Jeremi 52:26 - U TIENU MAAMA TILI 2013

²⁶ Nebusaradani bi guudikaaba yudaano, den taa ba ki gedini Babilonni bado kani Livila dogu nni.

Gourmanchéma Bible

²⁶ Nebusaladani bi guudikaaba yudaano den taa ba ki gedini ba Babilona bado kani Libila dogu nni.

Jeremi 52:26 ပူးပေါင်းရင်းမြစ်များ

2 Bi Badiba 23:33

Ejipiti bado Neko den cuo ki loli o Libila dogu Hamati diema nni, ke wan da go tie bado ki die Jerusalemi. Lanyogunu Neko den bili ke mi diema yaaba baa teni o ŋanjilifa kilo tudataa (3 000) leni wula kilo piitaa.

2 Bi Badiba 25:20

Bi guudikaaba yudaano Nebusaradani yeni den cuo bikuli, ki gedini ba Babilonni bado kani Libila dogu nni.

2 Bi Badiba 25:8

Laa binli cimuulo daleleeli, Babilonni bado naacemo Nebusaradani, yua n den tie bi guudikaaba yudaano, den kua Jerusalemi nni. Li den tie Babilonni bado Nebukanesa bali piiga n binyiali binli.

Jeremi 39:5

Ama Babilonni toatieba den ŋoadi ki deli ba. Bi den nandi Sedesiasi Jeriko tialu nni. Bi den cuo, ki gedini o Babilonni bado Nebukanesa kani, Livila dogu nni, Hamati diema nni. Lankane ke Nebukanesa den jia o buudi.

Jeremi 39:9

Nebusaradani, badidiegu guudikaaba yudaano, den cuo yaa niba n den sieni u dogu nni, yaaba n den taa bi yula ki puni o leni yaaba n den li sieni kuli, ki gedini ti yonbidi Babilonni.

Mi Coadima 34:11

U tinbianu baa jiidi Sefami, ki ŋoadi Livila po, Ayini puoli. U tinbianu baa jiidi, ki ban tuoni Kinereti ñincianma jaali puoli po.