Jeremi Bubula 3:22 - U TIENU MAAMA TILI 2013

²² N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Gourmanchéma Bible

²² Lani n tie ke Li Miali Diedo ŋanma Ki gbeni cain, O niñingbadima mo kan tuoni mi bianu.

Jeremi Bubula 3:22 ပူးပေါင်းရင်းမြစ်များ

2 Samueli 24:14

Davidi den guani ki yedi Gadi: «N ye paboancianli nni. N yaa baa o Diedo yaa nuu nni, li cie kelima o ninñingbadima yabi. Ama min da baa bi nisaaliba yaa nuu nni wani.»

Nehemi 9:31

Ama a ninñingbadicianma po, ŋaa den bolini ba, Ŋaa den ŋaa ba, Kelima a tie yaa Tienu n juogidi, ki gba mi ninñima.

Pisomi 103:10

Waa tiendi ti Nani ti tuonbiadi n tie maama, Waa guandi ti tagili panpaani mo.

Pisomi 106:45

O den tiadi wan den kuani Yaa ŋantaado leni ba po, Ki den gbadi bi po mi ninñima, O ŋanbicianli po,

Pisomi 69:17

Gaa n po n miabu, Kelima a ŋanbili leni a ninñima po! Gbegi ki diidi nni, Kelima a ninñingbadicianma po!

Pisomi 77:8

Naani o Diedo baa lu ti cain? Naani o kan go tieni ti mi ŋanma?

Pisomi 78:38

Ama wani yua n pia mi ninñingbadima, Den puni ba sugili bi tagili po, Ki naa bolini ba. Yogunu boncianla o yen ñiigi o pali, Ki tiendi li juunli.

Pisomi 86:15

Ama fini, o Diedo, a tie Yaa Tienu n gba mi ninñima, Ki go pia ti bulicindi. A pali ki be tontoni, ki pia li ŋanbili, Ki go tie ti dugidi daano.

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 30:11

N ye leni a ki baa faabi a. N baa bolini i nibuoli kuli, Min yadi yadi a naani kuli. Ama n kan bolini fini wani. N baa faligi a nani lan pundi maama, N kan bi fidi ki ŋaa ŋa, Nani yua n ki pia tagiliba yeni.»

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Danieli 9:9

Ama fini ti Diedo ti Tienu, a gba ti po mi ninñima, ki tiendi ti po sugili, ba ke ti yie a bali maama.

Malaki 3:6

U Paaciamu Kuli Daano go yedi: «N tie Li Miali Diedo, n kan lebidi, die yinba wani li tie Jakob puoliŋuani yo.

Luki 1:50

Nifiima n tuu nifiima kuli, O baa yaa gba yaaba n fangi o ninñima.