Jeremi Bubula 1:1 - U TIENU MAAMA TILI 2013

¹ Jam, li gaa lede ke, Yaa dogu n den gbie bonŋanla yeni, N ji ti bili bonkuongu, Ki naani leni li kpepuoli! I nibuoli diema siiga, Jerusalemi den tie dociamu, Ki tie badisalo a dogbenga siiga. Wani n ji guani ki tuuni li yonbituonli!

Gourmanchéma Bible

¹ Jam, li ga lede, Yaa dogu n den gbie bonŋanla yeni N di ti bili bonkuongu, Ki naani leni li kpepuoli! I nibuoli diema siiga, Jelusalema den tie dociamu Ki tie badisalo a dogbenga po, Mani n di goa ki tuuni li tuonpaali!

Jeremi Bubula 1:1 ပူးပေါင်းရင်းမြစ်များ

2 Bi Badiba 23:33

Ejipiti bado Neko den cuo ki loli o Libila dogu Hamati diema nni, ke wan da go tie bado ki die Jerusalemi. Lanyogunu Neko den bili ke mi diema yaaba baa teni o ŋanjilifa kilo tudataa (3 000) leni wula kilo piitaa.

2 Bi Badiba 23:35

Joakimi den teni Ejipiti bado ŋanjilifa leni wula yeni. Ama o den teni ke mi diema niba n lubi laa ŋanjilifa leni laa wula, ke wan baa ki pa Ejipiti bado Neko, nani wan bili maama. Joakimi den bili nilo kuli n baa pa maama, ki teni ke mi diema yaaba cuani wan den baa teni Ejipiti bado, yaa ŋanjilifa leni yaa wula banlu.

2 Bi Badiba Jama 9:26

Ki cili Efrati kpenu kani, ki gedi hali Filisiti yaaba diema, ki go ban pundi hali Ejipiti diema tinbiani, wani n den die laa diema badiba kuli.

Esidirasi 4:20

Bi badipaaba den tieni laa dogu nni, ki diedi yaa diema n ye Efrati diema nintuali kuli, ki teni ke bi pa ba li bancanli, li lubili leni i sani tagima ligi.

Nehemi 5:4

Toaba mo den tua: «Ti ledi i ligi ki dugi ti kuani leni ti duventiidi po, ki baa pa o bado li lubili.

Nehemi 9:37

Tin tieni yaa tuonbiadi yeni po, A teni ke ki tinga yeni luoni boncianla, Ŋan den teni ke yaa badiba n die ti yeni po. Bi die tinba leni ti yandi kuli, nani ban bua maama. Ti ye leni paboancianli!

Pisomi 122:4

Fini yaa kane ke Isidayeli buoli, Bani o Diedo buoli yeni kuli, Den caa ki kpiagidi wani o Diedo, Nani lan den bili maama Isidayeli nni.

Esayi 14:12

Li gaa lede ke a ñani tanpoli ki baa, Fini ku tiŋaagu ŋmabicoancoanli. Bi pua ki luni a tiipo, Fini yua n den paani i nibuoli.› »

Esayi 22:2

Be yaa po yo ke bu lanbu gbie u dogu nni? Be n teni ke u dogu nni pia ku naa fuugu? Be n teni ke a niba kuudi? A niba yaaba n kpe naa kpe bu toabu po ka, Baa den kpe mi janjanma po ka.

Esayi 3:26

Siyon dogu buliñoana n mua Ki go yaa ye li paboanli nni.

Esayi 49:21

Yi baa yedi yi pala nni: ‹Ŋme n mali ti po ba, Kelima tii den pia biga. Ti den tie ŋoalimu, ti den ye ti yonbidi, Ke bi go ñani ti mo bi niba siiga. Ŋme n nan wubi bine? Diidi, ti den ye ti bebe. Bine mo nan den ye le?› »

Esayi 50:5

Li Miali Diedo U Tienu den luodi n tubili, Mini mo ki den yie, Mii go den sudi ki guani puoli mo.

Esayi 52:2

Fii mani ki yoagi yi tangungu Yinba Jerusalemi yaaba. Kali mani ki lodi yaala n luo yi tuli nni, Yinba Siyon bisiaba yaaba n ye ti yonbidi.

Esayi 52:7

Diidi mani yua n cuoni a juana po, Ki caagi o laabaaliŋamo cenli n ŋani maama! Yua n kpaani mi yanduanma laabaalo, Yua n kpaani mi faabima laabaalo! Yua n yedi Siyon yaaba: «Yi Tienu n kaa ti gbandi po.»

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Jeremi 31:7

O Diedo yedi nanda: «Yiini mani Jakob po leni li pamanli. Mangi mani yi pala Jakob yua n tugi i nibuoli kuli yuli po. Teni ban gbadi yi niali, yin pagi o ki yedi: ‹O Diedo, faabi a niba Isidayeli yaaba, yaaba n sieni!›

Jeremi 40:9

Ahikami bijua Gedalia, Safani yaabili den poli ki niani ba u ñoanianu ki yedi: «Da jie mani Kalide diema yaaba, tuo mani ban yaa die yi, yaa ye mani mi diema nni, yaa tuuni mani Babilonni bado po, yi baa sua ke yi yema mani yi po.

Jeremi 42:2

o saawalipualo Jeremi kani ki yedi o: «Cengi ti po ti miabu: mia o Diedo a Tienu tinba yaaba n sieni nne kuli po! Ti den yabi boncianla, ama moala nani ŋan nua maama, tii go fuu.

Jeremi 44:2

Li Miali Diedo U Paaciamu Kuli Daano, Isidayeli Tienu yedi: «Yi laa min teni ke yaa fala n baa Jerusalemi dogu leni Juda. Dinla laa dogi kuli tie diegbendi. Niba ki ye i niinni.

Jeremi 44:6

N den jiini n pabienli leni n mutuoli, ki juu Juda diema dogi leni Jerusalemi sani, ke likuli kpandi diegbendi leni pabiidili kaani, nani tin nua ke li tie maama dinla yeni.»

Jeremi 50:23

Li gaa lede ke Babilonni yua n bi tie Li ŋandunli kuli tuatuaga mudi, Ki cabidi cabidi? Li gaa lede ke Babilonni pua nufanu Cain i nibuoli kuli siiga!

Jeremi 9:11

Naani li pia yua yaa yama n fo bonŋanla, Ki baa fidi ki doagidi laa bonla n tie yaala? Li yaa tie ke o Diedo n maadi leni o, Wan doagidi ki waani yaala yaa po, Ke mi diema bodi Leni yaala yaa po ke mi tua fanpienma, Nilo n ki go poandi naankani!

Jeremi Bubula 1:19

N yini n jaconcona, Ama bi boandi nni. N kopadicianba leni n nikpela Kpe u dogu nni, Ban den lingi mi jiema yaa yogunu, Ki bua ki gaa bi miana.

Jeremi Bubula 2:1

Jam, li gaa lede ke o Diedo pabienli nni, O teni ke ti tawaboandi libini Jerusalemi? O pieni ki luni Isidayeli kpiagidi tinga nni. Waa tiadi o diegu po. O pabienli nni, o sundi o taaŋmaakaanu po.

Jeremi Bubula 2:10

Siyon nikpela kaa tiipo ki ŋmini. Bi wuli mi tama bi yula po, Ki lani li paboanli tiadi. Jerusalemi jafanba, Tibini bi yula ki diidi tiipo.

Jeremi Bubula 4:1

Jam, li gaa lede! Wula baa fidi ki joagini? Wulamoano ñuadi kpe! Li jaandieli tana yadi yadi i sani nni kuli.

Jeremi Bubula 5:16

Ki badifogiliga cibidi ti yuli po ki baa. Fala baa ti kelima ti tudi.

Esekieli 26:16

Mi ñincianma balinma diema Badiba kuli baa jiidi bi gbandi po, Ki landi bi liadiciama leni bi tiadi yaadi n ŋali ki kpaa, Ki laa ti jawaandi, Ki yaa kaa tiipo, Ki yaa digibi, Kelima bi mua a po.

Esekieli 26:2

«Nisaalo biga, Tiiri yaaba laa Jerusalemi yaaba ti laadi, Ki tua: ‹Bi niba kuli n yen koa yaa buliñoabu mudi n yeni. Ti yula mangi ke ti tua piada, U dogu yeni mo tua diegbengu.›

Esekieli 5:5

Li Miali Diedo U Tienu n maadi yaa maama n tie ne: «Lani n tie yaala n baa nandi Jerusalemi dogu, min den gandi yuu, ki kaani i nilanbuoli siiga yeni.

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki gaa yi tulale pada nuulumanu.

Levi 26:33

N baa yadi yikuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.

Sofoni 2:15

Lani n tie yaala n baa baa laa dogu yaaba, Bani yaaba n den pia ti japaadi ki jigini bi fidiceli, Ki tama ke liba kuli kan baa ba, ke baa pia kuli bilie. Diidi likani n tua paboanli kaanu maama! Likani tua ti yandi wuonkaanu! Yaaba n tagi likani kuli fuoni ki fegini bi yula.

Mi Doagidima 18:7

Wun den kpiagidi u yuli Ki kuani u yama mi yemanma nni Ke li pendi ki pundi yaa bianu, Pa u mani mi funfunma leni li paboanli Ki pundi laa bianu, kelima u yedi u pali nni: ‹N kaa li bali kalikaanu ki tie puobado, Mii tie kpepuoli ka. N kan le kuuma paboanli.›