yaa tie leni yantiaŋanle ke yi bua min tua yi bado, yin cua mani n soangu nni. Yeni yàá ka, u mu baa ña mini ku konkongu nni, ki buoni Liban sediri tiidi.›

1 Samueli 12:3

To, mini nna. Yin doagidi mani ki waani o Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N gaa ŋme yaa kane li suuli ki pii n nuni ke min da le o tagili? Waani nni mani, n baa guani yi la.»

1 Samueli 12:5

Samueli go den yedi ba: «O Diedo leni wan dini yua li bali tie siedinba ke yii laa n kani tagiliba kuli.» Bi den guani ki yedi: «Bi tie siedinba li kuli po.»

1 Samueli 16:6

Ban den pundi ke Samueli laa Eliabi, o den yedi o yama nni: «Laa pia kuli tama, o Diedo n gandi yua n se o nintuali ne.»

1 Samueli 24:10

O den yedi Sayuli: «Be n teni ke a cengi yaa niba n tua ke mini Davidi moandi ki bua a fala?

1 Samueli 24:6

Lanyogunu o tugusoama den sani kelima o jia Sayuli kpalibu tiipo.

1 Samueli 26:16

Ŋan tieni yaala yeni, laa ŋani. Hali o Diedo po, li pundi yin kpe kelima yii guudi yi daano, o Diedo n gandi yua. Diidi ki le o bado kpaanli leni o ñinbagili yaali n bi ye o yuli kani n ye naani.»

1 Samueli 26:9

Ama Davidi den yedi Abisayi: «Da kpa o, kelima ŋme n baa fidi ki tandi o nuu ki pua o Diedo n gandi yua, ke wani U Tienu kan cuo o?»