Jeremi 50:35 - U TIENU MAAMA TILI 2013

³⁵ Bu toabu, baa Kalide yaaba! Mini o Diedo n yedi yeni. Fii ki sedi Babilonni yaaba po, O koanbala leni o yanfuodanba kuli po.

Gourmanchéma Bible

³⁵ Bu toabu Kalide yaaba po! Li Miali Diedo n yedi yeni. Fii ki sedi Babilona yaaba po, O koanbala leni o yanfodanba kuli po.

Jeremi 50:35 ပူးပေါင်းရင်းမြစ်များ

Esayi 29:14

Lani n teni ke n baa yaa baa Ki tiendi upo li bonludikaala. Bi yanfuodanba yanfuoma baa bodi. Bi nunfandanba nunfanbu baa sani Ki ban wuoni.»

Esayi 41:25

N yini nujienu po joa ke o cua. O ñani puoli ki taa n yeli ki jaandi ki mia nni. O ŋmaa bi paadanba Nani ti tansoangidi yeni, Nani o maado n ŋmaadi Ku yoagu maama yeni.

Esayi 44:25

N biandi tuofaa-sinankeene fanma, Ki jiendi a baayuadiida. N teni ke a banda suligi ki goa puoli, Ki lebidi bi bancianma ke mi tua yanpiima.

Esayi 45:1

O Diedo maadi wan gandi Sirusi yua yeni po, Wan cuo yua yaa nujienu, Ki baa guli i nilanbuoli o nintuali, Ki baa cebidi bi badiba gbanñagiditi, Ki baa luodi o po ti buliñoa-luodiliediti Ke tin da go luoni. O Diedo yedi yaa maama n tie ne o po:

Esayi 66:16

O Diedo baa jia ti buudi leni u mu. Li tie leni ki jugisiega yo, Ke o baa faligi nisaalimiali kuli. Li daali, o Diedo baa kpa niba boncianla leni o jugisiega.

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua, Kelima i nibuoli yanfuodanba kuli siiga, Mi diema buoli kuli siiga, Oba kuli kan niagi leni a.

Jeremi 47:6

Ŋain! O Diedo jugisiega, a kan ji fuodi! Guani ki kua a tuagu nni, ki yaa tie suo, Ki da go yedi liba.

Jeremi 50:27

Kpa mani o naatona kuli, Gedini ba mani u yankodikaanu kani. Fala baa ba kelima bi yogunu pundi, Bi buudi daali pundi.

Jeremi 50:30

Lani n teni ke o toatiejawaaba baa kpe mu daamu nni, O jakoanda mo kuli baa bodi. O Diedo n yedi yeni.

Jeremi 51:39

Ban tongi bi gbani, N baa bogini bi po bi jiema, N baa ñuni ki guoni ba leni mi kuuma, Ban guani ki kan go fundi abada. Mini o Diedo n yedi yeni.

Jeremi 51:47

Lani n teni ke a dana kpendi, ke n baa fii ki sedi Babilonni buli po. O diema kuli baa yaa ye i fe nni. O niba kuli baa kpe o diema nni.

Jeremi 51:57

N baa ñuni ki gaadi o koanbala, o yanfuodanba, o guveneerinba, o bujiaba leni o jakoanda. Bi baa guani yaa guama ke bi kan go fundi. Bi kan go fundi abada. O Bado yua yaa yeli n tie Li Miali Diedo U Paaciamu Kuli Daano n yedi yeni.

Jeremi 8:9

Bi yanfuodanba fiagi, Ki jie hali boncianla ke bi cuo ba. Diidi, ban fali o Diedo maama yeni, Bi yanfuoma go pia bi po mi laa fuome?

Esekieli 14:2

Lani, o Diedo den maadi nni yaa maama n tie ne:

Danieli 5:30

Laa ñiagu liga, bi den kpa Babilonni diema bado Belitisasari.

Ose Tili 11:6

N niba den ŋoadi bi yaa yantiana, Lani n teni ke bu toabu baa bolini bi dogi. Bu baa bolini bi bilinciami buliñoaluoditi, Ki go bolini bi dogi cain.

Levi 26:25

N baa teni yaa jugisiega n baa tuu li panli n cua ki tuu yi panpaani n ŋantaado miidima po. Yi yaa taani ki kua yi dociamu nni, n baa soani u yianbiadipuodiko yi siiga, ki go taa yi ki teni yi yibalinba.

Sakari 11:17

Fala n baa ku yankpaayuogu, Yaagu n ŋaa i pe. Bu toabu n bolini o nuu paalu leni o nuni gbanmanu, Ke o nuu n faani, O jiennunbu mo n fiadi!