Jeremi 52:30 - U TIENU MAAMA TILI 2013

³⁰ Nebukanesa bali piilie n bintaali, bi guudikaaba yudaano Nebusaradani, den gedini Jufinba kobilele n piinaa n bonbimuu ti yonbidi. Bi niba kuli coali den tie tudanaa n kobiluoba (4 600).

Gourmanchéma Bible

³⁰ Nebukanesa bali piilie n bintaali, bi guudikaaba yudaano Nebusaladani den gedini Jufinba kobilele n piinaa n bonba muu ti yonbidi. Bi niba kuli coali den tie tudanaa n kobiluoba (4 600).

Jeremi 52:30 ပူးပေါင်းရင်းမြစ်များ

2 Bi Badiba 25:11

Bi guudikaaba yudaano Nebusaradani yeni den cuo yaa niba n den sieni ki ye u dogu nni, yaaba n den teni bi yula Babilonni bado leni taliginba yaaba n den sieni. O den gedini ba ti yonbidi.

2 Bi Badiba 25:8

Laa binli cimuulo daleleeli, Babilonni bado naacemo Nebusaradani, yua n den tie bi guudikaaba yudaano, den kua Jerusalemi nni. Li den tie Babilonni bado Nebukanesa bali piiga n binyiali binli.

Jeremi 39:9

Nebusaradani, badidiegu guudikaaba yudaano, den cuo yaa niba n den sieni u dogu nni, yaaba n den taa bi yula ki puni o leni yaaba n den li sieni kuli, ki gedini ti yonbidi Babilonni.

Jeremi 52:15

Bi guudikaaba yudaano Nebusaradani den taa mi diema niba tianba yaaba n den luo, yaa niba n den sieni u dogu nni, yaaba n den taa bi yula ki puni Babilonni bado leni a tuonsoanbanda kuli, ki gedini ba ti yonbidi.

Jeremi 52:29

Nebukanesa piiga n binniili, o den ñani Jerusalemi kobinii n piitaa n nibilie.

Jeremi 6:9

Li Miali Diedo U Paaciamu Kuli Daano yedi nanda: «Bi baa sobidi yaaba n sieni Isidayeli nni, Nani ban sobidi i duventiidi maama yeni.»