Jeremi 50:7 - U TIENU MAAMA TILI 2013

⁷ Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba, Kelima bi tieni ti tuonbiadi O Diedo mi teginma daano po, Wani, bi baanba n den dugi yua yaa po.›

Gourmanchéma Bible

⁷ Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba kelima bi tieni ti *tuonbiadi Li Miali Diedo mi *teginma daano po, Wani yua tie bi baanba suginma yeni.›

Jeremi 50:7 ပူးပေါင်းရင်းမြစ်များ

Pisomi 71:5

Kelima o Diedo n Tienu, fini n tie n suginma! N dugi a po hali n bonwaama nni.

Pisomi 79:7

Kelima bi kpa a niba, Ki pua a diema nufanu.

Pisomi 90:1

U Tienu nilo Musa miabu: «O Diedo, fini n tie ti wuonkaanu, Hali yogu, nifiima n tuu nifiima.

Pisomi 91:1

Yua n sani ki baa tanpoli Tienu po, Wuo U Paaciamu Daano yaa soangu nni.

Esayi 47:6

N pali den beni n niba po, Ke n teni ke bi laa i fe, Ki den taa ba ki tieni yi nuu nni. Ama yii den gbadi bi po ninñimiba kuli. Yi den tuni ba o jakpelo yaala n kpiagi.

Esayi 56:9

Yinba ku muagu nni yandi kuli, Yinba li fuali nni yandi kuli, Cua mani ki je!

Esayi 9:12

Isidayeli yaaba naa guani U Tienu yua n pua ba kani. Bi naa lingi Li Miali Diedo U Paaciamu Kuli Daano.

Jeremi 10:25

Teni a pabiencianli n jiidi i nilanbuoli po, Bani yaaba n ki bani a Leni yaa nibuoli n ki jaandi ki miadi a todima yeni po, Kelima bi di Jakob buolu. Bi dini o hali ki bolini o, Ki teni ke o tinga tua paboanli kaanu.

Jeremi 14:8

Fini yua n tie Isidayeli dugidi, A tie gaapo li paboanli daali. Li gaa lede ke a tie nani O canpendika yeni, mi diema nni? Li gaa lede ke a tie nani Yaa sancenlo n jadi ki duani, Ñiayengu bebe yeni?

Jeremi 17:13

O Diedo, fini Isidayeli suginma, Yaaba n ŋaa ŋa kuli baa le i fe. Yaaba n foagidi leni a kuli baa kpe, Kelima bi ŋaa o Diedo yua n tie Li miali ñinbunli.»

Jeremi 2:3

Isidayeli, a den li ye mini o Diedo bebe yaa po yo. A den tie n bonbaakaala kuli yaa bonkpiala. Yaaba n den ŋmani la kuli den kua i tagili nni, Mi yebiadima mo yen ŋmaa ba. O Diedo n yedi yeni.

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 33:15

Li yogunu yaa pundi, n baa teni Davidi n maa bimoanga, yua n ŋua yaa bujiali n tiegi, ki tiendi mi teginma mi diema nni.

Jeremi 33:16

Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Jeremi 5:17

Bi baa je yi kpaandi leni yi jiema, Bi baa je yi bijaba leni yi bisiaba, Yi yangbenga leni yi yanbidi kuli, Yi duventiidi leni yi kankandi. Bu toabu baa bolini yi dopaali, Yin ye naani ki tama ke puu kan nandi yi yeni.

Jeremi 50:14

Bogini mani ki sedi bu toabu po, Yinba yaaba n gaani ki lindi Babilonni. Yinba yaaba n kpali yi dabana, toa o mani. Yin da sieni ba penyendu, Kelima o tudi o Diedo po.

Jeremi 50:17

Isidayeli tie nani i yangbanli n deli Yaa pia ke o bodi yeni. Asiiri bado n kpa dini o. Nebukanesa Babilonni bado mo juodi ki mudi o kpaba.

Jeremi 50:33

Li Miali Diedo U Paaciamu Kuli Daano N yedi yaala nne: «Bi mabini Isidayeli leni Juda yaaba. Yaaba n gedini ba ti yonbidi kubi ba leni u paalu, Ki yie ke bi kan ŋaa ba.

Esekieli 34:5

Lanwani, bi den yadi yadi kelima baa pia yankpaalo po, ki tua ti fuayandi kuli mo yaa jiema.

Esekieli 35:12

Lani, a baa bandi ke mini Li Miali Diedo, n den gbadi ŋan den maadi yaa makoandima yaaba n ye Isidayeli diema juana po ki tua: ‹A juana yeni tua diegbena, nilo ki go ye a po. Ti baa tieni Isidayeli diema tin bua yaala.›

Danieli 9:16

Ti Diedo, nani a ninñingbadima n yabi maama po, ŋan jiini a pali a dogu Jerusalemi a joagagidikaali po. Ti tuonbiadi leni ti baanba tudima teni ke yaaba n lindi ti kuli fali ti, ki yuandi Jerusalemi leni a niba.

Danieli 9:6

Tii den cengi a naacenba bi saawalipuaba, yaaba n den maadi leni ti badiba, ti badijaba, ti baanba leni ti diema yaaba kuli a yeli nni.

Sakari 1:15

Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali.

Sakari 11:5

Yaaba n daa ba yen kodi ba kaa nua kuli tagili. Yaaba n kuadi ba mo tua ke ban tuondi o Diedo kelima bi baa mi piama. Ba bi yankpaaba mo yaa siiga, oba kuli ki gba bi po ninñima.

1 Timote 1:1

Mini Poli, yua n tie Jesu Kilisiti tondo, kelima U Tienu ti Candaano yaa ñoamabonli po leni Jesu Kilisiti yua n tie ti suginma yaa po.