Jeremi 51:58 - U TIENU MAAMA TILI 2013

⁵⁸ Li Miali Diedo U Paaciamu Kuli Daano n go yedi mine: «Babilonni bilinciami baa baa cain. U mu baa juu o buliñoana Ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula u mu po.»

Gourmanchéma Bible

⁵⁸ Li Miali Diedo U Paaciamu Kuli Daano n go yedi mine: «Babilona bilinciami baa ŋmadi ki baa cain. Mi fantama baa juu o buliñoana ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula mi fantama po.»

Jeremi 51:58 ပူးပေါင်းရင်းမြစ်များ

Pisomi 127:1

Ban caa Jerusalemi ki yiini yaa yanbu. Salomon yanbu. O Diedo yàá maa yaa diegu, Bi diemaaba tuonli tie fanme! O Diedo yàá guu yaa dogu, Yaaba n guu, guu fanme!

Esayi 13:2

O Diedo yedi: «Sieni mi maalima bonla, Yaa juali n pidi milimili po. Kpaani ki waani ba, Yugidi mani yi nii ki waani ba, Ban tagini ki kua bi bulicinba buliñoana kani.

Esayi 47:13

Yi coagini yi yula leni mi lingima. Yaaba n yaadi ki nua tanpoli, Ki diidi u yienu leni i ŋmaali, Ki diidi ŋmapaano kuli, Ki wangi yaala n baa cua kuli, Coagini bi yula.

Esayi 65:23

Bi kan go yaa faligidi bi yula fanma fanma. Bi kan go bandi maakuuga, Kelima bi baa yaa tie o Diedo n seligi Yaa niba yaa puoliŋuani, Bi bila mo n yaa ye leni ba.

Jeremi 50:15

Fii mani o po leni bu toabu kuudi, Ki kuudi mani i kaani kuli. O tuo o tadingu. O tanpuuna kuli wudi ki baa, O bilini mo kuli wudi ki gbeni, Kelima li tie o Diedo pantuuli yo. Tuu o mani yi panli. Tieni o mani nani wan tieni toaba maama yeni!

Jeremi 51:30

Babilonni jakoanda gbali bu toabu, Ki sani ki wuoni a toadiena nni. Bi jie ki luodi, Ki kpandi ki tua puoba. Bi juu mi diema u mu, Ki mudi mi buliñoaluoditi sendabila.

Jeremi 51:44

N baa fii ki sedi Beli po Babilonni nni. N baa lobidi wan kpibi yaala o ñoabu nni. I nibuoli kan go yaa tigibi ki caa o kani. Ba Babilonni bilinu ŋmadi ki baa.

Jeremi 51:64

‹Babilonni n baa bodi cain maama n yeni. Min baa teni yaa fala n baa o n yeni. O kan go fidi ki fii ki sedi.› » Jeremi maama kuli n yeni.

Jeremi 51:9

Ti bi bua ki paagi Babilonni, Ama o kan fidi ki paagi. Ña mani o niinni, Yuakuli n guani o diema nni, Kelima o buudi baa pundi hali tanpoli, Ki kpedi ki pundi hali ti tawadi.

Jeremi 9:5

O Diedo yedi: «Bi yen ña tugumoangu nni Ki ban kua tugumoantoagu nni, Ki ña faama nni ki ban kua mine nni, Ki yiedi ke bi kan bandi nni.»

Jeremi Bubula 5:5

Ti yibalinba fii ki sedi ti po. Bi coagi ti hali boncianla, Baa puni ti fuodima ba waamu.

Habakuki 2:13

Yin koani ki paadi yaa nibuoli Coagini bi yula fanma fanma, Yin maa yaala kuli baa buodi U mu nni. Li Miali Diedo U Paaciamu Kuli Daano n teni ke li tieni.