Jeremi 50:46 - U TIENU MAAMA TILI 2013

⁴⁶ Laabaali n ñani ke bi fie Babilonni, Ki tinga kuli digibi. I nibuoli bubula fii ki loli.»

Gourmanchéma Bible

⁴⁶ Laabaali n ñani ke bi fie Babilona, Ki tinga kuli digibi. I nibuoli bubula fii ki loli.»

Jeremi 50:46 ပူးပေါင်းရင်းမြစ်များ

Esayi 15:5

N mua leni n pali kuli Moabi po, Yua yaa kpaada n tiini ki caa Tisoari po, Hali Egilati Selisiya, Kelima bi tiini ki go buudi ki do Luhiti, Bi mua i paboandanmoe hali Holonayim sanu nni.

Esayi 5:7

Li Miali Diedo U Paaciamu Kuli Daano Duven tiidi kuanu yeni, N tie Isidayeli buolu. Juda buolu mo n tie Wan den bua yaa tibu hali bonŋanla. O Diedo den sugini Ki le yaa bujiali n tiegi, Ama ki nan laa biadima bebe. O den sugini ki le mi teginma, Ki sua i kaani kuli janda bebe!

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Jeremi 46:12

I nibuoli kuli gbadi yi fe laabaalo. Yi bubula mo gbieni ki tinga, Kelima jakoando baa tuudi jakoando, Bikuli n taani ki baa.

Jeremi 49:19

O Diedo yedi: «N tie nani yaa yangbanlo n ñani Jurden fuali nni, ki caa li ñinbunli po yeni. N li baa yedi bugibu yenma Ki teni Sodomi n sani, Min kaani min gandi yua, Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 49:21

Bi tingbali moe teni ke ki tinga digibi. O moe ban pundi hali i kpenkagi ñincianma.

Jeremi 51:29

O Diedo n den bili ke o baa tieni Babilonni diema yaala yaa tieni yaa yogunu, Ki tinga baa waagi ki jeli banbani. O baa teni Babilonni diema n tua diegbengu, Niba n ki go ye naani.

Jeremi 51:54

Cengi mani, Babilonni dogu nne, ke i kuudi fii ki loli leni yaa lancianbu n tiendi, kelima Kalide yaaba diema mudima po.

Esekieli 26:18

Moala, a kpendega yaaba kuli ye leni i jeje, Mi ñincianma kpendega yaaba kuli Ye leni i jejeciami kelima a bodi.»

Esekieli 27:28

Yaaba n gobidi a ñinbiadi yaa kuudi Li paboanli kuudi, Yaaba n ye mi ñincianma balinma baa yaa digibi.

Esekieli 31:16

N den teni ke i nibuoli digibi bun den baa ki tieni yaa fuugu, min den teni ke bu jiidi bi tinkpiba yekaanu nni yaa yogunu ki taani leni yaaba n ji ku buoñuangu nni. Edeni tiidi kuli pala den mangi hali ki tinga ñuanlu nni. Liban tiŋandi, yii n pia mayuli kuli leni yii n baadi mi ñima kuli pala den mangi.

Esekieli 32:10

Bi baa yaa ye leni i yanbani leni min baa teni yaala n baa a po. Min baa teni ki jugisiega n yaa yiini bi yula po yaa yogunu, bi badiba baa yaa digibi leni ti jawaandi kelima a po. Ŋan baa baa yaa daali, bi baa yaa digibi ke yuakuli jie o miali po.»