Jeremi 52:3 - U TIENU MAAMA TILI 2013

³ Yaala n den tiendi Jerusalemi dogu nni leni Juda diema nni kuli, den taani ki biendi o Diedo pali, hali yaala ke o den ñani bi maama nni cain. Sedesiasi den fiini mi yiema Babilonni bado Nebukanesa po.

Gourmanchéma Bible

³ Yaala n den tiendi Jelusalema dogu nni leni Juda diema nni kuli den taani ki biendi Li Miali Diedo pali, hali yaala ke o den ñani bi maama nni cain. Sedesiasi den fiini mi yiema Babilona bado Nebukanesa po.

Jeremi 52:3 ပူးပေါင်းရင်းမြစ်များ

Mi cilima 4:14

Diidi, dinla a deli ki ñani nni ki naa tinŋanga nni. N baa yaa wuo naani n foagi leni a. N baa yaa tie lianliamo leni o puapuagido ki tinga nni. Yua n laa nni kuli baa kpa nni.»

Mi cilima 4:16

Lanwani, Kayini den sani ki foagidi leni o Diedo. O deni den ye Nodi diema nni, yaama n ye Edeni puoli po.

2 Samueli 24:1

O Diedo pali go den beni leni Isidayeli yaaba ke o den tigini Davidi ke wan tieni yaala n baa cuani bi po yaala n bia, ki yedi ke wan coadi Isidayeli leni Juda yaaba.

1 Bi Badiba 10:9

N jaandi ki kpiagi o Diedo a Tienu, yua n ŋanbi a po ki teni ke a kali Isidayeli yaaba bali kalikaanu. Li tie ke o Diedo bua Isidayeli yaaba hali yaa yogunu kule, ke o dini a li bali ke ŋan teni i moamoani leni mi teginma n yaa ye.»

2 Bi Badiba 17:18

Lanwani, o Diedo pali den beni Isidayeli yaaba po boncianla, ke o den buli ba o nunga ki naa sieni ba yendo, se Juda buolu bebe.

2 Bi Badiba 17:20

Lanwani, o Diedo den yie Isidayeli nibuoli kuli, ki faligi ba. O den taa ba ki tieni yaaba n fenli ba yaa nuu nni, ki deli ba ki ñani o nintuali.

2 Bi Badiba 17:23

Hali ke o Diedo den deli ki ñani Isidayeli yaaba o nintuali, nani wan den soani o naacenba bi saawalipuaba ke bi waani ba maama yeni. Li tie yeni ke bi nilanba den ñani Isidayeli yaaba bi diema nni, ki gedini ba Asiiri diema nni ti yonbidi, ban ye naankani hali dinla.

2 Bi Badiba 24:20

Laa bonla kuli den tieni kelima o Diedo pali den fii Jerusalemi yaaba leni Juda diema yaaba kuli po, ke o bua ki ñani ba o nintuali. Lanwani, Sedesiasi den fiini mi yiema Babilonni bado po.

2 Bi Badiba Jama 36:13

O den fiini mi yiema ba o bado Nebukanesa po, yua n den cedi ke o poli hali U Tienu po. O den yaani o yuli, ki juagi o pali, kaa bua ki lebidi ki guani o Diedo Isidayeli Tienu kani.

Esidirasi 4:15

ke ŋan teni ban lingi yaa tila n maadi a yaajanba maama niinni. A baa le lienni ke laa dogu tie mi yiema dogu. Yogunu kuli u den biidi bi badiba leni guveneerinba po. Hali yogu, u niba den fiindi mi yiema. Li tie lani yaa po yo ke bi den mudi laa dogu.

Mi Kpanjama 28:2

Mi diema yaa ye leni mi janjanma, Mi yudanba yen yabi. Ama Yua n pia mi yanfuoma Leni mi banma yaa kubi ma, Mi yanduanma baa yaa ye.

O Yanfuodaano 10:16

Fala ye leni yinba yaaba yaa diema bado n tie bonwaaga, yinba yaaba yaa koanbala n yagidi ki di.

Esayi 19:4

N baa teni yaa canbaanba n bia n diedi Ejipiti, Yaa bado n bia boncianla baa diedi ba.» Li Miali Diedo U Tienu U Paaciamu Kuli Daano n yedi yeni.

Esayi 3:1

Li Miali Diedo U Paaciamu Kuli Daano Baa muni Jerusalemi dogu yaaba Leni Juda diema yaaba Li bonjekaala, mi ñima Leni lan tie yaa todima buolu kuli.

Esayi 36:5

A yedi ke mi yanfuoma leni u fidu tie yaala n dagidi bu toabu po, ama a maadi mafanma bebe. A jigini ŋme ki yie, ki yedi ke n kan go yaa die ŋa?

Jeremi 15:1

O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Jeremi 7:15

N baa deli ki foagidi yi n kani, nani min yie yi kpiiba, Efrayimi puoliŋuani kuli maama yeni.› »