Jeremi 52:27 - U TIENU MAAMA TILI 2013

²⁷ Babilonni bado den kpa ba Livila dogu nni, Hamati diema nni.

Gourmanchéma Bible

²⁷ Babilona bado den pua ki ku ba Hamati diema nni.

Jeremi 52:27 ပူးပေါင်းရင်းမြစ်များ

2 Samueli 8:9

Hamati bado Toyi den gbadi ke Davidi paadi Hadadeseri toagoli kuli.

2 Bi Badiba 17:20

Lanwani, o Diedo den yie Isidayeli nibuoli kuli, ki faligi ba. O den taa ba ki tieni yaaba n fenli ba yaa nuu nni, ki deli ba ki ñani o nintuali.

2 Bi Badiba 17:23

Hali ke o Diedo den deli ki ñani Isidayeli yaaba o nintuali, nani wan den soani o naacenba bi saawalipuaba ke bi waani ba maama yeni. Li tie yeni ke bi nilanba den ñani Isidayeli yaaba bi diema nni, ki gedini ba Asiiri diema nni ti yonbidi, ban ye naankani hali dinla.

2 Bi Badiba 23:27

O Diedo den yedi: «N baa ñani Juda yaaba n nintuali, nani min den ñani Isidayeli yaaba maama yeni. N baa yie Jerusalemi dogu, min den gandi yuu leni min den gandi yaa diegu ki yedi kupo ke n baa yaa ye lankani.»

Esayi 24:3

Ki tinga kuli bia fanma, bi fagi ki kuli, Kelima o Diedo yedi:

Esayi 27:10

U kaanpaalu ye u bebe yo U tie ban ŋaa yaa diegu, Oba kuli ki go ye lienni nani Mi fanpienma yeni. A naabila dua lankane ki fuo, Ki ŋmani ti fatudi.

Esayi 43:28

Li tie lani yaa po yo ke n den teni Ke u kaangagidiŋamu kopadicianba kuli joagini, Ki ŋaa ke yibali bolini Jakob buolu, Ki fiagi bani Isidayeli yaaba.

Jeremi 13:19

Bi luoni nuganu po dogi. Oba kuli ki ye yua n baa luodi yi. Bi gedini Juda diema yaaba kuli ti yonbidi.»

Jeremi 20:4

Diidi o Diedo n yedi yaala: ‹N baa ŋaa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilonni bado n diedi Juda yaaba kuli, ki taa bi tianba ki gedini Babilonni, ki kpa bi tianba leni ki jugisiega.

Jeremi 21:7

Li yaa puoli, mini o Diedo n yedi: ‹N baa taa Juda bado Sedesiasi, o koanbala leni u naa dogu niba kuli, bu toabu leni mi koma n dini ki ŋaa yaaba, ki ŋaa ba Babilonni bado Nebukanesa leni yibalinba leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi ninñima. Niloba kan cia. O kan juogi ba.› »

Jeremi 39:10

Ama Nebusaradani badidiegu guudikaaba yudaano, den ŋaa u dogu nni luodipenpiena wani Juda diema nni. O den puni ba duven tiidi leni i kuani.

Jeremi 39:9

Nebusaradani, badidiegu guudikaaba yudaano, den cuo yaa niba n den sieni u dogu nni, yaaba n den taa bi yula ki puni o leni yaaba n den li sieni kuli, ki gedini ti yonbidi Babilonni.

Jeremi 52:9

Bi den cuo o bado Sedesiasi ki gedini o Babilonni bado yua n den ye Livila kani, Hamati diema nni. Bi den jia o buudi lankane.

Esekieli 33:28

N baa teni mi diema yeni n tua diegbendi leni paboanli kaanu. Mi niba fidu yuu n den tie bi japaadi yeni baa baa u bianu. Isidayeli diema juana baa tua paboanli kaanu, ke niloba kuli kan go yaa do a juana yeni po.

Mise 4:10

Yeni de, Siyon yaaba, yaa yalini ki duni mani, Nani yaa pua n ye leni u maditugukoanu yeni. Moala yi baa ña u dogu na niinni, Ki gedi ki ban kpaa yi gbandiena li fuali nni. Yi baa gedi hali Babilonni ki ban baa mi faabima. Lanpo, mini o Diedo baa faabi yi yi yibalinba nuu nni.

Mi Tiadima 28:36

O Diedo baa teni yinba leni yin dini yaa bado yeni, n gedi yi baanba n naa den bani yaa nibuolu kani, ki buali yinba. Lanpo, yi baa yaa gbaandi ki pugi yaa buli n tie ti daadi leni a tana.

Mi Tiadima 28:64

O Diedo baa yadi yadi yi i nilanbuoli nni, hali ki tinga bianu kuli nni. Lanpo yo, yi baa n kpiagi yinba leni yi baanba n ki bandi yaa buli, yii n tie ti daadi leni a tana.

Mi Tiadima 4:26

Tanpoli leni ki tinga n tie siedinba mini leni yinba siiga dinla. Li yaa tie ke yi tieni laa tuonbiadi buolu, yi baa kpe ki bodi tontoni yin baa kandi Jurden ki diedi yaa diema yeni niinni. Yi miana kan foagidi, kelima yikuli baa bodi cain.