Jeremi Bubula 2:4 - U TIENU MAAMA TILI 2013

⁴ O kpali o dabanli nani yibali yeni. O jienbuagu mo dadi ki baa toa. O kpa yaala n bi pia n nuni po mi ñuadima kuli. O yadi o pabienli nani u mu yeni, Siyon yua ŋani gbandieli po.

Gourmanchéma Bible

⁴ O kpali o dabanli nani yibali yeni. O jienbuagu mo dadi ki baa toa. O ku yaala n bi pia n nuni po mi ñuadima kuli. O yadi o pabienli nani mi fantama yeni, Siyono badisalo gbandieli po.

Jeremi Bubula 2:4 ပူးပေါင်းရင်းမြစ်များ

2 Bi Badiba Jama 34:21

«Yin gedi mani o Diedo kani, ki ban diidi n po, Isidayeli yaaba po leni Juda yaaba, yaaba n sieni kuli po, kelima ban laa yaa tili ne maama po. Nani ti yaajanba n ki den ŋoadi yaa bali maama n diani li tili ne niinni yeni, li fidi ke o Diedo pali beni ti po hali boncianla.»

2 Bi Badiba Jama 34:25

Nani ban ŋaa nni ki ban juugi tientoe po tulale, ki bua ki fiini n pali, ki tiendi tuongunda buoli kuli yeni, n pali beni Jerusalemi po ki kan jiidi.›

Jobi 19:11

O pali beni n po boncianla, Ke o faligi nni nani o yibali yeni.

Jobi 6:4

U Paaciamu Daano piemi muu ki lugidi nni, Ki teni ke li loabidi kua nni. U Tienu teni ke ti jawaanciandi cuo nni.

Pisomi 37:14

Bi nibiadiba baa noadi bi jugisiemu, Bi kpali bi dabana ki bua Ki guli o ninñinnilo leni o luodo, Ki bua ki kodi yaaba yaa sani n tiegi.

Pisomi 7:13

O nibiado yàá lebidi o pali, O baa luani o jugisiega, Ki kpali o dabanli ki yaa guu.

Esayi 42:25

Lani yaa po o pali den beni Isidayeli yaaba po ke o den wuli bi po O pabiencianli falabiado Leni bu toabu falabiado. Bu toabu den pebidi bi po i kaani kuli, Ke bi naa den bua ki bandi liba kuli. Bu den buoni ba, ama baa den kpaagi li po.

Esayi 63:10

Ama bi den tua niyiekaaba, Ki biidi o Fuoma yaama n gagidi ki ŋani, Ke o den lebidi ki tua bi po yibali, Ki den tuogi leni ba bu toabu.

Esayi 63:6

N den ŋmaa i nilanbuoli n pabienli nni, Ki teni ke bi ñuni n pabiencianli ki gaadi, Ke n den wuli bi soama ki tinga po.

Jeremi 10:20

N gbandieli biidi! Li baabi kuli cie. N bijaba sani ki ŋaa nni, Baa go ye. Mii go pia yua n baa tii n po n gbandieli, Yua n baa pini n po n diena.»

Jeremi 21:12

Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Jeremi 21:5

Mini n ba n baa koani leni yi, ki doagidi n fidu, n paaciamu leni li pabiencianli leni mi jama.

Jeremi 30:14

A jaconcona kuli sundi a po, Baa go lingi a. N faligi a nani n yibali yeni. N waani a o falaciamo, Kelima a tagili yabinu po Leni a tuonbiadi biadima po.

Jeremi 36:7

Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Jeremi 42:18

Li Miali Diedo U Paaciamu Kuli Daano, Isidayeli Tienu yedi: ‹Nani n pali n beni Jerusalemi yaaba po maama yeni, n pali baa be yi moko yaa po yene, yi yaa gedi Ejipiti diema nni. Yi baa tua ti solindi leni li pabiidili bonla, mi falima leni u yualu bonla. Yi kan go le u naa kaanu mo abada.› »

Jeremi 7:20

Lani n teni ke o Diedo U Tienu yedi mi naa maama: «Diidi n pabiencianli baa nandi u naa kaanu koatiidi, li niba, li yandi leni li tinga bonluonkaala kuli. U mu baa yaa siagi la ki kan gbindi.»

Jeremi Bubula 1:13

Hali tanpoli, o teni ke u mu Kua n kpaba nni, ki juugi a. O dia nni ti cuadi, Ki teni ke n ŋmadi ki baa. O teni ke n pali boandi, Ke n ye leni fala li yentunli kuli nni.

Jeremi Bubula 2:5

O Diedo guani ki tua nani yibali yene, Ki nali Isidayeli. O nali o badidiedi kuli, Ki bolini o dopaali. O teni ke Juda yua n ŋani yenbidi ki go ñiindi. I kaliti leni i ñiindi yabidi.

Jeremi Bubula 3:3

O Diedo fii ki sedi n po, Ki pua nni daali kuli.

Jeremi Bubula 4:1

Jam, li gaa lede! Wula baa fidi ki joagini? Wulamoano ñuadi kpe! Li jaandieli tana yadi yadi i sani nni kuli.

Jeremi Bubula 4:11

O Diedo teni ke o pabienli tuoni li bianu, O doagidi o pabiencianli. Siyon dogu nni o cuoni u mu, Yuu n dini u tanpuuna.

Esekieli 13:13

Lani n cedi mini o Diedo U Tienu yedi daa: n pabienli baa teni ku tafaaciangu leni ki tacianga n cua. N pali yaa fii yaa yogunu mo, n baa teni a tatana n cua ki bolini likuli.

Esekieli 20:34

N baa ñani yi leni n paalu, yin yadi yadi ki ye yaa diema leni yaa nilanbuoli siiga, ki taani yi ki wuli yi po n pabienli.

Esekieli 22:22

Nani ŋanjilifa n yen nandi ki buaga nni maama, yimo baa nandi u niinni yene. Lani, yi baa bandi ke mini Li Miali Diedo n wuli n pabienli yi po.»

Esekieli 24:25

Ama fini nisaalo biga, yaa daali ke n baa ñani yaala n tie bi fidu leni bi pamanli, ban bogidi bi yula leni yaa tiadi, bi yemanma leni ban jigini naankani, bi bijaba leni bi bisiaba,

Esekieli 36:18

Lanwani, n wuli bi po n pabienli, kelima ban wuli yaa soama mi diema nni leni ban den padi yaa buli, ki den joagini mi diema yeni.

Esekieli 5:13

N baa teni n pabienli n tuoni li bianu. N baa tuu n panli. Yeni, bi baa bandi ke mini Li Miali Diedo n maadi n nunponli nni, ke n pabienli tuoni li bianu.

Esekieli 6:12

U yianbiadipuodiko baa kpa yaaba n ye foagima, ki jugisiega n kpa yaaba n ye koanma nni, mi koma mo n bolini ban cua ki baa mi diema ki cuo ki sieni yaaba. N baa teni n pabienli bi po n tuoni li bianu.

Esekieli 7:14

Bi baa piebi kakaci, Ki bogini likuli ki gbeni, Ama niloba kan ña bu toabu po, Kelima n pabienli fii Mi diema piama kuli po yo.

Levi 26:17

N baa buli yi n nunga, ki sedi yi po. Yi yibalinba baa deli ki paadi yi. Yaa niba n nani yi yeni baa die yi, yi baa sani, ba ke oba kuli naa deli yi.

Nahumi 1:2

O Diedo tie yaa Tienu N pia li nunponli ki tuugi li panli. O Diedo tuugi li panli, O pabienli bia boncianla. O Diedo tuugi o koanginkaaba li panli Ki kan tieni o yibalinba po sugili mo.

Nahumi 1:6

U Tienu pali yaa beni, Oba kuli kan fidi ki sedi. O pali yaa beni boncianla, Oba kuli kan fidi ki yaa ye. O pali co nani u mu yeni. A tana pudi ki yagidi o nintuali.

Mi Tiadima 32:22

N pabienli bia nani u mu, Ki co ki pundi hali bi tinkpiba diema nni. Mi buondi ki tinga leni ki bonluonkaala kuli, Ki buondi a juana tanpuuna.

1 Samueli 28:16

Samueli den yedi: «O Diedo yaa ŋaa ŋa ke a tua o yibali, be yaa po ke a go buali nni?